يامرحبا يااصحاب منا ومنا = ترحيبة ٍ بالطيب دايم تحنا
وحنا على كل المواقيف حنا = والله يعز المملكة ويحماها

دقت الساعه بميعادها قدم الجميع = وانت ياسيف العرب ساعتك في حلها

الليله اللي جابتك يابو ماهر=اتشرف الطاروق من غير قاصر
بالغايبين وكل رجال حاضر=والله يعز المملكه ويحماها

دقت الساعه ورقاصها دايم سريع=والعميل ابغى علومه بعد جاء كلها

دام البقى ونظر على نظرت السيف =وراقب علومك في جميع المواقيف =
اليل والمعنا على معزب الضيف =الله يعز المملكه ويحماها=

دقت الساعه وسولف عسى دارك ربيع =المخيله خيلت والعلوم افطلها=

اليل عند اصحابنا والجماعه=يامرحبا ترحيب في كل ساعه
وياشيخنا البيطار وين البضاعه=الله يعز.........

انت بيطار الشعر شاعراً صدرك وسيع=والمسأل بعض الاحيان يصعب حلها

ابو لهب لو كان من خيرة الناس = ما كان وسوس له عن الحق وسواس
والحق مايبغى شهود ٍ وجلاس = والله يعز المملكة ويحماها

لاحصلك قلنا تشتري والا تبيع = تحت هاك الشجرة اللي يضلل ظلها

نبغى نطير بطايرة وانتعلا=فوق المزون اللي مطرها تدلا
للي على الماقف وقف ماتخلا=والله يعز المملكه ويحماها

انت مأمون الأمانه ولا يمكن تضيع=مير ذيك الناس وش به مايبرد غلها

خل الوسيمه بيننا با المعاني =وسمع كلامي في جميع المباني=
الحق اله برهان ياابن فلاني= الله يعز المملكه ويحماها=

الدروب امقضبه وانت با الموقف تطيع=وكان ماطعت العرب روح عنها وخلها=

الرحله اليله بكل اتجاهات=لايكون كبتنها زعيم العصابات
ماهو انت يالبيطار بس انت بالذات=الله يعز...........

السوالف بعضها دونها سدٍ منيع=ودي اعلمك بس العرب تفطن لها

اطلع سما ياطير واقهر معاديك = حنا نعرف العايدي والتماتيك
والعز ميراث الرجال الصعاليك= والله يعز المملكة ويحماها

شاب راسك وانت جالس على الخط السريع = والعرب لن شافتك زاد فيها غلها

في رحلتك لابد ماتستفيدي=مادام بالرحله مخاوي رشيدي
ماهي ترى خوة هذاك الصعيدي=والله يعز المملكه ويحماها

الرخامه ماتجي حول رجالً شجيع=لا انطحوه القوم من هيبته يحتلها

ياطير ياطير الوفا والمعزه =الناس ماتدري وش اللي بغزه=
والمشكله حايل حصل فيه هزه =الله يعز اللملكه ويحماها=
الحقايق باقيه وانت زبدك لايميع=والردي مايحب ناسن مخالف دلها=

خوة رجال العرف بالمال تشرى=والاالمساري بعض الاحيان قشرى
وبشارةً بالشر ماهي بـ.بشرى=الله يعز المملكه.......

خل وضعك زين والجو من حولك بديع=لاتمادى وتجبر اهل السيوف تسلها

الظاهر انك ياصحيبي بالارصاد = جالس على باب الزمن تحسب اعداد
ولن طال عمرك ما تحصل لك ابلاد = والله يعز المملكة ويحماها

ياوزير الدايره وش بلا عندك رجيع = كل ماشفت المصايب تجي تشتلها

يالي بزمان العولمه صرت مشهور=وانته من اول كنت منهي ومأمور
اثبت مكانك لين يأصلك الدورهههههههههه=والله يعز المملكه ويحماها

كل نفسً ماتكلف بما لا تستطيع=وكل عذراء ماتبى خل ماهو خلها

ياصاحبي يا اللي بقسم الطواري = اشغلتني مابين بايع وشاري =
تدفع كلامك وانت كاتب وقاري=الله يعز اللملكه ويحماها=

انت ودك تنشر العلم والعالم تذيع=مير مايبقالك الا صلاتك صلها=

اللي مكانه فوق نجم الثريا=يلاعب النجمات حتى تهيا
وغيره يشيل الحمل ويقول هيا=الله...............

الفلك دوار والحكم للذوق الرفيع=والمرايا لوتحاول ماتعكس ظلها

انته خيالي عياش ٍ بالخيالي = ما تدري ان الناس بعدك تلالي
لكن حلالك جنبه عن حلالي = والله يعز المملكة ويحماها

انشر العلم الصحيح والذكي لا مايضيع = والنفوس الطيبه ماتدور ذلها

الطير بالجنحان لو كان شلع=واصبح مع انجوم الثرياء ايتطلع
صفق الهبايب تنطحه ويتملع=والله يعز المملكه ويحماها

ياحمود الوقت هذا يشيب لرضيع=لاكن ان الصفحه المغلقه لا تفلها

احيان وصط الظل وحيان با الشمس=وحيان بين الناس مصغي مع الهمس=
وحيان يا الصعلوك مداني المس=الله يعز اللملكه ويحماها=

الجيوش امامها ذيب في مثناة ريع=كل ماقدمتها صاحبك راعلها=

ياصاحبي يامشرف القسم ياللي=كلٍ يرحب بك وكلٍ يهلي
علماً بخيط العنكبوت متدلي=الله يعز..........

انتبه لابعد بكره يبيعونك رجيع=اغتنم فرصتك كان الدروب تدلها