قبيلة بني رشيد - براق غيث في سما المملكه لاح

زعيمنا نفديه بأموال وارواح
حبه ملك بقلوبنا أكبر مساحه
في عودته كل سعيد ومرتاح
مشاعر الفرحه تخون الفصاحه
براق غيث في سما المملكه لاح
فرحه وطن ياشيخ ماهي سياحه
غيثه على كل المدن ياعرب طاح
ربيع عشبه طول نبت الفلاحه
حبه بوسط القلب ماهو بمنزاح
ثابت مايقدربه طبيب الجراحه
مليكنا اللي للعرب كله اصلاح
حكيم راي وحكمته بالنصاحه
انا اشهد انه فوقنا تاج ووشااح
مدحه يفوق الشعر واهل الفطاحه
المملكه في عودته كلها افراح
كلن طلع من فرحته وسط ساحه
حتى السجين اللي من الهم قد طاح
فكيت سجنه بالعفو والسماحه
ياسيدي حنا لكم درع وسلاح
وارواحنا دون الوطن مستباحه
لاجا نهار فيه للحرب مرواح
عدونا بالحرب ماذاق راحه
ماهمنا بالدرب خادع ونباح
اللي تعود في كثير النباحه
غبة بحر ماهازاها كل سباح
تقصر يدين اللي نوى بالسباحه
الرايه اللي كلها طيب وارباح
تبقى على طول الزمن بالنطاحه
شعب يحبك جد ماهو بمزاح
شعب تورث منك قول الصراحه