هبّ الهوى وأستفرس الهم بالرأس=وصاحت مع الضيقه كبار العزاوي

الجرح بالأحساس أو جرح الأحساس=علّه ما يبريها الطبيب المداوي

المشكله لا صرت محتاج للنّاس=والنّاس بالحاجه تحطّ البلاوي

لا صرت ما انته موس من ضمن الأمواس=تعيش راس ٍ تحت موس الشقاوي

مات الحياء والطيب والقلب عساس=وبكره يموت القلب مثل الحياوي

كمّ بالزمان اكليب وكمّ فيه جسّاس=وكمّ واحد ٍ ما بين الأثنين غاوي ؟؟

لو الزمن فارس على قبّ الأفراس=كان أذبحوه امّبعّدين الهقاوي

لا يازمن لو الرجاء نجهل الياس=أنا نويتك و أنت ويش أنت ناوي ؟؟

لا يازمن لولا الرجاء نجهل الياس=أنا نويتك وأنت ويش أنت ناوي ؟؟؟

اقتباس من مشاركة عبدالعزيز (المشاركة 1413855) لا صرت ما انته موس من ضمن الأمواس=تعيـش راس ٍ تحـت مـوس الشقـاوي صح لسانك وبيض الله وجهك على هذه الرائعة بحق .

اقتباس من مشاركة عايد2001 (المشاركة 1413867) جزله من جزل صح لسانك