|
قصيدتين إهداء للشيخ عبدالله بن علي الخنفور الرشيدي بمناسبه انجازاته ومشاركاته في ام ر
بسم الله الرحمن الرحيم أقدم لكم هذه القصائد إهداء مني لكم: الشاعر محمد بن مرزوق القحيم الرشيدي إلى الشيخ عبدالله بن علي الخنفور الرشيدي نظيراً لمشاركاته العديدة في المهرجان الوطني " مزاين أم رقيبه" و التي شرفنا بها و بحصولة على مراتب و جوائز متقدمة القصيدة الاولى للإستماع: قدام يا ساس الوفا منبـع الطيـب ....فوزك يشرف عبس في كل ديـره يا شيخ ابن خنفور وافي المواجيب جمايلـك تبقـى فخـر للعشيـره حضرت ابارك ما دفعت المناديب ....شاعر يعبر عن ما جال بضميـره ومشاركتـك بزاهيـات الدباديـب.... فطس الخشوم ام النحـور الكبيـره شعلن لهن عند اهل الصنف ترتيتب... المركز الاول ما يحتـاج غيـره شقارهن شمسٍ بقى شوي و تغيبب... اللون تحتـار العقـول البصيـره لا صاح راعيهن يجنه ضباضيب... و تقول لامسهن من الصوت ذيره و عسكرن يوم التخـرج بتدريـبب... حضور نايف شكلو لـه مسيـره برعاية النادر عطيب المضاريـب... مشعل على اهل البادية عم خيـره في ضل ابو متعب مهدا الاصاعيب... الله من احـداث الليالـي يجيـره حامي حمانا لاعوى الذيب للذيـب... على الوطن و أهل الوطن فيه غيره و تستاهل الناموس و الفوز يالذيب... اقولهـا فـالاولـه و الاخـيـره و القصيده الثانيه للإستماع: لا نزل شريـان بالميـدان و استنـن بناتـه... صفق الجمهور من حوله تعجب و احترامـي و لا مشى بـاول مساره ثم اخذ نص التفاتـه... تقل يشكر من حضر تشجيع و اهداه السلامـي والبكار الطيبات اللي صفتهـن مـن صفاتـه... الرقاب اطوال والغارب بعيـد مـن السنامـي نقوتـن لأبـو علـي و مدلعـات وغليـاتـه... و من غلاهن عند عبدالله يداحم كـل عامـي اشهد انه كفـو و مشـرف بكـل مشاركاتـه... و لا غرابه بالكريم اللي ورث مِلك الكرامـي و اشهد انه عون من يشكي الزمان و معضلاته... و هني من صارله في ساعه الشـده حزامـي و الختام ازكى سلام و رحمـة الله وبركاتـه... و المعذره كان ما اوفيت الكريم ابن الكرامـي هذا و اتمنى ان تكون القصيدتين قد ارضت ذائقتكم دمتم بحفظ الله |
صح لسانك يابو صقر... بحر شعري متدفق ..بيوت جزلة.. وشاعرية موروثة..
ويستاهل الشيخ : عبدالله الخنفور ... شكرا لك احمد على الموضوع |
صح لسان ابو صقر مبدع دايم ...وبيض الله وجهك يا ناقل القصيدة..
|
اشكرك ابو ريماس على المرور
وانت وافي وجزل تحيـــــــــــاتـــي |
صح بدنك ياذيب الهجاد
وشكراُ لك على المرور تحيـــــــاتـــي |
صح لسانك وقصديتين وافيات يا وافي
وابو على يستاهل مثل القبيله في مزاين أم رقيبه عدة سنوات وكان تمثيله مشرف والسنه الجايه مواعدنا بمشاركه مميزه جداً جداً . |
صح السانك اخوي ...
ويستاهل اخوي ابن خنفور بتمثيله لإسم القبيله... وبيض الله وجوهكم جميعا... ودمتم بود واحترام... |
صح السانك ويستاهل الخنفوور
لاهنت |
صح الله السا نك وبن خنفوررررررررررر ياستاهل كل خيرررررررررررررررر
|
صح لسانك وقصديتين وافيات يا وافي
وابو على يستاهل |
اشكر الجميع على المرور وصدق المشاعر
ولكـــــم تحيـــــاتـي |
صح السانك ويستاهل الخنفوور لاهنت ... |
صح لسان الشاعر محمد القحيم القصائد رائعه وجزيله
ويستاهل الشيخ عبدالله بن علي الخنفور والله يبارك له في حلاله وابل بني رشيد معروفه الله يكفيها شر الحسد الشيخ / سمير مرزوق القحيم الرشيدي |
| الساعة الآن +4: 01:23 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
