أخايلك يابرقٍ تكاشف ورى الضلعان=عسى يلمس الضامي على القاع لك جرّه
تساق البشاير في قدومك على العربان=بعد ما كواهم لاهب القيض من حرّه
وأنا حرتي ماهي مثل حرة الضميان=عروق الجسد من ضيقة الصدر محترّه
عليه العوض قلب تعلق مع البدوان=عوايد غلاهم ياخذ القلب بالمرّه
ألا وآهني الطير لا طار بالجنحان=ترك ماكره للريح في خيره وشرّه
حرار الرجال تموت ماتقبل الحقران=يغيض العدو موتي ولا عيشه تسرّه
تحريت للفزعه وأنا ضايق وتعبان=ولا شفت موقف يشفي كبود منضرّه
عن عيون خلق الله عجزت أستر النقصان=وأنا خابر أنه منكشف للعرب سرّه
ومع كل هذا قلت ما قصّر كحيلان=رفعته ولكن المواقيف تتشرّه
على وين رحتي يالقصايد مع القيفان=وأنا كنت بنحتها على كف مغترّه
هذيك الجفول اللي على شوفها ولهان=من أسفل قدمها موت للعنق للغرّه
أنا ماذبحني كود بنت مع البدوان=تبعها ولع قلبي ولا عاد بالمرّه

اقتباس من مشاركة ناصر الرشيدي (المشاركة 2486087) صح لسان ابو شبيب ونعم الرجل يشهد الله امتلك الاخلاق والشعر ربي يعطيه طولة العمر ويحفظه شكراً فضي على هذا النقل الانيق

اقتباس من مشاركة حنان الرشيدي (المشاركة 2486091) ثامر شبيب .. حكاية إبداع متميزة لا شبيه لها .. : صح لسان شاعرنا الراقي .. و ألف شكر لك يا فضي .