|
قصيده للشاعر/ مرشد البذال الرشيدي/رحمه الله تعالى
قالوا حكوا بك قلت وش هم يقولون وش قيل فينا يالوجيه الفليحه شوفوا مردُ الهرج وش هم يطرون حتى نعرف مزوره من صحيحه كان الكلام من المعادي على هون بعض المسبه بالمجالس مديحه تجيه عربانٍ من الله يخافون عن الظليمه ينصحونه نصيحه لو كل خلق الله على الحق يمشون كان القلوب من الخطا مستريحه كم واحدٍ بعروض الأجواد مفتون وهو سلومه يفضحنه فضحيه وكم واحدٍ يطعن وهو فيه مطعون يذم ريح الناس والشين ريحه بعض كلام الناس تهمات وضنون قولٍ تنميه الوجيه الوقيحه الظلم لو فازوا هله ما يدومون راع الظليمه لاتباطى مطيحه والناس هذا الناس من عصر ذالنون وكلن على دربه ركابه مشيحه مقرود يامن بدل اللون باللون بعض الكلام يحرفه عن صحيحه والصدق هو والكذب ماهو بمقرون كان إنها تدرس بلهجه فصيحه مايمدح الرجال بالشكل واللون إبحث معه لينك تعرف القريحه تراك تعرف عنه وأنتم تهرجون يبين لك من كل جودٍ نضيحه المستريح اللي من الشك مامون مع كل خلق الله علومه مليحه كم واحدٍ حيٍ له الناس يثنون وإلا توفى قالوا الله يبيحه وكم واحد لو هو باالألحاد مدفون ذكراه عند الناس بيضا صفيحه وكم واحدٍ يجمع ملايين وخزون مالٍ تنميه اليدين الشحيحه لا تشكره رملى ولا فك مديون ولا حل مشكلة النطيح ونطيحه ولا له على جاره من الفضل ماعون لو إن جيرانه تشوف الذبيحه وكم واحدٍ جيران بيته يحمدون للجار ريف وللجماعه منيحه وكم واحدٍ منه العوادي يخافون زبن المخيف اللي كثيرن فحيحه ربعه نهار الضيق فيه يتذرون لاجا نهارٍ فيه لجه وصيحه وبعض الرجال بهم شريفين وعفون كلن على ماقال يرجع لكيحه وبعض الرجال بضحكهم يستغلون يجيبها من نوع زلقه بطيحه هذاك بين له من الهرج مدفون خله إلا شافك يزين سميحه الهرج له نقال والرد للشون مزح الجزع يثر بكبدك جريحه هذا وأنا ماني من الناس ملسون لاشك أرفض من تزايد جميحه قلته وكل الناس غيري يقولون راع الظليمه لا تباطى مطيحه |
قصيده للشاعر/مفرح الضمني/ رحمه الله تعالى
حاولـت اخفـي ضيقـة الـصـدر وأزريــت أعـــيـــش مـــــــع نـــفــــس مـــهــــي مـسـتـريــحــه لاعـــاب ســـاس الــــدار لا تــآمــن الـبـيــت ويــاســاكــنـــه لا تـــآمـــنـــه مـــــــــن مــطــيــحـــه سويـت طـيـب ولا عــرف ويــش سـويـت بـــيـــن الــجــحـــود وبـــيــــن شـــيــــن الـقــريــحــة وحــذفــت نـفـســي حــذفـــه ومـــــا تـســاويــت طـيـحـة غـلــط مـــا عقـبـهـا صـــار طـيـحـه عز الله إني في بعض مدحي أخطيت مــــدحـــــت مـــــــــن لا يــســتــحـــق الــمــديـــحـــه مـــدحــــت نـــــــاس لا مــــــــروه ولا صــــيــــت والــمـــدح فـــــي غــيـــر الـنـشـامــا فـضـيــحــه يــالـــيـــت مــــــــا قــــلـــــت الـتــمــاثــيــل يـــالـــيـــت مـــــــــــــا قــــــلـــــــت بــالــمـــتـــرديـــه والــنـــطـــيـــحـــه اســـتـــغـــفــــر الله يـــالـــعـــفــــوش الـــكـــرابـــيــــت مـــدّاحـــكــــم قـــــولـــــوا عـــــســـــى الله يــبــيـــحـــه مـــن يــمــدح المـسـكـيـن والـخـبــل والـهـيــت عــــــز الله إنــــــه ضـــايـــع فــــــي صـحـيــحــه الله ولا شــــــــــوف الـــعـــفــــون الــمــشــامــيــت غــبـــر الـوجــيــه أهـــــل الــنــفــوس الـقـبـيـحــه نــــــــــاس تـــفـــجــــر بـــــالـــــوري كــالــدنــامــيـــت وإلا عــــلـــــى فــــعـــــل الـــمـــكـــارم شــحــيـــحـــه والله لأعـــــد الــحـــي مـنــهــم كـــمـــا الــمــيــت وأرمــــــــي وراهــــــــم كــــــــل يــــــــوم صــفــيــحـــه |
رحمهم الله شاعران جزال وجعل الله مثواهم الجنه
ولك جزيل الشكر على النقل |
| الساعة الآن +4: 05:24 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
