بكل الاحترام لجميع القراء أهدي هذه البسيطه

وهذه القصيده مقدمه وقدمت بحفل زواج الاخ الشيخ / عيد بن عوده المضيبري

اللذي أقيم بمنطقة القصيم / النبهانيه

قالها أخوكم الشاعر / الحسن عبد الله القحطاني ( مسموح يالغالي )

أمل أن تنال إعجاب الجميع

كفك ليا منك صفقته على كف=أما غبن والا قهرك التوجاد
والا بليت بحمل ما يحمله صف=وعانيت من حضك بهاذيل وضهاد
ودربك ضمى والبير من بارده جف=وحاربك نومك ماهنى عينك رقاد
فتذكر اللي وسمهم رشمة الكف=اللي لهم في مولد المجد ميلاد
ذلولهم ترعى وتعرف من الخف=متباهيه بالكف وتسير بعناد
حمايها من عبس ماهي بتنكف=حره طليقه لو رعت في تنهاد
من بعد هذا ياقصيدي تشرف=في مدح من طيبه على روس الأشهاد
رجل عروف وغيره اللي يعرف=يمناه من جوده كست حاضر وباد
هداج خير وزاد بالطيب واسرف=قصره مناخن للركايب وميراد
داعيه جاني وأثلج القلب واتحف=والزمني الداعي بلبيه يا ناد
عبسي رشيدي لا نخيته ووقف= أنحلت زحول المواقف والاعقاد
هذاك أبو تركي دفأ من تلحف=بالفقر والحاجة وتشكيل الأنكاد
عيد أبن عوده ريف من حظه أصلف=خوي أخو درع وسند رغم الأحقاد
عداد ما طار الحمام وترف رف=سلام ياجمع المطاليق الاجواد
سلام تشريف الجمايل مغلف=تقدير وافي بالمحبه والأمجاد
سلام من رجلن حضر ما تكلف=يحداه لدروب المواصيل ماراد
حضرت وأحمل عذر للي تخلف=وأنا عن اللي غاب ياعيد سداد
لوهي على الرغبه ولوهي على الشف=كان الجمايل ما خطت عين صياد
محالة الدنيا على العالم تلف=والناس ذا راحل ونازل وشداد
لحظه دقيقه أمنو يأهل العف=يالله ياستار يا حق يا هاد
نمد لك كف ونرفع لك أكف=راجين جود مثبت الأرض بعماد
يارب تجمعنا على الحوض الأشرف=مع النبي وأله وصحبه والأعماد

SIZE="5"]صح لسلنك وماقصرة قصيده جزله من شاعر جزل
هــداج خـيـر وزاد بالطـيـب واســرف
قـصــره مـنـاخـن للـركـايـب ومـيــراد
هذا البيت عن قصيده كامله عيد يستاهل ونت شاغر متمكن وتقبل تحياتي[/SIZE