فكرت بالايام ياقاسمت خير=وشفت العبر بيامنا والليالي
ايام مادامت لجساس والزير=وذياب ابن غانم وزيد الهلالي
ولادامت لعنتر وابن عمه زهير=روس الرجال اللي تضد الرجالي
اقفت بهم سود الليالي مدابير=ماباقي الا ذكرهم بالخيالي
يالآدمي دنياك عبره وتعبير=قوم اعتبر وانظر يمين وشمالي
شف ويش سوا بوش وصحيبه بلير=في أمة الإسلام باول وتالي
العلم واضح مايبي العلم تفسير= مكشوف ماهو بين قيل(ن) وقالي
بين اغتصاب وبين قتلى وتعزير=وتخريب مع تفجير مع اعتقالي
رحنا ضحايا لآكلين الخنازير=عليهم اللعنه وجيه الحثالي
لاكان وين الراي ياشيخ يامير=الراي منكم ياصحاب المعالي
متساوي ٍ في وقتنا الشر والخير=ولاحد ٍ يميز في حرام وحلالي
وهذي صواديف الزمن والمقادير=كم راح فيها من كرام السبالي
وياهل الوفا واهل الوجيه المسافير=ازكى التحايا عد وبل الخيالي