سلام رديه توفى الكيل وتحط وتشيل=تجنب العد الشحيح وتارد العد الروي
ياصاحبي ياصاحبي مافي شي(ن) متسحيل=ويق الجبل لو الجبل في اشهب الذيب يعوي

يامرحبا والله يديم اللي لنا ســـيفن صقيل =والــلــي ورد هداج تـيما بـذن ربـي يـرتـوي
اللي نوي قطع المسافه ينتظر فزعة زميل =حتى يقولون العرب نعم الخوي نعم الخوى

انا ادري انك منت بالحالك مع الدرب الطويل= ما يزاحم اهل الماء على الماء غير من حبله قوي
ترعد وتبرق والمطر يمطر على القاع ويسيل=وان قام حضك ماحسبت حساب مضحي وضحوي

ماني لحالي والعرب حولي وكلن له دليل = عيني تراقب راقي المشراف واللي منطوي
يسقيك يادار العرب وبلن من القبله مهيل = وبل ثروي وبها الرعد ياصاحبي يدوي دوي

حنا بعصر العولمه وكلن بمكياله يكيل=السالفه ماهي بسيف وبندقيه يا بدوي
لو كل مخلوق على مله ابراهيم الخليل=مانبتلش بالعله اللى مالها غير الكوي

أهل التصنع والحداثه والبدع في كل ليل=أخبارهم ماتنطبخ مانتقلي ماتنشوى
مايخذل الرجال وقت الضيق واسمع ياعميل=ياكود هقوة محزمن راخي وفزعة ملتوي

الناس لو تحكم قبل لا يقطع الشك الدليل=ماوالله تحصل على هل كون ياعيسى سوي
ماني على ذريه ادم يا ابيض الشارب وكيل=الناس فيها الملتزم يا صاحب ي والفوضوي

مايعسف اقلوب الرجال أهل الوفى غير الجميل=قلت الحقيقه وانت هرجك يطوي الطرقه طوي
إليا بغيت النقض ويا الفتل والمعني الجزيل=ارد علي هداج تيماء لا تجي بير الحوي