(ايدل عرب) رقص وطرب / والناس تذبح في حلب=والشـر للعالـم قـرب / يالله عفـوك يـا كريـم
ما طـار طيـر ٍ وارتفـع / الا كمـا طـار وقـع=قول ٍ لقيناه برقع / يشقـى بهـا القلـب الكليـم
زبد البحر غطى البحر / واثر علـى كـل البشـر=شفنا عمر ما هو عمر / والجرح محتـاج ٍ حكيـم
كل ٍ يعيش بعالمـه / نـاس ٍ طموحـه وحالمـه=واللي يـدور ظالمـه / مـا فيـه قانـون سليـم
واللـي يخلـي واجبـه / يشيـل حمـل بغاربـه=من له جناح طار بـه / يهـاب نيـران الجحيـم
ثيران في احدى القصص / اموزعين اربع حصص=والليث عينه للفـرص / مـا للغريـم الا الغريـم
استفرد بثور ٍ سمين / يقول لونـه فـي البطيـن=مكشوف لعيون الفطين / يرميه فالعظـم الصميـم
وأقبل على الثاني بعد / ما عـاش بايـام السعـد=واخلف مضامين الوعد / يا ثور ما ليثـك غشيـم
واقبل على الثالث عجل / والثور من ليثـه وجـل=والخوف مخلوط بخجل / امسيت في كف ٍ حشيـم
والرابع ايصيح بخلاه / الليـث مـا منـه نجـاه=ما صنت عربون الحياه / ما فاد صوتك يا حليـم
ربط الفرس مثل الحرس / واحد درس واحد غرس=وان كان جاء دق الجرس / لا تبكي القلب الفهيـم
هـذي تماثيـل وعبـر / كتبتهـا بدمـي حبـر=تبقى على طول الدهر/ والله بعبـاده رحيـم