|
قصه حياتي !
لماذا لاترحمنا يامجتمع بتلك الجمله أبدا وبها أختم قصة معاناتي التي فصولها لم تنتهي رفضني الجميع الاخ والقريب والبعيد والسبب اني ممرضه اضمد جراح أناس تنزف جروحهم فكم من انسان اتي اللي ودمائه تقرق انفاسه وكم من رجل طاعن بالسن تقطعت به سبل العافه وضمدت جراحه واسيته وكم من عجوز تقدم بها العمر وبدأت تضارع الموت تلك هذا عمل الانساني الشريف بغض النظر عن راتبي ولكن جفاني القريب والبعيد حتى اخي لم يرضى عن حتى قبل فتره وابن عمي خطبني ولما سمع انني ممرضه تركني وهاانا عمري يقارب الثلاثين عام بلا زوج والسبب مهنتي التي لو الجميع تركني فلن اتركها
لما ياخوان الناس مو راضين العمل هذا رغم ان الاخ سند الدموك تناول الموضوع وله مني كل الشكر فقد تطرق لقضية نساها الجميع واشكركم جميعا على تفاعلكم معه رغم تحفظي على اجابة الكثيرين هناك وهانا بعملي هذه الساعه امارسه بكل فخر واعتزاز انا وزميلاتي الاخريات واسال الله لي ولكم التوفيق وياليت الجميع يناقش هذه القضيه معي رغم وجود موضوع الاخ الرائع والكاتب المميز سند الدموك اللي نشكره علي طرحه لذلك الموضوع ياليت تقولون الاسباب اللي تخلي المجتمع يرفضنا |
أول شئ السلام عليكم ورحمه الله وبركاته
ثاني شئ ( الأنسان اذا يبي ينحرف عن دينه وعن شرفه ينحرف سواء ممرض او غير ممرض او اي مهنة أخرى ولا احد يقدر يرده لكن تفكير الناس والمجتمع بصراحه تفكير متحجر شوي وخاصه عند القبايل وعند العلوم المتعصبه ( ههههه) بس بصراحه من وجهة نظري انه مافيه شئ يمنع اني اتزوج ممرضه او اي مهنة اخرى وشاكر لك على هذا المووضوع وأعجبني بصراحه كثير وملــفت للنظر ويسلموء على الأبداع وننتظر جديـــــــــدك ...............! تقبـــــــــلي مروري وتحيـــأتي |
اولآ...سلمت الايادي ع الطرح..
عؤؤؤاافي يااالغلآآآ.. بلعكس انا معاكـ ولسة ضدكـ..والتمريض مهنة شريفه ولا ارئ بها اي شئ.. ولكن المجتمع..والعادات والتقاليدهـ هي السبب لذلكـ..و لللاسف الشديد.. تقبلي وجهةنظري.. لك كل الود كبرياء امراة |
* عنزية وافتخر *
السلام عليكم ورحمة الله وبركاته : موضوع جميل 7 7 7 والدكتورة والممرضة والمعلمة وموظفة البنك والاحوال وموظفات الامن العام من سجانات وجوازات وبحث وتحري ووووو..... الخ . جميعهن امهاتنا وخواتنا ومربيات اجيالنا و امننا والحمدلله رب العالمين . نظرة المجتمع الذي حولك لعدم القبول للمرضة كزوجة هذة فكرة ناس يحسدونك على هذه الوظيفة وهذا مثل [ عذر البخيل رمضان ] وكان قصدهم اشياء ثانية الفاشل فاشل سواء رجل او امراءة ويحصل اللي يبغاه مع الجيران بسوق بالجوال بالانترنت مع السواق وووووووو وكم من غيبات سدة بها الديون . دام عمرك قارب30 عام الحمدلله انتي توك شباب ليش تقولين عانس والزواج قسمة ونصيب من الله عز وجل وكم من زواج قد فشل وانتهى بطلاق ومشاكل مالها اول وتالي .......... الخ وبصراحة اقسم بالله ان احد زملائي تقدم لخطبة ممرضه ومع الواسطة ياليت وافق ابوها بشرط المهر ثمانون الف ريال وبعقد النكاح شرط لايحرمها من وظيفتها وزواجه بهذه الصيفية الله يوفقهم حياة زوجية سعيدة. تقبلي مرووووووووووري. وتحياتي |
ياهلا بك أختي الفاضله عنزية وأفتخر
ولا شكر على واجب وسبق وان ناقشنا الموضوع وبالفعل وجدنا العنصر الرجالي يرفض الزواج من ممرضه ولكن ربما تتغير تلك النظره وأسأل الله أن يرزقك الزوج الصالح وييسر لكٍ أمورك تحياتي لك |
لي عودة ...
|
أختي عنـزيه وأفتخـر .. عندما ينضج الاٍنسـان في بطن أمـه .. ينكتب له كل شي ويرى حيـاته امامـه .. وهو في مكث بطن امه ولو تلاحظين عندما تمرين بموقف وتقولين قد تكرر هالموقف ليس الموقف تكرر ولكن انتي رائيتي الشي هذا في بطن أمك ..(ليس هذا المهم المهم ان كل شي مكتوب للانسان ياخذه والزواج حظ ونصيب وانـا اخووك .. وانتي لو مالقيتي الزوج بدنياك صدقني بتلاقينه بجنتك يارب ومع احتراامي لك هذا يعتبر نقص من اخيك او ابن عمك لانه يوجد به مرض اسمه مرض الشك والعياذ بالله لما يرااه او يفعله ..! ويرى ان الممرضه او غيرها صايعه او او او وهو عكس هالشي لان الانسـأنه لو تريد الصياعه صدقيني والله لو هي بحفرة تجد الشي هذا وتفعله ولو هي بالصحراء تفعل ماتريد لان النساء اغلبهن شك اهلها الزائد يجعلها تنحرف وانا اعرف لك سالفة وحده تداوم بالمسائي محو الاميه معها جوالين تقول أخي [[غبي]] اذا قال عطيني بفتش جوالج اعطيه اللي ما اكلم حبيبي فيه وحبيبي اكلمه بتلفووني الثااني هههه والله ذكيه.>الله لا يبلانا وصدقيني يا اختي مالك عن المكتوب وترى بيني وبينك الرجال بالزمن هذا صارو قليل والله يعني مما نرااه لنساء متزوجاات في الاوااني الاخيره نجد مشاكل كثيره بينهم وعدم تفاهم واكثرهن اذا طولت شهر او شهرين وتنفصل من زوجها وتصبح مطلقه عانس هههه
الله يرزقك اختي عنزيه وشكرا لموضوعك الجميل الذي تناقشنا به مع أخي سند الداموك .. ارقى التحايا المبهره با ارق البنفسج |
مشكوره خيتووووَ
ولا ازيد عن كلام سندَ شيء |
السلام عليكم ورحمة الله وبركاته نظرة المجتمع الخاطئ وان لتلك المهنه سلبيات قد تسيئ للفتاة هي السبب في رفض الشاب الاقتران بممرضه ..والاجدر ان يقيم كل شخص ويحاسب عن تصرفاته وليس بالضروره ان يشمل خطأ بدر من شخص وبالتالي يكون اساء للاخرين لانهم يعملون بنفس مجاله ... مهنة التمريض مهنة انسانية والمجتمع وخاصة بالخليج بحاجه لها بشكل كبير .. رفض الاقتران بممرضه موضوع ماعرفته الا من قراتى في المنتدى ولم الحظ هذه القضيه في مجتمعنا وان لي قريبات كثر ومتزوجات ويعملن في مجال الطب والتمريض .. نسال الله السلامه والستر في الدنيا والاخره واتمنى ان يوفقك الله في حياتك |
السسسسسلام عليكم ورحمـة الله وبركـآتـه
اختي عنزيــه الله يكون بعونــك هذا اول شي وثاني شي انا اشجعــك اختي على وظيفتــك واسال الله ان يوفقنا وياك وثالث شـي انتي انســانه بطله بطله بطله ولا يهمــك من يرووح ويجــي والله بيعطيك على قد نيتــك ولا يهمــك كلام الناس على قول راغب علامه كلام الناس لا بيأدم ولا يأخر الله يرزقك بالزوج الصالح اللي يفهمــك وتفهمينــه ولا تقولين انك قربتي الثلاثين خلاص محد بياخذك بالعكس كثير من يدور انسانه بهذا النضووج والله يعطيك طولة العمر واللي راح يبي يقفي شوي ويرجع باختصار انا اقوولك واصلي واصلي واصلي ولا يهمــك احد ولو قدرتي تكلمين دكتورااه كملي كملي كملي واللي مغتاض خليه يغتاض اليا احتاج يعود ويرضا وسلامتـك |
اول شي اشكرك على طرحك هذ الموضوع وام التمريض شي يشرف الفتاه
تجاه العمل وام الزواج قسمه يا اختي ولعل انشاء الله يجيك عريس ويسعدك في حياتك وناس فيهم اختلاف البعض يؤ يد ان تكون بنته او زوجته ممرضه والبعض مايريد ان تكون بنفس المهنه هذا والسلام عليكم اخوك الوااافي |
إقتباس:
655bani-3abs.. أختي الفاضله أولا .. أشكرك على موضوعك ثانيآ .. الزواج قسمه ونصيب ثالثا.. بالعكس أن أصفق لك لأنك تقومين بعمل شريف ولك الشرف بهذا العمل رابعا .. فيه ناس ترفض هالعمل مو بس أهلك أو أقاربك ولاهو بس أهلك وأقاربك يرفضون الشيء هذا لأنهم مايرضون أن بنتهم تخالط شباب او تعمل مع شباب فالمستشفى لآكن أقول لهم بصوت عالي (( غلطــــــــــانين ميه بالميه) خامسا.. ليه اللي يرفضون البنت تعمل عيب عندهم تطلع بنتهم من البيت الا للمدرسه وبس طيب بفهم ليه تخلونها تدرس ماتبونها تتعلم ماتبونها تبني للمستقبل ولا بس الرجال اللي لهم المستقبل بعض البنات قسم بالله اطلق من عشرين شارب لآكن هؤلا يبونها جالسه فالبيت لاتروح ولا تجي لين يجيها نصيبها طيب يمكن مايجي نصيبها وش بتسوي يالاب انت اللي حاشر بنتك بالبيت اذا عنست وانت رافض انها تعمل او شي زي كذا وش بيكون موقف تبي تتحسر مثلا ولا بتقول لا هذي الرجوله وماتسوى ياخي الواحد لازم يفتح مخه مافيها شي اذا البنت تعمل بمستشفى بالعكس تقوم بخدمة دينها والوطن والشعب سادس .. انا اعرف مستشفى فيه دكاتره يكشفون على حريم ليه يكشفون على حريم ليه رجال يكشف على حرمه لأن الدكتوراة على عدد روس الاصابع وش منه من الأهل اللي يرفضون ان بناتهم يتوظفون او يكملون تعليمهم أكيد ان فيه بنت حلمها انها تصير دكتوره لآكن أنحرمت من هالحلم بسبب هالتخلف اللي مدري وش يبي وانا يا أختنا الفاضله لو بكتب اكثر من كذا مدري وش اكتب ومدري وش اخلي لاكن الله يهديهم تقلبي فائق الأحترام والتقدير |
اكون معك صريحة جدا ~ الذي يقول لك انتي على صواب ولا عليك لو كان الأمر يعنيهم صدقيني لا يتزوجون ممرضة .. اختي نحن في مجتمع حكمنا ولم نحكمه ورسم لنا منهجا لا نستطيع الخروج عنه وإن خرجنا فنحن الملامون الشاب يرفض الفتاة التي تعمل في المستشفيات لأنه وسط يعج بالرجال وقد لا تسلم احداهن من التحرش او الإحتكاك مع الرجال .. لهذا السبب يرفض الرجل هذه المرأه زوجة له .. ونحن كـ قبائل تجدين القليل منا يقبل ان تعمل ابنته او اخته في هذا المجال ~ لكن ابشري بالخير ورزقك لن يأخذه احد غيرك اصبري وادعي الله فإنه كريم سبحانه ~ |
اختي عنزيه
الله يعينج مادري ليش في ناس تفكر جذي الممرضه مو مهنه الشخص يؤجر عليها وشنو الرابط بن الوظيفه والدين ماكو اي رابط لان اي شخص دينه بقلبه وبتصرفاته ماتحكمه الوظيفه الله يهديهم يالغاليه ويوفقج ان شاء الله |
|
اتركي الوظيفه وتاكدي اذا تسكر باب يفتح لج ربي ميت باب محد نافعج تبني اكذب عليج اقولج ايه خلج في هالوظيفه مردج متقاعده وتجلسين بالبيت محد ينفعج غير بيتج وعيالج
تقبلي مروري |
00000عنزيه وافتخر00000
بالعكس التمريض والتعليم والبنوك وجميع الوظائف مافيها شي ونظامها واحد تقابل رجال وتتعامل معهم ولاكن للاسف التعصب القبلي له دوره مع الجهل ولاكن بدا يندثر ولله الحمد ومالك الا الصبر حتا يفرجها ربك واتمنا لكل التوفيق والزوج الصالح وتقبلي تحياتي ومروري |
*عنزيه وأفتخر*. الصبر مفتاح الفرج ودامك جلستي المده هذي ماراح يضرك زادت شهر ولا نقصت شهر .تقبل مروووري ^_^
|
| الساعة الآن +4: 03:34 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
