قم سو فنجال
قم سو فنجال ٍ على الكيـف سـوّه=يطلق نظر عيني ويطرد اعماسـي واحذر تطول البن ياسعـود ضـوّه=لاحمسـةٍ حرقـه ولابـه يباسـي بالهيـل كثـر فيـه حـبـه وروّه=وبنّـه ومـاه مقايسينـه اقيـاسـي صبه على اللي يدركـون المـروّه=اللي تبيّن فـي السنيـن القواسـي وعده عـن اللـي مابقلبـه جـروّه=لاصار في بعض العلوم إلتباسـي واكتـب لنـا مبـداً بدينـاه تــوّه=فكري حظر عندي وهيّض احساسي فكرٍ يصوغ اللعب لاطـاب جـوّه=صوغ الذهب ماهو بصوغ النحاسي ولاتوخذ الطوله من النـاس قـوّه=والبيت مايبنا علـى غيـر ساسـي لاخان ساس البيت يطـرح علـوّه=والريح ماهـز الجبـال الرواسـي بني رشيد اهـل الوفـا والحمـوّه=لاصار في دور الزمان انعكاسـي انشـد وتلقـا فعـل كـل السمـوّه=يـوم الحرايـب حدهـم مايداسـي حنـا وطنـا مانجـامـل عــدوّه=دون الوطن فينا اندفـاع وحماسـي مساهميـنٍ فـي رخـاه ونـمـوّه=ونحميه من فتنة ارخومٍ اخساسـي وعدونـا مـردود كيـده وســوّه=ليا إلتحلف بالكم خطـو الهداسـي فعلـن قديـمٍ شـاع ماهـو بتـوّه=بين القبايل منـه مرفـوع راسـي والناس فيهـم مـن شجـاعٍ ولـوّه=ومن يكسب الطولات مافيه باسـي وإلا مـرد النـاس لأدم وحــوّه=مافيه فـرقٍ بيـن كـل الجناسـي إلا بتـقـوى الله وتـبـع النـبـوّه=اللي ذكر ربـه بصبـح ومماسـي للشاعر شبيب جعيلان الدقباسي الرشيدي |
رد : قم سو فنجال
فهد المويسه
اشكرك على نقل هذه القصيدة الرائعه للشاعر كبير اخوك سعد |
رد : قم سو فنجال
بيض الله وجهك أخوي فهد علنقلك الاكثر من رائع
دوما مميز |
رد : قم سو فنجال
فهد صح لسانشاعرها وسلمت يدناقلها
|
رد : قم سو فنجال
أشكرك يابن ( مهيمز ) على نقل هذه القصيده الرائعه للشاعر المخضرم / شبيب الرشيدي. |
رد : قم سو فنجال
فهد المويسه
اشكرك على نقل هذه القصيدة الرائعه وبيض الله وجهك |
رد : قم سو فنجال
صح لسانه وقصيده رائعه جدا جدا
وتحمل الكثير من المعاني الرائعه مشكور على نقلها هناا |
رد : قم سو فنجال
شكراً لك اخي العزيز على طرحك المميز...
|
الساعة الآن +4: 01:53 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.