نواف العازمي / ناصر مرسال
السلام عليكم ورحمة الله وبركاته
اخواني اليكم المحاوره الشعريه بين الشاعرين ناصرمرسال والشاعر نواف العازمي حيث بدأها نواف قائلاً : نواف: سلام رديه على نهج الرسول منهاجها نهج الرسول الهاشمي حنا لياقلنا عرفنا وش نقـول إسمع كلامي زين يافلان آدمي ناصر: يامرحبا ترحيب باصحاب العقول اهل العقول اللي تعرف العازمـي عطنا السولف والسوالف بلاصول اعرف قسمك وانت تعرف مقسمي نواف: انته تعرف العلم منته بمهبـول وإن ماعرفت العلم ماهو لازمي السرج حق الخيل ماهو للذلول ولا المتاحه للخروف الارخمي ناصر: الليل توه باولـه وانتـه عجـول مدري وش اللي حاصل لك ياسمي حنا نعرف الهجن ونعرف الخيول ونعرف كل عيال حـوّا وآدمـي نواف: بالليل واجد من يصول ومن يجول وانا يبن مرسال مـا زل اقدمـي مخ العرب ماهو بصاحي ومغسول على علي صالح محمـد خاتمـي ناصر: وانا بعد ماني زهوف ولاعيـول لكن صدور الناس قامت تحتمي اخر خبر يمكن حقيقي ومعقـول تبغى الخبر من فمك ولاّ من فمي نواف: ترى الصعاب تهون والعقد محلول والعولمـه غيرالنظـام العالـمـي ليا بغيت المزح ما امزح مع زعول يمكـن يبلشنـي والـد لمحزمـي ناصر: الناس ماتسري ورى دق الطبول وانتـه معلـم ماتريـد معلمـي لو العرب يرضون بدنات الحلول ما الرمح يانواف مثل الميسمـي نواف: لولا الوسم صار الجمل مثل الرحـول وانته مـن أيّـات الفصايـل تنتمـي وشلون اباعرف زول مع عشرين زول يمكـن تدقـق فيـه حيـل وتنعمـي ناصر: انا من اصحاب المواقف والفعول واالرمح والمشعاب من دون غنمي حصّلت لي فوق الجبل ظبيٍ جفول يبغى السلامه مير ماهو سالمـي نواف: الفعل من بينك وبينه وش يحـول مير الفعايـل بالدلايـل تلزمـي انته عيونك يوم شفت الظبي حول قشعه على راس الشفا ما تنرمي ناصر: ياما مشيت المنطقة عـرض وطـول والطـق بالميـت تـراه محـرمـي عيني تشوف الخصر وتشوف الحجول ولاّ المشاكل في عيـون الحضرمـي نواف: الموت حق وما على الدنيا يزول وانا بدافع دون دمّـي ولحمـي |
رد : نواف العازمي / ناصر مرسال
ناصر مرسال شلعر كبير حفظه الله
;) ;) ;) ;) صح اللسانه واللسان الشاعر الثاني المهلهل |
ناصر مرسال شاعر كبير حفظه الله
صح اللسانه واللسان الشاعر نواف العازمي |
صح لسان الجميع والمنسق
|
صح الله السنة الشعراء
والله يرحم الشاعر نواف العازمي ويسكنه فسيح جناته |
الله يعطيك العافيه
|
اشكركم على المرور وتقبلو تحياتي
|
الله يعطيك العافيه |
الساعة الآن +4: 02:30 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.