سلام الله على الحضار والطاحون وين ايروح =بعد ما ينتهي طاروقنا وان ودع الطرقه=

انا مدري من المجروح واللي في خفاه اجروح=ولاكن فيه ناس اتموت والموته من الشرقه=

تقوله والدروب امقضبه با الماقف المسموح=عليك الله وكبر كل ما تنظر على الدرقه=

ضميرك لايفوح ويصبح الطاحون قدر ايفوح=على هونك ترى العالم تميز شعرنا اوفرقه=

علومك طيبه لو ما انت طيب ماتجيب او ضوح=تذكرني بهرج الهندي اللي زايدن قرقه=

نعرفك ياولد طاحون بين الذم والممدوح=يا راع الشجره اللي يظهر الماء من تحت عرقه=

تجر الثيابك السودا وعينك ما تشوف الشوح=تشيل افراشك امن الظل قبل تشاهد الشرقه=

انا مزعل صحيبي يعتبر عندي وزين الروح=لونه مايعرف اللي حصل في ليلة الغرقه =

كتاب الدرس واضح والكلام ابداخله مشروح=فتحت اوراقك اللي معك ورقه بعدها ورقه=

وانا مبسوط من هرجت طموح اوبيته المطروح=عسى الله يسعده ويجمله مع ريس الفرقه=