كم لي وأنا عنك ياترف القدم داله=وأنته غرام الضمير وسيد خلاني
من مدلك فالهوى يمناه واشماله=جازيت مامدلك جفوى وهجراني
وشلي بحب الذي كم لي وأناأسعاله=في ذمتي غيرلاما البيض ماأغواني
غيبي عن الروح ياذكراه مختاله=أحسن لي أنساك وأحسن لك تناساني
ياللي على مطلع النجمه سريناله=أسمع بيوت القصيد ومنطق لساني
صرنا على الهم شداده ونزاله=وذقنا عذاب الزمان أشكال وألواني
جنب عن اللي زمانه يطرح عقاله=وقله ترى المقبلات تقص الامتاني
من لاعدى للزمان وسابق لياله=يمكن تغش الفتى دورات الازماني
عرفت شي وبقا شيٍ على حاله=وأقنعت روحي وأنامانيب خسراني
لوكل رجلٍ يحقق ماعلى باله=لاشك قلبه بليا هم مرضاني
سمحت من عشرة البوار ووصاله=ورميتها فالبحر وأعراض الامواني
يقفيبها اللي تزف الريح ياماله=مرسى المراكب على الشط البريطاني
يركز شراعه ويفتل مطوي حباله=ويلج صدره على ترديد الالحاني
أودعك بالسلام اللي صفيناله=هاذي نهاية مسيرة كل خواني

اقتباس من مشاركة الاجهر (المشاركة 1805482) سمحت من عشرة البوار ووصالـهورميتها فالبحر وأعراض الاموانـي صح السانك تستاهل الختم

صح بدنك يالاجهر يعلم الله أنك شرفتني بمرورك والختم شهاده أعتز بها وتبقى وسام على صدري ماحييت كيف وهي من قلعة المجد والتاريخ

تستاهل الطيب والعلم الغانم

تحياتي لك أيها الاستاذ

اقتباس من مشاركة الشبيح 404 (المشاركة 1808166) صح لسانك ولا تعبت على القصيده الروعه هذي تثبت انك شاعر جزل و تقبل مروري

صح بدنك ياشبح 404 يعطيك العافيه على مرورك المشرف لي طال عمرك

لك فائق الود والاحترام

صح لســآنك شــآعرررر مبدع
بصرآحه مــآ آقدر آختــآر بيت معين اقول روعه كلها روعه
صح لسانكـ ولا هنت

اقتباس من مشاركة كلي مهابه (المشاركة 1813763) صح لســآنك شــآعرررر مبدع بصرآحه مــآ آقدر آختــآر بيت معين اقول روعه كلها روعه صح لسانكـ ولا هنت

صح بدنك الابداع طال عمرك أعجابك الذي يشرفني

شكرا على مرورك