قبيلة بني رشيد - اللقاء المرتقب مع الشاعر ثنيان الرشيدي!!!

السلام عليكم ورحمة الله وبركاته

اخواني واخواتي اعضاء شبكة بني عبس الكرام ...

يسرنا ان نلتقي مع احد كبار شعراء القبيلة والذي له باع طويل في مجال المحاورة والنظم حيث اثرى الساحة الشعبية بقصائده الرائعة ومحاوراته الكبيرة مع كبار شعراء شبه الجزيرة العربية ..

رحبوا معي بامبراطور الشعر الشاعر الكبير

ثنيان بن سرور الرشيدي

http://fawaz.blazernetwork.com/alboo...ls/9/99999.jpg

والمجال مفتوح لجميع الاعضاء في اختيار الاسئلة المناسبة وطرحها على شاعرنا القدير .

وهنا نختار بعض ما خرج من جوف هذا الشاعر المليء بالمعاني والدرر المكنونة :

قال في محاورته مع الشاعر الكبير صياف الحربي رحمه الله :

ثنيان الرشيدي:
يامرحبا باسم المدينه واهلها مـن كـل صـوب**عند الرجال اهل المكان اللـي عزيـزن شانهـا
ياطيب ليلن جاب لي صياف من بـد الحـروب**اللـي وزنهـا فـي يديـه ولا شـرى ميزانهـا

صياف الحربي:
الك البقا والطيب يوجـد فالشمـال وفالجنـوب**والطيب من فعل الرجال اللـي طـوال ايمانهـا
حنا سرينا الليل كلـه كـان مـا هبـت هبـوب**وان كان هبت قوم سـج الخيـل فـي ميدانهـا

ثنيان الرشيدي
الناس تجهل في بعضها ما ملكت سـر الغيـوب**لكن طلوع الشمس من فـوق العـرب برهانهـا
ترى الوعد لك يالسحيمي فالوسيع من الـدروب**لا لاح بـراق المـزون اللـي عـزل ربانهـا

صياف الحربي:
يا كثر ناسن ما يعرفون الطلوع مـن الغـروب**مثـل السفينـه فالبحـر يـوم انقلـب ربانـهـا
ترى الدروب البيض بين الناس ما فيهـا عيـوب**واهـل العوايـد لا تغمـض والكحـل فعيانهـا

ثنيان الرشيدي
ما دام عينك صاحيه مانته عن النـور محجـوب**اقرب من الصورة وتعـرف شكلهـا والوانهـا
انته تصعبهـا وهـي ياعـود مافيهـا صعـوب**كـل الطيـور مسطـره فالمسطـره جنحانهـا

صياف الحربي:
خيل العرب ما عاد فيها لا نـزول ولا ركـوب**عشرين منهـا فـاول الهجمـه تجـر ارسانهـا
الله يعينك قوم سـو السالفـه باحسـن سلـوب**واليا هـداك الله تحـط النـون مثـل اخوانهـا

ثنيان الرشيدي
خيل العرب راحت بعد جوها كبيريـن القلـوب**اللـي تـدور دربهـا واللـي تجـر اعنانـهـا
اللي مضى فالباخـره مافيـه للراكـب ركـوب**واليـوم لريـاح الهبـايـب فتـحـت بيبانـهـا

صياف الحربي:
ما يبلش البدوان غيـر الشيـخ نفـاخ الـذروب**اللـي ليـا قـرّب مـن الحيـه تمـد لسانـهـا
الظاهر انك تطلع من الحفـل مغفـور الذنـوب**هذا هدف مـن يرمـي الحبـه علـى طحانهـا

ثنيان الرشيدي
حنا ترانا ما نبيها يا بيـض الشـارب سحـوب**الخزنه اللـي دونهـا سلطـان مـن سلطانهـا
حنا ذخرنا السيف ياصيـاف لا شبـت شبـوب**وام الكبايـر مالهـا الا السـان مثـل السانهـا

صياف الحربي:
حنا نبيها في ردون الثوب مـا تصـل الجنـوب**ياشين رمـي البنـدق اللـي منعفـت نيشانهـا
انا تراني يابيض الشارب مـا فتـش فالجيـوب**آخذ ماشـاح ولاح والدنيـا يـا كثـر الحانهـا

ثنيان الرشيدي
تبي تبين الشمس فوق الثلـج ليـن انـه يـذوب**تـارد عليـه النـاس وتعبـي منـه صملانهـا
انا ادري انك يالسحيمي لا مهبـول ولا كـذوب**احرفتها براس العصا واضفت عليـك اغصانهـا

صياف الحربي:
تبا تبين الشمس مير الثلـج الابيـض دوب دوب**تـارد عليـه ام العيـال وقرقـعـة قدحانـهـا
حنا حسبنا المكسب المعروف والاصل محسوب**لو كان بعض الناس تـدري كـان زاد جنانهـا

ثنيان الرشيدي
انـت امتجهـز للقشـر والا امتجهـز للهروب**نـارن لهـا دخـان بيـن ايديـك وش دخانهـا
ما راح شي من الجمال الا البعاريـن الذهـوب**اللي تطب اوطـان يابـو زيـد غيـر اوطانهـا

صياف الحربي:
ما عندنا وحده مـن الثنتيـن يالشيـخ النصـوب**اليا دهنّـا الـروس والله مـا يـروح ادهانهـا
ابليس حوّل فـي جهنّـم ميـر عيـا لا يتـوب**ذلولـه القشـرا لـك الله مـا يمـس ابطانهـا

ثنيان الرشيدي
ان كان صرت بنص درب الناس يالقاضي نشوب**نصبر على اجحـا ليـن ياخـذ حاجتـه ديانهـا
الهرج واجد والعرب ما بيـن غالـب ومغلـوب**مير المدينه يـا سحيمـي كـم عـدد سحمانهـا

صياف الحربي:
يا كثر قدحان العرب فالبيت والديـس محلـوب**الجـوع ذبحهـم وخبـز الهنـد فـي عمدانهـا
اهل الحجاز من الكرم ما يذبحون الا العصـوب**واللي قعد ياكـل ثـلاث ايـام مـن عصبانهـا

ومن جميل محاوراته تلك التي كانت مع الشاعر فيصل الرياحي حيث قال :

سلام الله عليكم عد براقن سحابه هل
على المدينة واهلها وعلى من فيها والقلب اشكل
يقولون الجواب اسهل وانا اقول الجواب اجهل

على وضح النقا نمشى ولا ندري عن المكتوب

يا رجال المدينة يا كرام الرجال *** جيت اشارك واقول اعلوم بخاطري

نويت اللعب مع ثنيان يا ثنيان يا ثنيان
بعد الله جمعنا خلها كالبر والاحسان
عسى الله ما يهينك واحتزم في ساحه الميدان

على وضح النقا نمشى ولا ندري عن المكتوب

يا وسيع العرب جاء لسوالف مجال *** وسع السوق للبياع والمشتري

ثنيان الرشيدي

هلا يا مرحبابك مثلها مني وانا ثنيان
مواطن بالكويت وبالمدينة من حدى السكان
وصلى الله على الهادي وعسى الله يلعن الشيطان

على وضح النقا نمشى ولا ندري عن المكتوب

يالرياحي تهرج والسوالف طوال *** علم الي على اخبار العرب مادري

تبا تبلعب وبلعب والعرب قامت تزيد الكيل
ولمن قلت راح الليل ابا قوللك تو الليل
يلوح البرق والاخبار كلها بكره بالسيل

على وضح النقا نمشى ولا ندري عن المكتوب

فيه علمن حرام وفيه علمن حلال *** مير سولف معي هالحين وش تحتري

فيصل الرياحي

سوالفنا على وضح النقا ماهي بمضبوطه
وللمعنى وجيهن بينه وشروط مشروطه
لعل العنكبوت يموت متعلق على خيوطه

على وضح النقا نمشى ولا ندري عن المكتوب

ما يشيل الحموله الا ظهور الجمال *** والحموله ثقيله والجمل ماضري

انا ماني بشاعر كلمتن تضحك بها الجهال
انا شاعر عقولن تدرك الكلمة بكل اجلال
ولابه عنك زودن دارت الدله مع الفنجال

على وضح النقا نمشى ولا ندري عن المكتوب

انت وين انت غايب يا كريم السبال *** يوم نرقص على المريخ والمشتري

ثنيان الرشيدي

سوالفنا على وضح النقا والنار مشتبه
وخشمن مرتفع للحب ماهو محصلن حبه
عسى بابور هاك القلب من غبه على غبه

على وضح النقا نمشى ولا ندري عن المكتوب

يالرياحي ترى الليله حمولك ثقال *** داخلن لك بحر تسعين ماهو صري

اعرفك شاعرن مشهور والعلوم دايم اكبار
تشب النار والبردان يقرب عند جنب النار
ولكن حدك الله يم قافن وادين بالغار

تو زان الطريق وتو زان المجال *** بشر الي يدور كل تاجر ثري

فيصل الرياحي

انا محتار ذى الليله وش اقولك ذى الليله
ولاهي قلت افكاري ولا هي قله الحيله
ابا اقدم لك الموجز وانت بحث في تفاصيله

على وضح النقا نمشى ولا ندري عن المكتوب

واحدن قاليلي وصدقه يوم قال *** وانا غلطان يوم اصدق المفتري

&&&&&&&&&&
ثنيان الرشيدي

زيدو الصفين الحين يا انصار المدينة
ودي اولع بفيصل مابين مشجعينه
والله اني لنتحر فيه لو يرفع يمينه

والحياه ايام والعمر .........

يالرياحي ولع النار وغطس من جديد *** خلها بيني وبينك تولع نارها
انت رجالن تعاند وانا راسي عنيد *** لدخلت الطايره ينتفض طيارها

فيصل الرياحي

انتحر يا منتحر مير لا تزعل علينا
الولد هذا ارهابي وحنا ما درينا
نادو قوات الطواري تارهم جاهزينا

والحياه ايام والعمر .........

قالو اثنيان صارت عظامه من حديد *** قلت بكره تسمع المنطقه باخبارها
ياخوي ياخوي نظر عنيني بعيد *** والعلوم الطيبه حظ من يختارها

ثنيان الرشيدي

يابني عبس اهل الجود مابين القبايل
تاج راسي عزوتي باللقى بين القبايل
شجعوني ودي اسوي بفيصل هوايل

والحياه ايام والعمر .........

عارفين السالفه ما بقى شي ن جديد *** من عرف مدخال بقعا عرف مظهارها
القضيه واضحه وش نريد وش تريد*** ليلت ن بين النشاما تعيش اذكارها

فيصل الرياحي

اجتمعنا عند سالم وسالم قام حظه
معدنه معدن ذهب والذهب ماهو بفضه
صوتو له وخلو الشاعر الي فيه قضه

والحياه ايام والعمر .........

........................................ ..... ***.... ......................................
بارك الله فيك وانا من العرف السديد *** وان دعوني عبس غنيت مع شعارها

ثنيان الرشيدي

ونعم في سالم المعتبر منا وفينا
صوتو له كلكم من يسار ومن يمينا
والرياحي لو يوسوس يوسوس ما علينا

والحياه ايام والعمر .........

سلم المفتاح والبنك يا راعي الرصيد *** والشلع اللوحه قبل ينشلع مسمارها
لا متى وانت بدجله يا هارون الرشيد *** ما دريت انه المدينة تجيك بانصارها

فيصل الرياحي

انت رجال تطب الخطر منته بهين
مير بقرا لك صور كامله حتى تبين
ودي اطلعك برى لكن قلبي حنين

والحياه ايام والعمر .........

جعل تفداك المشاعر ويفداك القصيد *** واجب ن دلة عويدي يفوح ابهارها

قال في محاورته مع الشاعر ابن عتقان:

يابني عبس اهل الجود تباع النبي
زيدو الصفين والصف هذا مطلبي
ولعوها وابن عتقان هذا بشنبي

يا نجوم الصيف ودي خبر هاتي خبر

يابن عتقان سولف لي يابن عتقان *** عشاني منك تحملها تحملها
عصى موسي ومعها خاتم سليمان *** بحث عنها واحد وحصلها

عبدالله بن عتقان

عبس خمس ميه نفر من جنوب ومن شمال
شجعوا شعارهم كل ما طال المجال
بس بن عتقان ماهو بصيده لرجال

يا نجوم الصيف ودي خبر هاتي خبر

انا بيني وبينك ساحه الميدان *** تقصر هرجتك ولا تطولها
عرفنا المشكله يالغالي ثنيان *** وبعض الناس ما ودك تعاملها

ثنيان الرشيدي

عبس في كل الدول تسمعون اذكارها
من حذفه الله ابلوه طاح في نارها
حتكم بالطاير .......... طيارها

يا نجوم الصيف ودي خبر هاتي خبر

هدانا الله وشفنا ابضاعه الدكان *** ونزلنا الشوارب في منازلها
سمعنا بالشوارع هوشه القصمان *** وقمنا يا ابيض الوجه انتجاهلها

عبدالله بن عتقان

نعم فيكم يالرشيدي هذا العلم الوكاد
ربعي السلمان تاريخهم يذكر بالبلاد
جعفر المنصور منا وطارق بن زياد

يا نجوم الصيف ودي خبر هاتي خبر

تقولون البلد زحمه من السكان *** لا تذكر شله اصاحبك تخيلها
ترى احسن حل نرسلهم على الشيشان *** أظن الله بعد مده يعدلها

ثنيان الرشيدي

ونعم فيكم يا قوم نعرف اعلومها
مير توجد ناس غيرك ماعرف سلومها
ما تعرف العلم لين أدق خشومها

يا نجوم الصيف ودي خبر هاتي خبر

سفينه بالبحر يلعب بها الربان *** وبيبان السفينه ما يقفلها
تعبنا وتعب من حصه الانسان *** واثر بعض الدول خربت معاملها

عبدالله عتقان

وش علينا من هذاك وفي هذاك
خل خطواتك قدمي لا ترجع وراك
واعلم اني يا ثنيان ذيب في مستواك

يا نجوم الصيف ودي خبر هاتي خبر

ما عاد ابغاك يا التفاح من لبنان *** واهل لبنان عادي لو نزعلها
لا تبعد حبه البندق عن النيشان *** وهات السالفه لا عاد تجلها

ثنيان الرشيدي

الرشيدي يفعل الخير والله يأمره
وانت هاك الجدر وشفيك قمت اطامره
صوره يا المصري يلي تفر الكامره

يا نجوم الصيف ودي خبر هاتي خبر

وانا والله مالي شغل في عمان *** اهل عمان ما نقدر نعاملها
بعد ما جتك العلوم ملونه بألوان *** تخير بالثياب الي نفصلها

عبدالله بن عتقان

يا ثنيان الرشيدي كلامك ما يصير
اشهد بالله بسليم ما سويت خير
كيف تعطيني فرس بعد ما عطيتك بعير

يا نجوم الصيف ودي خبر هاتي خبر

ابا اسمي وبا كبر وارجم الشيطان *** الا يا ربي العالي تسهلها

تحية لشاعرنا الكبير وبانتظار اسئلة جمهورنا الحبيب ...

ولكم مني اجمل تحية واعذب سلام

اخوكم : سعد الفلاح