ياماحلى جرة الحوثي بعرقوبه
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلم على اللى مرابط في سما الخوبه=واللي على مدفعه واللي بدبابه
واللي بدوريته واللي مسك نوبه=واللي بقمة جبل دخان مرقابه
واللي ركز راية التوحيد منصوبه=خضرا ترفرف عزيزة ربع منهابه
هامات ماتنحني وأعمار مجلوبه=في بورصة الموت مجلوبه وجلابه
ياماحلى جرة الحوثي بعرقوبه=حتى يعاف الحدود ويكره أصحابه
اصحابه اللي غدوله هم وعقوبه=اللي ملو جعبته بأحلام كذابه
هملق جت لجيش الفرس مندوبه=متخلطه من حرامية ونصابه
لويعرفون السعودي ماتمهزوبه=ولا قادوا ركابهم للشر بركابه
باعوا (يمنهم) وعهد الجار خانوبه=لين أونسو حرها من ضرب مخلابه
راحت طوابيرهم خذلا ومرعوبه=وصفوف متشرذمه ونفوس مرتابه
جونا من الطيش في سكرة وغيبوبه=وأقفوا وكلٍ يعض من الندم نابه
دايم وعدوان بيت الله منكوبه=من عصر جيش أبرهه والفيل وأسرابه
اللي يبي سلمنا نعطيه مطلوبه=السلم سلم لنا والشرع وصابه
جناتنا وارفه والنار مشبوبه=وبالخير حنا لها وللشر حرٌابه
ومن جا مصافح نوفي حق ماجوبه=ومن جا يعاند لعنا جد من جابه



[/poem]

مساعد الرشيدي

صح لسان الزعيم
واقترح
ان يكون العنوان يامحلا جره الحوثي بعرقوبه
لاهنت يالمر العذب

صح اللسان الزعيم مساعد الرشيدي وبيض الله وجه على النقل

الله الله

اجمل من اجمل جميلة

شكرا لك المر العذب

الله كلمات في قمة الجمال يااااااااا (( المر العذب )) وبصراحه اتحفتنا في

هالنقل الراقي ولك تحياااتي والله لايحرمناا جديدك وننتظر جديد

مساعد على احر من الجمر

بيض الله وجهك

قصيده رائعه جدا


صح الله لسسان الزعيم ولاهنت يالمر العذب