الرشايدة ومشاركتهم في معركة الصريف ضد شمر
 

خطة مبارك الصباح:-

قام الشيخ مبارك بوضع خطة للسيطرة على نجد والقضاء على إمارة الرشيد ، وكانت الخطة أن يتجه عبدالعزيز بن عبدالرحمن آل سعود إلى الرياض ، وأن يتجه آل مهنا إلى بريده وآل سليم إلى عنيزه ، وأما باقي الجيش يقاتل جيش آل رشيد .
عندما وصل الجيش إلى روضة التنهات توجه عبدالعزيز آل سعود بألف رجل لفتح الرياض، وحاصر الرياض 55 يوم يقول عبدالله فلبي(( أن عبدالعزيز اقتحم فعلاً أسوار الرياض ، ولكن أهلها التفوا حول أميرهم، وقاتلوا قتال المستميت ، حتى كسر اصبع عبدالعزيز)) وكان من أكثر المدافعين عن المدينة الشيخ محمد بن عبدالله بن عبداللطيف آل شيخ مما جعل عجلان أن يهدي الشيخ فرس ، وعندما كان الملك محاصر للرياض أتاه رسول من والده يخبره بهزيمة الجيش ويأمره بالعودة إلى الكويت .

آل مهنا وآل سليم فقد نجحوا في دخول بريده وعنيزه !!!

ليلة المعركة وصباحها:-


كان الأمير عبدالعزيز قد خيم في الصريف، وأما الشيـخ مبارك فقد خيم في الطرفية. في يوم 25 ذي القعدة وفي الليل اجتمع مبارك مع شيوخ وكبار القبائل يشاورهم بشأن الحرب ضد الرشيد.
وكان مع ابن صباح ( 27بيرق ) وارسل ألف مقاتل مع عبد العزيز بن سعود إلى الرياض وقال ابن صباح أنا معي قوة ما تقهر ونا ماقدّامي إلا ّ شمر وبجيب ابن رشيد وبوقعه على بياض وابي اذله وابقضى على دولة شمر وأيدوه الموجودين !!؟
وقال له العزي راع البره يقال انه من عتيبه . ,ويقال انه من مطير. هل تعرف ابن رشيد؟؟؟؟ قال ابن صباح ( أنا ما اعرفه اعرف عمه وآلا هو حكم من سنتين وهو شر وشرير وش يصير؟؟ قال العزي:::: يصير شي كثير لا تتعب نفسك وترسل له المراسيل تراه هو يدور عليك تراه وصلك اليوم ولا الليلة ولا ّباكر حط حراس لا يغرك المنافقين ترا ما فيهم إلا ّ من انكوا بناره وقام ابن صباح وثار عليه وقال وش ها الصباح الأقشر ) ) !!؟
كان جيش مبارك الصباح متوقعين النصر وذلك لكثرة العدد والعدة، وكان الأمير عبدالعزيز الجنازه يريد تأخير المعركة إلى اليوم التالي ، ونصحه رجل بأن يسرع بالهجوم وقال : مبارك اليوم ما له عز ولاسعه لأن البارحه ذكرى تاريخ ذبحته لأخويه محمد وجراح ...


(( يتبع ))

وصف معركة الصريف:-

بدا جيش حايل يعرضون ، ويوم انتهوا من العرضه قام كل واحد يودع أخوه... هاجم عدد من الفرسان جيش ابن صباح ولكن واجههم البوارديه وبدوا بإطلاق النار عليهم فرجعوا، وأمر الأمير عبدالعزيز بأن تساق 40 ناقة من الصخريات (نياق ال رشيد) ويكون الجيش من خلفهم وقد قتل في بداية المعركه ابناء حمود العبيد ال رشيد (سالم ومهنا )رحمهم الله.... وكان الأمير عبدالعزيز متعصب بعصابة حمراء ومعه رافع البيرق ومن حوله عدد من أسرة آل رشيد .
ويوم بدأت المعركة وتقهقر جيش ابن صباح ، فهج ّ الكثير من الجيش وخاصةً البدو. ولم تستمر المعركة كثيراً حيث أن جيش ابن صباح انكسر بعد فرار الكثير من الجيش ، فانهزم الجيش هزيمه نكراء . وغنمت شمر الكثير من الغنائم.. ولدرجة ثقة جيش ابن صباح بالنصر كان غدائهم بالقدور جاهز . وللعلم أن اابن صباح حين خروجه قال للطباخين ( نبي ناصلهم وننهيهم زينو الغدا نبي نتغدا بهذا ماحنا مبطين) وهذا بسبب تيقن ابن صباح كسب المعركة لكثرة البيارق معه !!؟
وتفاجأ الطبابيخ بدخول ابن رشيد ومن معه عليهم ليتغدو غدا ابن صباح
وأبن صباح هذا هو الوحيد اللي تبقى من الصباح وما الصباح الحاليين إلا احفاده .. فر شيوخ القبايل كلهم وكلن رجع إلى ديرته ، وفر الشيخ مبارك هو وامراته إلى سدير وبالتحديد إلى الزلفي ، وركب بعير وتوجه نحو الكويت . ويرد مبارك هزيمته إلى البدو المرافقين له الذين انقلبوا عليه ونهبوا رجاله. ويروي مبارك بأن شيخ بريدة قد وصل في 400 فارس بعد أن انجلت المعركة، وأن ابن رشيد لاحقه، وشتت رجاله، وقتله، وفرض على بريدة 30000 ريال غرامة. ويدعي مبارك بأنه خسر حوالي 2000 من رجاله منهم حمود أخو الشيخ، وخليفة بن عبد الله الصباح ابن أخيه، بينما يقدر خسارة ابن رشيد بأربعمائة قتيل.

وهذه امرأه كويتيه في الكويت وصلها خبر الهزيمة من قرينيس احد قادة جيوش الصباح ، وأصبحت كل الكويت أحزان فكان كل بيت فيه أحد ميت له . وهذه امرأة فقدت إبنها من أهل الكويت فرثته تقول:-

قلت آه من علم ٍ لفى به قرنيـس .. .. ياليت من هو ميت مـا درا بـه
علم ٍ لفى به مرّس القلب تمريس .. .. والنار عجت في الضمير التهابه
واليوم له عن جفن عيني مراريس .. .. والحنظل المذيـوق زاده شرابـه
نصيـت بيتـه فلـت ياقرنيـس .. .. وين الحبيب قال: ماعلمنـا بـه
على الله اللي على ضمر العيـس .. .. واليوم ما أدري أي حدبً لفابـه
اخفى مع البيرق بحرب السناعيس .. .. وإن سئل به وإلى المقادير جابـه



بعد الإنتهاء من المعركة وإنتصار شمر، تغنى الشعراء بهذا النصر الكبير...قال الأمير عبدالعزيز الجنازه لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين ، يقول الجنازه وللعلم فالامير عبد العزيز ليس شاعر ولم يقل الشعر قط ... الا مرتين .... هذه احداهن::





يا هيه يا راكب المرسون .. .. سلم على ساهـر الليلـي
قل ابن صباح وبن سعدون .. .. وبن سعود وبـأ الخيلـي
كسرتهم والقضي ممهـون .. .. بعيال شمر على الخيلـي
اركض كما شوشة المجنون .. .. سبحـان رب مسويلـي






راع الجمل وده يطيح .. .. واللي على متنه رماه
ياعيال انا مالي نطيح .. .. مليت من تال الحياه




ويوم وصل الرسول للأمير حمود العبيد تألم حمود لوفاة ابناؤه لكنه فرح للنصر المتحقق فقال::





عـزاه ياقلـب مـن العـام ملهـود .. .. ولا جت علوم الغـزو ينسـاح بالـه
وإلى أبطوا الطرشان تلقـاه منكـود .. .. مثل الغليـث اللـي يحسـب لياليـه
والله لـولا حبكـم يافتـى الـجـود .. .. لا حـج بيـت الله واصلـى قبالـه
يالله يالـلـي للمخالـيـق معـبـود .. .. يا الواحـد اللـي كـل حـي يسألـه
تجعل سهمنـا يمـت الضـد مقيـود .. .. بسلامـة اللـي وافيـاتٍ اخصالـه
عبدالعزيز اللي على الحرب والكـود .. .. يصبر كما تصبر عرايـب جمالـه
عطـاه ربـه خـلـةٍ مـثـل داوود .. .. ولين اقلوب التـرك لـه وإستمالـه
من العام غزاي على خيـر وسعـود .. .. مـا ديــرة إلا بنـايـة ظـلالـه
الله يعيـن الخيـل ويقـوي الـقـود .. .. عليـه لا سنـه تعـلـى رحـالـه
واللي فتق فتق وهـو كـان مسـدود .. .. ذبح الجمل يقطـع بـزوره شمالـه
وإن ما مضى شئ ترى الحكي مردود .. .. انشد بريـدة وإنشـد اللـي حوالـه
واللي تمنا الحرب ماهـوب مـردود .. .. من حربنا مـا حصـل إلا الرزالـه
تر حربنا مثل البحر مـا بهـا زود .. .. الغبـه اللـي موجهـا فـوق جالـه
داخلـه مفقـود وطالعـه مـولـود .. .. ما اهبلـك ياللـي خابـر وتعنالـه
وش عندنا الربـع لدعيـج وحمـود .. .. وعريـب دارٍ يـوم تطـرد اشغالـه
يقول مالـي اجـي نجـد مقصـود .. .. إلا الأميـر احولُـه مـن جبـالـه
وابوه ما اكبر فزتـه يافتـى الجـود .. .. وابوه لو هـو حالمـه كيـف قالـه
هو ما درى أن اجبالنا الحمر والسود .. .. عين على الطبـاخ فـي كـل حالـه
وابوه مانـا خابـر يطلـب العـود .. .. ولا عندنـا لـه قالـةٍ بـه مقـالـه
غره سلاحـه خمسـة آلاف بـارود .. .. ومطيـر وسبيـع ويـام ٍ صيـالـه
مثل الحبوش اللي يسوقـون محمـود .. .. وأهلكهـم البـاري بعـزة جـلالـه
نقلهم الله لين جو حـول أبـو الـدود .. .. ومن دمهم هـاك الطغاميـس أسالـه
حامـو عليهـم بالبواريـد وفـرود .. .. ومبـارك ٍ نجـاه ربــه لحـالـه
ماله شبيـهٍ كـود فرعوننـا العـود .. .. اللـي نجـا والقـوم تفـرق قبالـه
وفرعوننا المذكور وإبليـس العـود .. .. أطيب منه وأذرب منـه فـي فعالـه
ما هاب من ربه ولا خـاف منقـود .. .. أمـه لقـع قلبـه وشمـت بخـالـه
شيبـان أخوانـه مصليـن ورقـود .. .. في فرشهـم ذبحـوا بليلـة ٍ غيالـه
وإن كان عند أمه جنيهـات وعقـود .. .. لزما ً يغولـه مثـل غولـة عيالـه
ونكس علة قومـه بخسـرا مفقـود .. .. ومن ذبح منهم وخِـذ شطـر مالـه
((خلوه بكويته )) وراحوا على القود .. .. وكل ٍزبن لـه ديـرة ٍ فـي حلالـه




ويقول كذلك مفضي السلمي:-





يالله أنك تعـز الشيـخ وتدلـه .. .. دعوت العبد يامولاي وتجيبـه
يوم جانى أخو مريم وربع ٍ لـه .. .. هيّض مطير والعجمان وأجنابه
جاك شرهٍ على حايل يبي ظلـه .. .. ما درى أنه بلاد دونهـا لابـه
حايل ٍ حايل ٍ كل ٍ يبـي ظلـه .. .. مار أبو متعب بالسيف عيابـه
وين فيصل وشرب الكيف بالدله .. .. ماثنى سابقه لارحم من جابـه
وين سعدون ومـرده لعبـدالله .. .. يوم حامت عليه الخيل ماشابـه



بعض المعلومات التي لم تذكر عن هذه المعركةأحببت أيرادها للفائدة :

1- ماجد الحمود رحمه الله تعالى لم يقتل في الصريف وأنما أصيب ومرض بعد تلك المعركة الشاهد
قصيدة والده حمود العبيد





هلا هلا بيك يالوجعـان .. .. ياللي صوابك جرح كبدي
ياخو الطريحين بالميدان .. .. اللي سبا يبهـم الربـدي




2- من المشاهد المهمة في تلك المعركة :
((
تحويلة شمر بالعمّارِيات
والعمّارِيات هن البنات اللي يرقصن قدام الجيش تحفيزاً للشباب هل الخيل على الأقدام على الموت وعدم الخوف والتراجع .
وقد حولوا عيال الطنايا بسبع بنات عمّارِيات مع جيش ابن صباح وكل واحدة حولة بوجه فارس من فريس شمر وقد حرص أبناء الطنايا على حفض كرامة تلك البنات والعوده بهن الى حائل وأكرامهن ومن ثم أعادوهن الى أهلهن سالمات على سلم العرب. والذي تخلى عنه الكثير في ذلك الزمان .
وكانت إحدى تلك العماريات هي أبنة الشيخ ابن نقادان أمير العذبة من بني مره , والتي قال لها عبدالعزيز بن رشيد يوم حولوه وين ربعك ماأعذروا دونك ؟؟؟! قالت يامحفوظ جوهم ناسٍ مايقبلون العذر .

ثم أنشدت قصيدتها المشهورة :




يانور عيني ياهل لبده .. .. ياللي على الجمع دلاقه
ابن صباح أنهبد هبده .. .. سعدون ماطلّق نياقـه
هرج صحيح وله زبده .. .. ماهي سواليف ملاّقـه
حلت باطاريفهم عبده .. .. والأسلم حماية الساقـه





ايضاً عندما رجع ابن صباح للكويت منهزم ...... قال الشاعر العزي من قصيدة طويله





الغوج خلي مالقـى مـن يجيبـه .. .. عند ابن شايق مالقى الغوج ركاب
عاضوه بالحلوه رياضً عشيبـه .. .. ماتشبع الرجال من عشب عشاب
من فوق حرذون يحـك الشطيـه .. .. تسعين ليله مقعد الشيخ ماطـاب

شئ طيب مثل هذه الأحداث التاريخية
ولكن ياليت يتم تعديل الأخطاء المطبعية والفصل بين شطري أبيات الشعر

تسلم يالاسد

على نقل هذه المعركه

ونسأل الله العفو والعافيه

الحمد لله على نعمتة الاسلام

والتاريخ باقي دمت بود