|
اللي يقرا العنوان ومايدخل ولايرد تراها بحق
الحمدلله والصلاة والسلام على رسول الله اما بعد : فالحقيقه لاادري من اين ابداء وبما افتتح الكلام هل افتتحه بالسرقه اوالتهميش اوالتهديد ااوالسكوت عن الحق على العموم توكلنا على الله نيوتن لما اكتشف نظرية الجاذبيه الارضيه سجلت هذه الفكره بااسمه الى هذا الوقت وكذلك نظريات جاك جاك روسو وفيثاغورس ومن هم على شاكلته وكل هذه النظريات هي عباراه عن افكار وقع عليها تطبيقات غيرت بالاشياء الحسيه والمعنويه فلذلك اهتم الناس بالافكار واولوها اهتمام خاص وحاسبوا من تعدى عليها بالسرقه اوالاقتباس دون ذكر صاحبها لذلك اخذ الفقه الاسلامي والقانون الوضعي بذلك فوضعوا عقوبات على من تسول له نفسه بسرقة فكره وخصوصا الافكار الادبيه فالامثال والاشعار والحكم والقصص الادبيه لاتجوز سرقتها وموقع كشبكة عبس له حقوق طباعيه ونشر وتوزيع واعلانات لايجوز التعدي عليها كذلك اعضاءه اولتهم الشبكه اهتمام بمتابعة افكارهم وحفظ حقوقهم لااريد ان اتشعب بالموضوع اكثر من ذلك وسوف القي بين يديكم المهم وهو اني طرحت فكره لم يسبقني عليها احد وكانت لي اهداف منها تحقق اكثرها ولله الحمد وبعد مرور اسبوع اجد احد الشعار يسرق الفكره شكلا ويغيرها مضمونا دون ان يستأذن اويذكر صاحب الفكره وانما سرقها عيانا بيانا ويعلم الله اني رديت في موضوعه الذي كتبه مبينا اعتراضي حتى لاتكبر الامور اكبر من ذلك ولاقى كلامي التهميش والنسيان (( والله ماصارت سوى شينه وقويه عينه)) وايضا طالني التهديد من بعض المحسوبين على الحزب الذي ينتمي له باانهم سوف يشنون حرب اعلاميه شعواء علي بكل الطرق نصره لفردهم المذكور والمعلوم اننا الان صرنا بزمن الاحزاب حيث ان الذي معه حزب يلقى التطبيل من حزبه ويجعلونه يشتهر ويشجعونه ((ويجعلون اكبر شعار الحزب يلعبون معه لوبيوته مثل وجه)) ويدافعون عنه ويعادون من عاداه وانا اعلم تمام العلم اني لاينقصني عده ولاعتاد فلدي حزب ولله الحمد لكن لااريد ان تاصل الامور الى هذا الحد يكفي خساير في حروب ماكان منها الا ازهاق الارواح واقرب مثال ((ابوعوجه:والسبع الضاري)) من بعد هاك الحرب الله لايعيدها ماشفناهم فاانا اطلب من وجيه الخير واصحاب الرائ والمشرفين والعمده في الموقع ان ينصفوني بما يلي 1_ تغيير عنوان موضوع الشخص المذكور الى عنوان اخر ماكثر من هالمواضيع 2_ اعتذاره بقصيده اوببيان من حزبه المدعو جعل حزبهم للفلس 3_ كتابة تعهد بعدم التعرض لشخص بعيد الهقاوي بالتهديد اوماشابه ذلك والان اليكم الدليل هذي فكرتي وموضوعي http://www.bani-3abs.net/aa/showthread.php?t=78004 وهذا الشاعر المذكور وقيامه بالسرقه وتابعو ردي عليه في النهايه لايسعني الاان اقول لذلك الشخص (( ماضاع حق ووراه مطالب )) وانا وراك والليل طويل حتى اخذ حقي يا ((.................)) ولابلاش حتى مايلقى علي شي يطالبني فيه هههههههههههه انتهى كلامه حفظه الله |
بعد الصلاة
بارك الله فيك موضوعك سحوب وله ................ هههههههه انتظر ............. |
ارحب ياكاتب على راحتك متى مابغيت ترد رد على العموم يالربع انا ابروح افلي بغنيماتي ومعزومن عند واحدن من الجماعه العصر على قهوه والليله بعد فيه عزيمه عند واحد من اخوايي يعني مااخلص من هالارتباطات الا الساعه 10 لي عوده ان الله احيانا واتمنى اني ارجع والقى ردود والقى حقي قدامي
سلام عليكم |
ههههههههههههههههه
ومخليني استعجل واجي ركض من المسجد الله يهديك انا قلت غنيماتك مسروووووقه أنت احتفلت وهو أحتفل أين المشكله يعني مثل لو واحد كتب وين الشعار وجاء واحد وكتب بعده بموضوع وين الشعار يعني سرقة فكرة هههههههههه هذه احتفالية وليس فكرة لكن ابشر باللي يرضيك انت عزيز وغالي |
اخوي بعيد الهقاوي انا لااعرفك ولااعرف صياف والله على مااقول شهيد
بالنسبه لموضوعك شي طبيعي من حقك ان تحتفل بمشاركاتك ولكن مو من حقك ان تجعل غيرك لايعبر عن مشاركته على طريقتك بالعكس انا اشوف ان هذه الفكره تعود لك على سبيل المثال اول من اخترع الموال يقال بأنه عمر الخالدي وبكر الحضرمي فلما تغنى الشعراء بعدهم على هذا الموال احد يبي يزعل منهم لا بالعكس الفكره تسجل لعمر الخالدي وبكر الحضرمي وانا من وجهة نظري بأن الموضوع طبيعي جداً احتفاليه والكل يحتفل على طريقته وعلى طريقة غيره ولو اردنا ان ندقق على مثل هذه المواضيع فلن تجد من يطرح موضوع خوفاً ان يتكرر الموضوع وهنا سوف يموت المنتدى ولكن على قول المثل كان تمشى مشها اتمنى ان لااكون ثقيلاً او قاسياً على موضوعك وبالخير هي وجهة نظري تحياتي وتقديري,,,,, |
كلمة حق مع اني ماعرف الاخوان:
الاخ العزيز بعيد الهقاوي انت انسان مبدع وبتكرت هذه الطريقه للاحتفال بعدد مشاركاتك 500 وصياف اكيد اعجبته طريقتك وحب يسويها وانشالله لن النوايا نظيفه اخوكم/العاقل |
اخوي انا احترمك شخصيا قبل الموضوع
لو اردة مني تواجد مجد وفعااال لكان اخترت وقت غير هذا الوقت مع العلم اني لم اقراء جميع ماذكرته لضيق الوقت والعك الغوي انت تدري في الوضاع الامنية حفاضا للحقوقك ان وجددت سوف ينوب عني المتحدث الرسمي للحزب اخوي عنتر زمانه وبعدين انت استقصدت في احد فقراة موضوعك اسقاطات لي شخصيا والحزب الحرية ويجب عليك الاعتذار ... ولك جزيل الشكر اخوك شاعر الخليج |
بسم الله الرحمن الرحيم
من المتحدث الرسمي ل حزب المراكيز وقاضي الاحزاب العبسية المرتكز نظراء لما بدر من صياف في سرقة فكرة عضو حزب المراكيز بعيد الهقاوي تم عقد اجتماع بين رؤساء الاحزاب المعترف فيها باالقبيلة حزب العمدة حزب النصر حزب الشباب حزب المراكيز وقررنا تاديب المدعو صياف فهو لم يسرق بعيد الهقاوي فقط بل سرق اسم ولقب شاعر علم ومعروف في الخليج العربي هو الشاعر الكبير صياف السحيمي يرحمه الله الحكم تقطع يده وعلى وضاح اليمن قطع يد صياف باالشبريه ههههههههه مع تحيات المرتكز قاضي الاحزاب العبسية |
الف الف مبروووووووووووووك
يابعيد الهقاوي والله انك شاعر وعلى اسمك وتستاهل كل الخير وجميع مواضيعك ترفع الراس .. ولكن مثل ماقالو بعض الزملا هذه تعتبر تهنئه لكل من اراد علانها ولاتعتبر فكره .. وانا ارجو من العمده في هذا الصدد ان ياضع لكل من اكمل 500 مشاركه وسام كا حافز تشجيعي .. ولكن بشرط ان تكون مواضيع هذا العضو مفيده وبعيده عن كل المهاترات.. تقبل تحيات اخوك المعزب |
إقتباس:
ويعطيني العمده وسام حافز على مجهودي وانت تعرفني بعيد كل البعد عن المهاترات |
إقتباس:
الله يهديك ياكاتب انا ماسامحت على سرقة فكره وقومت الدنيا وقعدتها وشلون لومويعزاتي مسروقات يمكن يصيبني شي ((بعد الشر علي)) ههههههههه اما بالنسبه لموضوع وين الشعار ليست فكره وانما هوطلب ومتداوله وانا فكرتي جديده شكلا ومضمونا وكانت تتضمن اشياء منها 1_ موال قديم حبيت اذكر الناس فيه 2_ لفت الانتباه للمشاركه 500 3_ طلب العمده للعب معي هذي امور احتوتها فكره يعني فكره متعوب عليها وبعد هذا الجهد تسرق اتمنى وصلت الفكره ومشكور على المرور والتعليق والكلام الطيب اللي ماهو غريب عليك |
العاقل وعالي الصيت ارحبوا وبيض الله وجيهكم على الرد والكلام الطيب بالنسبه لكلامكم يتشابه في كثير من مضمونه لذلك سوف ارد عليكم في رد واحد يجمع الاثنين اولا عندي اعتراض على بعض الكلمات مثل انا ماعرفك وانا اعرفك انا اقراءها دائم ولاادري ماالغرض منها ياجماعه الدعوه ماهي زواج ولاخطبه حتى تعرفني اوماتعرفني طيب اذا عرفتني هل ستشهد معي مثلا والعكس بالنسبه لموضوعي انا الحين اطلب حقي طلعتوني غلطان واتمنى تقرون ردي على كاتب حتى تعرفون ليه هي فكره وليس كما تقولون اما بالنسبه اني امنع التقليد اوشي من ذلك لا انا مع المشاركه بالافكار لكن مع اعطاء الحق لحقه بالنسبه للافكار الجديده وليست الاشياء المتداوله والمعروفه وانا في موضوعي ادعو لان يكون فيه محاوله لايجاد افكار جديده تعم الفائده ونرقى بالعقول ولاتكون كل حياتنا على التقليد وعلى افكار الغير حتى الناس تقرا اشياء متجدده وهذا من اسباب تنزيل موضوعي |
الاخ والشاعر المطنوخ بعيد الهقاوي الوكاد انك تسوى دوله من اخلاقك العاليه واحترامك للأعضاء ممن تعرف وممن لا تعرف وهذا يعتبر اكبر من اي فكره ومن السباق لها وتراك انت والاخ صياف متقاربين في هذه الصفات وليس عجبا ان تتقاربون في الافكار الجيده التي تخدم الموقع بشكل عام.
وتقبل تقديري واحترامي الشديد لك |
إقتباس:
هذي من مشاكل الاحزاب كل واحد حاطله محامي يدافع عنه وياكل حقوق العالم بلسانه انا كتبت الموضوع ووجهت اتهاماتي وماوكلت احد عني وانت الشخص المتهم وانا ارفض وجود موكلين اومحامين وانما يكون الحق بمايحكم به اهل العرف بيني وبينك |
إقتباس:
ياقاضي ياقاضينا ياللي بالحق ترضينا جيتك هدي بدي وافلح من صلى على النبي بيض الله وجهك على احقاق الحق واتمنى ان يعتمد الحكم ويتم التنفيذ بااسرع وقت قبل دخول الواسطات والمحسوبيات ههههههههههه وللتذكير سرق ثلاث مرات اسم صياف ولقب شاعر الخليج وفكرتي يعني تقطع يده اليمنى واليسرى ورجله اليسرى ههههههههههههه |
إقتباس:
الله يبارك فيك وبيض الله وجهك يالمعزب على الكلام الطيب وشهادتك وسام على صدري بالنسبه لفكرتي انا وضحت فيما سبق وجهة نظري وبيض الله وجهك على المرور المشاركه |
إقتباس:
بيض الله وجهك ياشاعر الجنوب على الكلام الطيب وان دل دل على سمو اخلاقك وانا مابيني وبين صياف الاشرهة رجال على رجال وبمايحكم فيه اهل العرف |
سلام الله عليكم ياعبس
اخوي / بعيد الهقاوي ,,, أ ُسعدتْ مساءا ً انا عندي رأي بالموضوع ويكون الحل ودي وتحدي بنفس الوقت وهو إن صيّاف يرد على ما نُسب إاليه بقصيده فيها من التعجيز إمّا قافيه مقفله وإلا بحر صعب وإلأا لغز بالقصيده وينتظر ردك وإذا اخطيت الرد فالحق يركبك أنت وإن جبت الرد الوافي وهو عااادااتك فالحق يركب صيّاف ,,,,,,,,,, وأنتم يألأثنين بالذات اخلاقكم عاليه وصدوركم نظيفه وتشرّفون ربعكم ولاهو قصور في الربع الباقين تقبل تحياتي خاتم سليمان |
استغفر الله و اتوب اليه
|
إقتباس:
ارحب ياخاتم الشعر فكرتك على العين والراس ومرورك فقط شرف كيف وانت ترد على العموم مشكور على الكلام الطيب |
أعتقد ان وصلتك عدة أجابات فكلها صائيه
واذا أستمريت على المطالبه قد ينقلب الحق عليك لا لك ..؟؟ ولا اريد أن اقيم عليك دعوه بدعواتك على حزب الحريه وانعاتك له بالفلس وانت تراقب حرب الداس والغبراء والانتصارات لحزب الحريه .. فهنا نوجه لك دعوه للأنظمام لنا لكونك شاعر وذوا أخلاق عاليه ففكر جيدآ وبعمق وراقب ما يحدث لحزب العمده من معكره حامية الوطيس .. !! فأنا حتى الأن لن أصدق بما تقول وأعتبره ممازحه بقصد أو بغير قصد ولك التقدير والاحترام |
إقتباس:
واذا أستمريت على المطالبه قد ينقلب الحق عليك لا لك ..؟؟ اعتراف علني بوجود حق لي ههههههههههههه وش رائكم يالربع ترى هذا التهديد بس باسلوب حلو على العموم ياامبراطور الكلمه مشكور على الكلام اللي قلت ويعلم الله اني اكن لك كل الاحترام انت واخي الشاعر صياف لكن بالنسبه للتنازل فقد سبق السيف العذل وقاضي الاحزاب العبسيه المرتكز قد اصدر القرار وانتهى وارجع للصفحه الاولى لترى القرار وننتظر تنفيذ الحكم فقط وهذي رساله لجميع اعضاء الشبكه عليكم الحذر اذاوضعتم افكار جديده فقد ولى زمن سرقة الاموال واتى زمن سرقة الافكار ههههههههه تحياتي لكم من محب اخوكم : بعيد الهقاوي |
| الساعة الآن +4: 02:41 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
