يبه طلبتك ترحم الحال وترحم =قلب (ن)يصيح ويشتكي من عذابه
اسهر وهل الدمع في ليل (ن)اضلم=دمع (ن)كما وبل المطر من سحابه
حالي تبدل والحلو صار علقم =يوم الفرح يابوي صكيت بابه
(لي صرخة واتعبت بلقى لها فم)=(من زود جرحي زاد بي التهابه)
يبه طلبتك قول يامسندي تم =عجل علي ارجوك وين الاجابه
يبه طلبتك تحقن المال بدم =لاشك لك بالقلب عز ومهابه
ارحم عيون سعود وخوانه ارحم=ورحم حبيب (ن)طال عني غيابه
يطري عليه لاضحك او تكلم=كلش وحشني فيه حتى ثيابه
يكفي تعبنا نشرب الهم والغم=يارب تجمع شمل كل الغلابه
ماهو بحق (ن)يايبه يوم تظلم =ترى اللي مثلي دعوته مستجابه