هما الزاج بحروف على الطرس هتّافي = من الفكر منضوحٍ بالأمثال ينشافي
لفاني رسول الشعر ياحي مرسوله = سعى بالحضور وقلت حيا الله اللافي
تداعت وحانت موجباته وداعيها = بالأعماق هوجا سٍ على هجعت الغافي
دعاني ودعوى الشعر للشعر فحواها = توهج بأحاسيسي ومكنوني الخافي
ليا هاج وهّاج الهوا جيس بأعماقي = تنفست بأمثال عفيفات ونظافي
شوارد بنات الفكر من طيب أمثالي = شتات ٍسعيت بجمعهن ودّ وعسافي
ليامن ضحل المعرفة هزّ تفكيره = مدى القاف واستنجد بما قال الأسلافي
وسلب ما وسمها فكر غيره وسماها = وخان الزميل ولا مشى حسب الأعرافي
تساميت بالأمثال عن موطن الريبة = إلى كوكب ٍدونه قصر عنه كل متشافي
بعيد قريب فيه تذعن لتفكيري = من الشرد ذات البكر في ثيب القافي
فرايد ليا دونت صادق معانيها = كما غالي المثمون ببطون الأصدافي
وهبني عظيم الشان فكر مقديني = له الشكر نلت بفضله المسهَم الوافي
سما بي عن أحداث الحداثة و مبداهم = هجا ج العقول وعنه تهجينهم هافي
سخافة بعض ما يكتبونه ويملونه = طلاسم بلا معنى ودعوى للإسافي
غزو فكررغبة من مباديه هدّامة = وبيّ النوايا والطوايا والأشفافي
نواة الجذور اللي تفرق ولا تجمع = خلايف بغا والبغي ما له عنه نافي
أموره ليا ميّزت ما هي طبيعية = تصنع ومصنوع الطبيعة ما هو صافي
غزانا بعلمٍ عالمه غير عالمنا = ولا صار غزو إلا مرده للأ نكافي
وأنا ما حسبت حساب غازي ولانازي = ولا الطق والتطبيل من جاهل جافي
أعرف الوضيع وسر وضعه وموضوعه = وأعرف إن قول الحق دعوى للإ نصافي
أصيل المعرفة يعترف لي ويعرفني = ليا شذ مشبوه المبادي والأهدافي
على ساس قوة ساس مبناي وصروحه = شموخٍ سكني طيب من طيّب أسلافي
هل الطيب ربعي واعتزازي وتعزيزي = وهم عزوتي والعز والظلّ ولحافي
سلا يل رشيد ا لزول وسّامة الكفة = مقا بيل ما يعطون من يقبل القافي
معا طيب ما يرمون حيّ ويخطونه = يصيبون لكن ما يصيبون الأ طرا في

اقتباس من مشاركة عبدالعزيز الخياري (المشاركة 76433) صح لسان شاعر عبس سعدان عابس قصيده تستحق القراءه من شاعر غني عن التعريف تم التثبيت

اقتباس من مشاركة سعد بن عادي (المشاركة 77601) نكتفي بهذا القدر من التثبيت والقصيده موجوده في ديوان الشاعر دمتم كما تحبون

اقتباس من مشاركة عبدالعزيز الخياري (المشاركة 79783) أخوي سعد قصيده لشاعر كبير مثل سعدان عابس ومثل هذه الدره تستحق التثبيت حتى وان كانت في الديوان وهذا اقل مانقدم للشاعر سعدان عابس تقبل ودي وتقديري