قبيلة بني رشيد - ابوعوجه + يعقوب العبسي

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر ابوعوجه والشاعر يعقوب العبسي

ابوعوجه

يأهل العرف وأهل الشعر ياللي تعرفون الخفيفه والثقيله=ابو عوجه مثل بحر الخليج وكل من شاهده بالعين هابه
الشعر له بحور وله لحون وله معاني قصيره مع طويله=مير انا شاعرن يلعب عليها كلها بين خنذف مع شبابه

يعقوب

ياهل الطيب والمعروف والماجوب ياهل المواقيف الجميله=ابوعوجه يدور للمسامه على مقدم ركابه
الشعر له رجال ن يعرفونه وانت شاعـر تمثلـك قبيلـه=قلتها ياوسيع العرف صادق وانت عينك على برق السحابه

ابوعوجه

طال عمرك تحيزم ونتبه قـدام زنـدي لايقـدح بالفتيلـه=ياكبير المعرفه لاتدهور ثم تصبح كبر حجم الذبابه
انت شاعر دليله والدليله مايـدور مـع النـاس الدليلـه=جر صوتك وخلك مثل مشعان ابن مجول على قوس الربابه

يعقوب

كنت اضنك تعرف العلم كله واثرك اللى على راس النثيله=ينتظر مرتر المشوار والا صاحبٍ ماتردا في حسابه
انت ودك تجاهد بس مانته عارف ن وش تجاهد فى سبيله=انتثر لك سحاب ولا تبلل ثوبك اللي على جسمك غرابه

ابوعوجه

ابن مريم نبي لو الاسامـي تشتبـه ماتشابـه بالفصيلـه=وانت مسلم لكن منهجك ياللي تنهجه غير عن نهج الصحابه
منت قايد مسيره لسلام ولانت كاسب مع النـاس الجميلـه=اعرفك زين من غابه تبين وتختفي لك سبوع بوسط غابه

يعقوب

ابن مريم مسيح وبر بامه وانت خلك تحت شجره ظليلـه=ماندور حروب ولاندور معك ياصاحبي زود الطلابه
اختلاف السوالف والمعانى ماتجيـب المقاشـر والفشيلـه=ماتحضر غياب ولا تغيب من حضر وابتلا حضرت جنابه

ابوعوجه

ابن مريم نبي الله وانته شاعر ٍ واق في راس الطويلـه=ياعسى كان طول معي بالمشوار ما يغلق الصاحب زهابه
ثارفيك الغم وانته تسولف معي ياللي شربت الحنضليلـه=راجع اللي كتبته وانتبه بعدين واقر الحروف امع الكتابه

يعقوب

حى بيت القصيد وحى والله شاعرن معتبر مابقى بديله=والليالي تقفاها ليالي والذيابه تماشيها الذيابه
لاتكبر علومك والسموحه كل تاجر ترى بين حصيلـه=مابقالي معك غير اوادع حق والمبتلي ينظر صوابه

ابوعوجه

الك عندي هديه بالف كيلو والف صاع ٍ من البر وحصيلـه=لنك الشاعر اللي يعرف البير واغطاها ويحسب له حسابه
وانت نبغى السموحه منك ياللي كل حمل ٍ على الغارب تشيله=لاتغارب ترى مافيه شئٍ يستحق التمعن والغرابه

يعقوب

يابخيل العطايا مايقدم طيب الساس ياكـود الجزيلـه=وانت هذا زهابك واحتفضبه فالقرايه قبل وقت الكتابه
طيعنى لاتحيل لك بشى ن يابن الاجواد مالك فيه حيله=غلبوك الرجاجيل الحشامي فالجنوب وتملكت المهابه