قبيلة بني رشيد - مــحـــاوره بين الصقور الخضر (أبو حشر & العد الروي)

الــسلام عليكم ورحمة الله وبركاته
.
.
.
أبو حشر
طاروقنا الاول تلخبط فيه حرف وخربه=تعال عندي يالعدالروي يامال العافيه
أحسبك لاغنيت في طرقن جديد مجربه=واثرك على البركه وانا شاعر علومي وافيه
.
.
العد الروي
ياصاحبي دام العلوم أوضاعها متكهربه=جيتك على وضح النقا يوم النوايا صافيه
أنا ماجيتك مبيتاً للعلم والا مسربه=اقدح زناد الشعر لامن شفت ناره طافيه
.
.
أبو حشر
ياشاعر الي كل شاعر يستمع له يطربه=هوليه رجلك مثل رجلي تمشي حافيه
شفت السحاب الي تقفاه الشمال وغربه=امطر على عرق النفود ولاشربته الضاميه
.
.
العد الروي
امن اول المرجوج لابلشنا نوديه عربه=واليوم حنا نبتلش بالعالم المتعافيه
الله واللي الرزق ورزقك منه ماحد يقربه=مسرع تجيب الغايبه قدام حرف النافيه
.
.
ابوحشر
انته تبى تسبح بوسط البحر ولاتشربه=لاصار مرسولي لصوبك ضيع العنوانيه
لاتخيل صوب المستجده والمطر فوق تربه=ركز بضوح البرق والا نشد العربانيه
.
.
العد الروي
يابوحشر ماتضيع ولون الما تغيره اغربه =لعل عين حشتك تملى برمل السافيه
ماتكبر بكبر الاسامي والفعل من يعربه=لاصارت الجمله على مبدا الخبر متكافيه
.
.
ابوحشر
ماودي انخ القعود شعيل ويشاف اجربه=لاون فيه اعيون ماهي عن جنوبه غافيه
توه يشوف الخط الايمن في عيونه وضربه=وقبيل مع جرد الفيافي والدروب اخلافيه
.
.
العد الروي
سباع الخلا عاشت بفطرتها ماهي بمدربه=والا الضباع طشت الجيفه تجيها لافيه
انا اليا طولت لك بالحبل ليه تقربه=لاتمد للي شيكك وانا بسحب من الصرافيه
.
.
.
وفي الختام
ويطلبون من
مصفي المرح او بعيد الشوح او شاعر الاعلام
بالعدل والانصاف
.
.
ولكن ..عندي نقطه وملاحظه
اتمنى استقباله بصدرٍ رحب
العد الروي
لك الملاحظه
لبعض من الشطوور
وليس بي أكملهاا بكل بعض الكلمات
مثل النقاء اللي كتبته ولايصلح ان تكتب هاكذا
بشعر تحذف الهمزه وتكتب النقا
التي بأخرهاا همزه لاتكتب الهمزه تحذف
وهذي ملاحظتي وشكرا لك
على الطارووق ابدعتم به
.........................................
والذي يريد يعرف الاوزان وغيرهاا من جميع الملاحظات
وسوف تجدها هنا ملاحظتي التي كتبتهاا
تفضل
http://www.alnadawi.com/b700r/ba7oor-awzan%201-5.htm