السلام ورحمة الله تطول الغانمين=كل وافي له بقلبي معزة واحترام
من محبٍ يشكر الله وبفضله يدين=احمده فيه التقينا على حب وسلام
لاجتمعنا نذكر الله عون الذاكرين=ماشغلتنا عنه دنيا يهددها الهدام
التسامح والتعاون سمات المؤمنين=والضغينه والحسد طبع فـ قلوب اللئام
والتعصب والتحيز صفات الجاهلين=اتركوها منتنة ما رفعت قدر ومقام
عزنا في اسلامنا نهجنا نورٍ مبين=للقبا يل و ا لعوا يل تعصبنا ظلام
الفخر للي يخدم أمته في كل حين =لبسوه المجد يستاهله درع ووسام
يا شبا ب الأمة أنتم هدف للحاقدين= قتلكم وا فساد كم للعدى غاية مرام
الرجولة ماهي بجنز والاخاتمين=ولا بترديد الأغاني ولا فحش الكلام
ولا بدرب مخدراتٍ تهين الشامخين=ولا بشرب اللي يسبب على الجسم السقام
ما وجدنا نفحة المسك عند المدمنين =غير ريح الذل والعارواوكار الحرام
الرجولة في تجنب دروب الخايبين=الرجولة للفتى في التقى والالتزام
يا شباب الأمة أنتم لها نعم المعين=نورها في عصر تجتاحه جيوش الظلام
تتحد صيهيو ن مابينها مذهب ودين =قصدهم تفريقنا لا اتحاد ولا التحام
يا أمل أمة محمد لكم حبلٍ متين=عروته و ثقى وللعز نبراس وسنام
شيد و ا للمجد صرحٍ تخلده السنين= وازرعوا صحرا التفاؤل ويسقيها الغمام
السلام ا شعارنالانتصرنا مسلمين= والجهاد ارواحنا له معاطيش ٍهيام
اابطشوا بسيوف نصرٍ لها القاسي يلين=لا تها ون في زمانٍ يشد به الحزام
واكتبو افي هامة الوقت من حبر الجبين=يرجع الاقصى ولو هو بعد تسعين عام
والسلام ورحمة الله تطووول الغانمين=نبتدي فيها وفي مثلها مسك الختام