بيض الله وجه نواف المقوعي=يوم قام الوقفتي قدر وحميه
انتهض زومان قدام الجموعي=شايشن عقب الحرار الصيرميه
قام طوله كنه الحر الجزوعي=وشد عضدي في يد الكف النديه
قال في صوت دخل كل السموعي=دايم مشرف ولك مني هديه
لك قعود أوضح اليا عرض يروعي=يشبه اكحيلان ابوه ألا حليه
أوضحن ماله مع الذيدان نوعي= كان ماهو أطيب من كحيلا ن زيه
أنت تستاهل وحنالك دروعي=زادني عزوحماس ومعنوية
فالزايم عادت الرجل البتوعي=والمقوعي بالصفوف الاوليه
جاذبه عبدالله الحسن السنوعي=بالمكارم وسلوم اليعربيه
ياسليل اللي عنه راحو مزوعي=العداء دون البكار اب مهمهيه
دونها وحده ولا حوله فزوعي=صد عدوانه بضرب البندقية
وش فرق جردالحرار أعن التبوعي=غير في زود الفعول الجوهريه
مثل فرق إكرام سبلی بالوقوعي=الفعول الطيبه عكس الرديه
وانت يانواف بالواقع قنوعي=متكل بالمعتلي رب البرية
عاكس(ن) سكة خبيثين الطبوعي=واثق الخطوات وشبورك رهيه
عارفن مدخلك وتعرف الطلوعي=ومن شموخ الطويق فيك ومن لديه
غير للمعبود ماعلنت الخضوعي=ماتهزك ريح وركونك قويه
للمعزه فيك كبريت اولوعي=لنزاهه نار عز النفس حيه
والكرم قدره بحالك يالمقوعي=سيف خالد من سنام الحنبيله