عيد بن مربح ورشيد بن معدي
عيد :
في حضور شيوخنا والوجيه الطيبات مرحبا ترحيبتن وسطها برق ورعد الأدب والبورصة تستحيج مضاربات والعرب دارين وأصحابنا ماهم جدد رشيد : في حضور شيوخنا والكواكب ثابتات مرحبا في راعي العرف والماطر بعد الأدب والبورصة في اللغة متخالفات فرقها مثل الوعد والمخالف للوعـد عيد : كلهن بالمصلحة يارجـل متقاربـات كيف تفهمنـي تركـد معايـه ياولـد الأنانيـة تهـد القصـور العامـرات ولايفرق شمل الأصحاب ياغير الحسد رشيد : أنت بأول خير والباقيات الصالحات مير لاتكثر حسابك وتغلـط بالعـدد الأنانية على راس زيد وزيد مـات والحصيني يحلف الدين وذنيبه شهد عيد : التفت للشرق مضبوط وتشوف قنوات جعل عين تبرح الدرب ماتشكي الرمد كان ماتبغى تسولف معي زين السكات وكان عندك سالفة شب نارك من زند رشيد: سالفتك المبهمة سجلـت بالكامـرات يوم تلجا لأهل الفن وأنت ابن حمـد لاتحسب إني مسجل بفلم عريب سات انشد أقطار الجزيرة وسكـان البلـد عيد : أنت ما تقدر تناقش معاي المعجزات عيد في لفت العمارة نزل وإلا صعد البري لو يشتكونه خذا صك البراة والنكد دايم يرمونه على راع النكد رشيد : المفاهم مـر ماعنـد نـا سكـر نبـات وأنت ما أنت مكلم الناس وأنته في المهد يالولـد غـوار مافيـه دور مغامـرات مير هذي غطرسة عيـد تبقـى للأبـد عيد : أنت بدوي ما لك إلاثـلاث بعيـرات وأنت رابعهن ولاغير هالجملة عـدد لاتضيق بك الدروب الوساع الواسعات المثل قال لك من جد يالصاحب وجـد رشيد : أنت تاجر حيضري معك سبع الموبقات وأنت ثامنهن وعشيق مزبـور النهـد لاتـورث حجـة الغاويـات النافثـات تدعي فالظن والظن ما يحسـب سنـد عيد : هكذا نضغط ونخلف مسير الشاحنات الحمل بظهورهن والنهاية في البلـد سامح الله ربعنا بالوزان الناقصات عوذ برب الفلق عوذ برب الصمـد رشيد : أنت شايب جاهلي فات عمر العود فات الله إنه ينصر الديـن والحاكـم فهـد مالك الله ينفعك عندنا حسن الصفـات لو يقولون إن مـن رد ماعـده شـرد عيد : طال عمر ملوكنا والعيون الساهـرات في ذراهم تمرح الضأن في واد القهـد العن الشيطان يابو شنب سبع لعنـات وكان صدرك ضاق قللي وتبشر بالسعد رشيد : الموذن يوم يذن ينـادي للصـلاة والمنافق شين في سنة محمد جحد لعنة الشيطان ناخذ بها سبع حسنات وأنت لو تضيق منا تبي تمسي كمد |
تسلم يامرشد محاوره جميله من شعراء رايعين
|
تسلم يالغالي
وماقصرت |
يعطيك العافية على المرور
|
مشكور وماقصرررررررت
|
يعطيكم العافية على المرور
|
تسلم يامرشد محاوره جميله من شعراء رايعين
|
يعطيك العافية على المرور
|
الساعة الآن +4: 10:15 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.