قبيلة بني رشيد - البارحة مدري وش اللي خذاني كلمات متعب التركي اداء متعب الحريص

البارحة مدري وش اللـي خذانـي
يوم اجنبوا عني من الضيقة اشملـت

جيـت أتكلـم بـس عيـا لسانـي
ماكني إلا مرتكب ذنـب واخملـت

الله يسامح مـن ذكـرت ونسانـي
وأنا أدري إنـي لاذكرتـه تجملـت

عانيت وأدري كـل طيـب يعانـي
وعلى حساب طعوني الخضر جاملت

ياماخذوا منـي ولا احـدأ عطانـي
من طيبتي في حق نفسي تساهلـت

عـزاي لامنـه تجـهـم زمـانـي
يممـت وجهـي للكريـم وتوسلـت

واللي يبـي قربـي وبعـدي لقانـي
أمشي على وضح النقاء ما تختلـت

يامن سكنت اجمل زوايـا كيانـي
ياما على نفسي عشانـك تحاملـت

مرات احس انك معي شخص ثانـي
ومرات احس انك حبيبي وما زلـت

لاتفرح انك دجـت بيـن المحانـي
لو ماتخـون الذاكـره مـا تسللـت

عشان ماضيك الجميل وعشانـي
حاول تشيل من الوفا ربع ماشلت

ماني على خبرك حبيبي ترانـي
حتى عن اصغار الاماني تنازلت

[youtube]https://www.youtube.com/watch?v=i2pDS2V9gwg[/youtube]