كان القصيد بخافقي عين هداج=واصبح كما عيون الجواء يوم جّفت
مات الحنان اللى له القلب يحتاج=وبعض المشاعر وسط قلبي توّفت
ما عاد لى بالشعر مدخل ومخراج=والنفس عن بعض الطواريق عفّت
ما ألوم طرسي لو شكى قلّ الانتاج=ولا ناض براق(ن) له العين رفّت
ظلام لا قمراء ولا شمعة سراج=غيم(ن) حجب ضو النجوم وتخّفت
سكون لا نسمه ولا دافع أمواج=كن البحور من المحيطات قفّت
والفكر ما يبدع على غير منهاج=والا المشاعر عمرها ما تعفّت

اقتباس من مشاركة سالم الزير (المشاركة 54527) قصيده جزله من شاعر معنى ربي يحفظك ويبيض وجهك المهلهل

اقتباس من مشاركة عابد الرشيدي (المشاركة 54534) مات الحنان اللى له القلب يحتـاج وبعض المشاعر وسط قلبي توّفـت ما عاد لى بالشعر مدخل ومخـراج والنفس عن بعض الطواريق عفّت عبد الله سالم بيض الله وجهك على هذه القصيدة الجميلة والله يعطيك الف عافية انتظار جديدك لا تحرمنا من هذه القصائد الرائعة تقبل مروري وهذي تحيه مني انا عابد الرشيدي

اقتباس من مشاركة ابواثنين (المشاركة 54542) صح اللسانك اخي عبدالله سالم الرشيدي قصيده جزله من شاعر جزل