قبيلة بني رشيد - مساعد الرشيدي

كيف اطفي الريح بثيابك وكيف اشعلك

كيف انتثر على جمرك وكيف احتويك
نقضت ليل الحرير وجيت مانت لهلك
سميت باللي فتني بك وقلت ابتديك
هذا اول الدرب او هذا الطريق اولك
جيت اتوقا عذابات المدى واهتديك
شوقي مسافه وهمساتك مدار وفلك
ان ما ضميتك غلا يا علني ما ارتويك
ايه اعرفك واعرف اني من غلاك اجهلك
مرات اضمك واخاف اني مشبه عليك
مرات اشوفك بنفس الوقت واتخيلك
وانشد كفوفي عن اخر سالفه من يديك
اعن لك لو تصب الموت واتهيلك
واجوع لك واتمنى خنجرك واشتهيك
ما قلتلك عمر السيف العشق ما يقتلك
ما تشوفني حي قدامك وانا اموت فيك
اشتقت لك قبل اجيك وجيت واشتقتلك
البارحه طول ليلي بين هذي و ذيك
مليت جمر انتظارك واستحيت اسالك
واحسب اني ما بعد جيتك وفكرت اجيك
اثرك بقلبي من البارح وانا استعجلك
واثري نسيتك من الفرحه وقمت احتريك

العقيد/

مساعد الرشيدي