ياطيف ياللي بلذات الكـرى جمّعـت الاحبـاب=وأمسى حبيبي معي بين الضلوع اللـي محانـي
الله يحي البعاد اللي بنومـي صـاروا أقـراب=وأصبحت من دونهم يلعب سـراب السمهدانـي
عطوني البارحه عهـد ومواعيـد ٍ بـالإ يّـاب=لاشك ماخـذت تحديـد الزمـان ولا المكانـي
نسيت مدري بلحظات اللقا عن هاجسي غـاب=فهيت وأشفيت في رشـف الشفايـا ياسعدانـي
وحور ٍ إلى طر ّقت فوق المحاجر سود الاهداب=امبـاه يالبابلـي لاه أح يالسـحـر العمـانـي
في مبسم ٍ سلسبيله سال بيـن شفـاي وانـذاب=وزوابـخ ٍ زاميـات أرص ذاك وذا حـدانـي
وعنق ٍ غرق بين موجات الشعر يطرق وينساب=منّأ ومنّـا كمـا نـو ٍ علـى البـدر متدانـي
يندج في هايم ٍ هو والحريـر ألبـاب ٍ ألبـاب=لولا الردايـف تـرد ّه ماتثنـى فـي المثانـي
صحيح سيف الهوى ياصاحبي سعدان غـلا ّب=ذبحني اللـي بحلـم البارحـه بالنـوم جانـي
قريـت ماقالـه الله واكثـر الشّعـار كـذ ّاب=واليوم أبي منك تفسير الأغانـي فـي الغوانـي

يالله عسى خير ياحلم ٍ حلال بحـال واسبـاب=ماغاب في عالـم الواقـع وبنـت وذاك بانـي
حرفين وكتاب والاحلام كم طابـت ولاطـاب=جرح ٍ يخاف الطبيب يعالجه في جـرح ثانـي
ماعن جهة قبلة الأحبـاب بالتوقيـت مجنـاب=مع غفلـة ٍ تستلـذ أهـل النوافـل بالامانـي
في لحظة ٍ يستغيث البعد بيـن النـاب والنـاب=وصمت الذهول اللذيذ ألذ مـن سحـر البيانـي
والى استرد النفس نظرة حليم وقلـب مرتـاب=ومشاعر المنتصر واحساس قضّـاب العنانـي
مدري ولكن بخامس بيت في مشروع الاصحاب=صوره ورسم الخبيـر بفـن تصميـم المبانـي
والسابع اجمل بشي وشي وادركني في الاعجاب=اشير له في نظر عيني واشوفـه في بنانـي
ولانيب مستغرب الغربه محط أنظار الأغـراب=علمـت مـدري تعلمـت العلـوم وماخفانـي
شاعر وفي محكم التنزيل جات آيات وحسـاب=ترغيب للخير والترهيـب عـن زلّـة لسانـي
من عقب شابت محاريفي وقلت إن الشبا شاب=استدرج الفكـر مجنـون القصايـد والمعانـي
ياشاعر تختصم في ماتقول أعـراب وأعـراب=محيط فكر ٍ ند ّور بـه إلـى ابحرنـا موانـي