في ملتقى جمع النشاما والامثال = سلام والى عندنا نقتديبة
جينا على شان الوفاء قدر وجلال = والخوة الى شانها ينحكيبة
والابة الى فعلها بالفخر نال = اليوم مع صور النجب والنجيبة
عز تسلسل من هوازن ولازال = عتيبة الهيلا مكانه وهيبة
لاهنت ياشاعر وفارس وخيال = يلي ورثة امجاد ماهي غريبة
ربعك هل الخيل الاصايل بلا جدال= وهل النقاء والطيب من كل صيبة
صوارم قاسين كان الدهر مال = مثل الرواسي بالظروف العصيب
قوم من الحرة الى العارض جبال = جبال حد خيال شم عريبة
وان جات للافعال للخصم زلزال = عدو عينك حربهم يبتليبة
من غب حمراهم بعد فعل وقتال = تعم بيضاهم كتيبة كتيبة
وان جات للفزعة رهيين ورجال = اهل المواقف والصدور الرحيبة
وان جات للجيرة بهم عز وظلال = الجار عدة واحد من عتيبة
امجادهم تاريخ يكتب وينقال = بسمى المعاني والفعول العجيبة
لو جيت اعد امجادهم شرحها طال = جف القلم والقاف يعلن مشيبة
ماني منقص لاهل الطيب مكيال = فعلن مثل نور القمر ينسريبه
شاعر ولى بالعرف مخرج ومدخال = والطيبين اخوان طيب وذهيبة
ولا الردي يبقى ردي خله الحال = يكفية بالدنيا رداوة نصيبة
يقولهل فارس نقيين الافعال = في سلم ولا كون حامي الهيبة
ربيعي سلايل عبس بفعال واقوال = بني رشيد مطوعين الصعيبة
قوم لهم في ذروة المجد منزال = والى يروم افعالهم تعتليبة