/مستعد ابقى انا لحالي رشيدي/
 

هيضتني هالقريحـه الشاعريـه
واسفتزت شاعر بلعب القصيـدي
اخذ احلا الشعر واجنـب رديـه
لارقص في راسي الجن المريدي
اطرق المسحوب ولا السامريـه
اتخيـر واتنقـى فـي قصيـدي
جيت اعبر يامشاعر في قضيـه
لابسه جسمي وتمشي بالوريـدي
حيرتنـي بالتفـاهـه والـذيـه
مير اخاف النار في ثوبي تزيدي
لـو اطمنهـا تجينـي باللحيـه
ولو ابرفعها على الشارب وكيدي
المشاكـل والمصايـب والبليـه
ترشد العاقل ومنهـا يستفيـدي
لاتذكـرت الحكـم بالجاهلـيـه
قلت وعـزاه يالقلـب البليـدي
اصلح النيه تـرى النيـه مطيـه
يرزقك رب المـلا رب العبيـدي
خيل العوجـا بعـزوه عجرميـه
عزوة الدواي باليـوم العنيـدي
لا تعزوى (تويم ) شال البندقيـه
ينطح البـارود ماعنـه يحيـدي
واعرفو براك صوته فـي دويـه
فيه سبع طعون من شلفا شديدي
وخالد الـدواي فـوق المعنقيـه
لابس المحزم وله بيرق يسيـدي
ياسيوف الحـرب ويالخنجريـه
وياصهيل الخيل والدرع الحديدي
استعدي واضربـي احـلا تحيـه
لهل العوجا هل الراي السديـدي
دام هـذا فعلكـم يحـرم عليـه
التفت حق الردي لوهو عضيـدي
لنـي مـردد ومختـوم الهويـه
خالي هو عمي وانا لجدي طريدي
لازم احفظ طيبكم لـون شويـه
لو دخلت 2000 والجيل الجديدي
وبتحلا في فعل زبن الونيه
ابن معصب او برشيـد القفيـدي
لن راسي رابي بطيـب الحميـه
مستعد ابقى انا لحالي رشيـدي
وسلامتكم

صح السانك


وبيض الله وجهك على هذه القصيده الجزله

تقبل مني فأيق احترامي

صح السانك


وبيض الله وجهك على هذه القصيده الجزله

محـــــــمد

بـــــن

دهـــــــــيم

صح بدنك

وعيدك مبارك

تسلم على مرورك الكريم

صح لسانك يا راعي العوجا

وقصيده وافيه من وافي

وتقبل سلامي

صح لسانك يا راعي العوجا

وقصيده جزله من شاعر جزل

تقبل مروري..//