يامنتدى الفارس ولد مرهب القوم=ياكوكب الليل العتيم ومجره
صدرك سنام المجد وعلومك علوم= قرناس وكري من غزابه يسره
حراً على كبد السماء يكسر الحوم= مالد في لؤلؤ بحرها ودره
لو السماء محضور وملبد غيوم= ماحد من مغزاه مثقال ذره
عنده على الصعبه مشاريه وعزوم= هو مات فارس قوم لله دره
خيال صحراء المجد والعزوه بقوم=ياطاء على ناب الحنش مايضره
والمسلم المؤمن حريصاً على الصوم= لكن يجي في بعض الايام غره
وانا اعتبرني ضيف مدعي ومعزوم=لو السفر ماشفت جوه وبره
موقع لقانا العام يفرق عن اليوم= على قمر ماهي تضاريس حره
يدفني ريح المواجيب وقوم= ولح اصدقانا اللي تحب المبره
للناس عادات وتقاليد وسلوم= وانا اشهد ان الطيب هذا مقره
وانا ولد من سيفه اجرد ومسموم= ياخذعلى الفرسان كره وفره
بني رشيد الياعتزاء كل شغموم=تلقالهم في ساحت المجد جره
الله يدوم الامن بالدار ويدوم=حكم السعود اللي على الظلم شره

يامرحبا ترحيب مايعرف اللوم=اقولها مليون مره ومره
البارحه والعين عيت عن النوم=يقودها سلك الحرير وتجره
جتني مثل غيداء تهنفل من الزوم=قصيدتاً ملح القصايد تذره
تبخترت في جيدها الدر منضوم=البيت تلو البيت دره ودره
فرايداً غنابها كل زيزوم=من طيباً درب العلا مايغره
لبسني من الطيب تيجان ونجوم=وثوباً يباهي من لبسه ويزره
شاعرمن الجزلات ماهو بمحروم=له بالقصيد الجزل فره وكره
بضاعته بالسوق ماتقبل السوم=مثل الذهب مكنوز في وسط صره
من روس عبس اللي الياصارت خصوم=خصيمهم بالحرب يبطي بحره
وانا على شرواه بالرد ملزوم=لو شاب قافه مالحقنا تشره
جيت البحر وانا مضرا على العوم=وسفينتي على البحر مستقره
والطيب وهبة رب والعز مقسوم=في مجلساً فيه النشاما تبره
مدهال شيخان وطحاطيح وقروم=ومن دور الشعر الحقيقي يمره
قلته وانا من روس ودروع وسهوم=امجادهم منها تضيق المجره

اقتباس من مشاركة سنام عبس (المشاركة 2100785) صح السانك ويتساهلون ربعنا البقوم الـمدح وزود مـن عايـض بـن صـالـح وابن مرهب ماعلاه زود مدح عبس وتستاهل عزوة رشيد والله لا يهينك وبيض الله وجهك

اقتباس من مشاركة الموج الازرق (المشاركة 2100801) صح السنتكم ودام الابداع يابن صالح وليهون فارس الصحراء بن مرهب

اقتباس من مشاركة احمد منيف الرشيدي (المشاركة 2100917) صح الله لسانكم عز الله انك قصدة ورد طيب لاهنت اخوي

اقتباس من مشاركة محمد2009 (المشاركة 2100931) صح الله لسانكم عز الله انك قصدة ورد طيب لاهنت اخوي

اقتباس من مشاركة محمدخالدالشباح (المشاركة 2101323) صحت لسان من قام بالبدع والجواب بدع وجواب شافيات ومتقنات من شعراء متمكنين يعطيكم العافيه ولكم خالص الشكر والتقدير ؟؟؟

اقتباس من مشاركة el3nod-al (المشاركة 2103985) صح السانك تقبل مروري

اقتباس من مشاركة عبدالله المظهور (المشاركة 2111209) صح لسانك ياعايض صوت عبسي جهوري لرجل يستاهل . صدى بقمي مسموع لمن يستحق . وفقك الله وبيض الله وجهك تقبل تحياتي وتقديري واحترامي

اقتباس من مشاركة احمد سبيتان (المشاركة 2111657) صح الله السنتكم جميعا" شعراء مبدعين

اقتباس من مشاركة مروان الرشيدي (المشاركة 2118963) ونعم بششاعرنا ونعم بالبقمي تسسلمون على هالرديه المميزه

اقتباس من مشاركة ابو صووط (المشاركة 2119153) صح السانك الشاعرين والنعم في الجميع قصائد رائعه وجزله من شعار وافين لاهنتم

اقتباس من مشاركة حــزام (المشاركة 2122703) اشهد بالله انك شاعر يا عايض ماشاء الله تبارك الله درررره قصيدتك اما ابن مرهب فهالشاعر احبه بالله من بعد ماشفت لقاءه على قناة الساحه وسمعت قصيده الجزل وذرابته وثقله صح لسانك ولسانه ولاهنتم

اقتباس من مشاركة بدر الذيب (المشاركة 2140461) بيض الله وجيهكم عزالله انكم شاعر فحول ودمتم

اقتباس من مشاركة اللهب (المشاركة 2142794) صحت السنتكم وبيض الله وجيهكم

اقتباس من مشاركة ساحر العرب (المشاركة 2142799) القصيده منتشره باللوتوث صح لسانك انت وابن مرهب

اقتباس من مشاركة سعد محمد (المشاركة 2142889) صح ألسنتكم على هـذا الأبيات الجزلة. ولاهنتم واافين.