السلام عليكم ورحمة الله وبركاته


ننقل لكم قصيدة الشاعر الكبير مساعد الرشيدي

في حفل الامير فارس بن سمره المقام على شرف صاحب السمو الملكى الامير عبدالعزيز بن ماجد بن عبدالعزيز ..

صلاة الله على احمد عد تسبيح الفـروض الخمـس = وســـــلام الله لـعــبــدالله ودارٍ تــســكــن الـــقـــره
ذعاذيـع النسـايـم مــن فرحـهـا كنـهـا فــى عــرس = وصـيـروف الـقـوافـى يـنـظـم الـــدره ورى الـــدره
يـجــي للـشـعـر حـــزه ويـتـعــلا للـقـصـايـد حــــس = قـلـوب يـزيـدهـا بـهـجـه وبـعــض قـلــوب مـحـتـره
طلـع بـدره علينـا واشرقـت لـه بالضمايـر شـمـس = لــفــا عبـدالـعـزيـز وبــــان لــــه بقـلـوبـنـا جـــــره
سمى العز وابـن المجـد مزبـان الضعيـف العمـس = يــشــرف دارنــــا وديــارنـــا فــرحـــه ومـســتــره
سمـى العـز وابـن المجـد زيـزوم النهـار الـشـرس = الا لله دره ثـــــــــــم در الـــمــــجــــد ثــــــــــــم دره
هلايامضـرب أمثـال المكـارم فـى مضـارب عبـس = مـواكـيـر الـحــرار الـلــى مـداهــا يـلـحـق الـحــره
مـن اول هدتـك تـمـدح فعـولـك يالعسـيـر الضـبـس = يـازيــن الــهــده الــلــى بـأولـتـهـا تــبــرد الــحــره
هــلا ياقـريـب الفـزعـه هـلابــك يابـعـيـد الـرمــس = هـلابـك بـيـن ربــعٍ لــك عـلـى الحـلـوات والـمــره
أهل خـوه وأهـل نخـوه وأهـل شيمـه وعـزت نفـس = وأهـل مجـدٍ لـبـس ثــوب البـيـاض ونـسـى مــازره
علـى اطـراف الثمـد ربـي جمعنـا بالنهـار الـونـس = علـى وضـح النقـاء والــدار ممـطـوره ومخـضـره
سعـوديـيـن لامـسـنـا مـفـاريـع الـكـواكـب لــمــس = وطــنــا قـبـلــة الـدنـيــا وتــــاج الــعـــز والــغـــره
سعـوديـيـن قـريـنــا وعـلـمـنـا الـلـيـالـي الــــدرس = وخطيـنـا سـطـور المـجـد فــي بـحــره وفـــي بـــره
سعوديـيـن مـاخـذنـا الـريــاده بالـحـكـى والـهـلـس = تـــعـــدى قــــــرن مــاخــنــا مـبـاديــنــا ولامــــــره
رويـنـا مــن مباهـيـل المـفـاخـر لـيــن قـلـنـا بـــس = علـيـهـا الـنــور تـرويـنـا مفـاخـرنـا وهـــى حــــره
وحنـا اليـوم والباكـر وحـفـاظ العـهـود مــن امــس = نــجــدد رحــلــة الــعــز الـتـلـيـد ونــرجــع الــكــره
ولايمـكـن تـفـرق صـفـنـا حـيـلـة خـــدوع ونـمــس = نشـوف المـوت مـن شـان الوطـن بالـدرب ونمـره
عـلـيـه الله اكـبــر كـــل شـيـطـان مـريــد ونــجــس = عـلـيــه اللهُ اكــبــر لــيــن حــتــى يـنـطـفـى شــــره
ويدوم لنا الوطن سالـم وعيـن الله تحرسـه حـرس = وحـنـا رهــن اشــارة قـايـد الأمــه وتـحــت امـــره
وصلاة الله على أحمد عد تسبيح الفروض الخمس = وســـــلام الله لـعــبــدالله ودارٍ تــســكــن الـــقـــره

وسلامت الجميع

منقوله للعلم