قصيدتي في حفل أبناء عمي المضابره بمناسبة عودة خادم الحرمين الشريفين حفظه الله لنا
 

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ماهي اتغيبني اطوال المشاوير=عن موقفن يحتاج مني احضوره
تعال ياتركي وانا قايد السير=يالله مشينا والديار امخبوره
أكتب وانا بعطيك كل التعابير=وعليك ياتركي اتزين اسطوره
في مثل هذي ماتفيد المعاذير=والشعر لاجيته تجيني ابحوره
يامرحبا بأجمل مشاعر وتصوير=من شاعرن يبدي معاني اشعوره
الحفل يرعونه أطوال الأشابير=اللي تقول الحق في كل صوره
مضابره يوم اللقاء والمعاسير=يشهد النا وقتن تقافت أعصوره
من روس عبس الملحمه والاساطير=مايجحد التاريخ عنتر ودوره
حفل رعوه مدلهين المغاتير=أهل الوفاء والمرجله والمشوره
في عودة اللي سطر المجد تسطير=كلن دعا له في شفاه وطهوره
عبدالله اللي يقطع الشر بالخير=والشعب كلن في محله يزوره
في سيدي كلن يسوق التباشير=وسعادت فيها البلاد مغموره
وحنا لبو متعب اسيوفن بواتير=واليا نطحنا شر نقطع اجذوره
دون الوطن والدار وقفاتنا غير=حنا رجاجيله وعمدان سوره
عساه في حفظة ولي المقادير=واله الولاء منا ولخوان نوره



الشاعر/مرشد الصقعان
[/poem]

صح لسانك وبيض الله وجهك

صح لسانك واهنيك على القصيدة