|
شفني بقايا أنسان وقتي كما السيـف
9999bani-3abs
655bani-3abs شفني بقايا أنسان وقتي كما السيـف حظي كفيف وفرحتي حلـم زايـف همي بحر وضلوع صدري مجاديف والعمر مركب بين الامواج طايـف قلبي وطن وعروق قلبي تجاويـف للحزن وهمومي شعوب وطوايـف صكات بقعاء والقـدر والصواديـف ورّتني اهـوال السنيـن العجايـف اتبع خريف العم في رحلة الصيـف وازحف على حد لسيوف الرهايـف واهل الحسد والنمنمـه والتخاريـف خلوا زماني تحـت قـب النجايـف حدنـي اسبـاعٍ تقانـب ملاهيـف اول موالفهـن وبعديـن عـايـف لا واخسـاره يالقلـوب المواليـف ماهي ولافـة عـز ولفـة هرايـف الليـل مفتـاح السهـر والتكاليـف والصبح مفتاح القهـر والحسايـف والصبر مفتاح الضلوع المناحيـف والحزن مفتاح الجـروح الرعايـف والمصلحه مفتاح بـاب المواقيـف والواسطه مفتـاح بـاب الوظايـف والفقر يفتـح للوجيـه المصاليـف باب الصلافه والضعايف ضعايـف لا صار لك حاجه ولالك معاريـف بشت القناعـه راح مالـه خلايـف يالليل وش عذر المعازيب للضيـف لا منها ضاقت صـدور المضايـف قل للسوافي لو تهبهـب عواصيـف عنهـا رقينـا عاليـات النـوايـف تسفي وحنا فوق روس المشاريـف ماهمنا هرج الضعـوف الزلايـف قل للضعوف اللي تحسب المصاريف حنـا ترانـا ماحسبنـا الكـلايـف اهل المصالح لو تخاويـك تشريـف بكره على رأسـك همـومٍ حذايـف ناسٍ اليا شافت معك مـال ياحيـف وان قل مالك روّحوا وانت شايـف وان شحت ايدين الزمان المناكيـف نبقى على عهـد الوفـا مانزايـف وان طال بال الليل قـل للسواليـف بوح السهر من ضيقة الصدر عايف |
هلا والله وغلا بشاعر / زايد بن عاتي العويمري .
صح لسانه واعتلا شانه أبيات جميله وجزله . لا تحرمنا من جديد يا مبدع . لاهنت على النقل الجميل ورائع . تحياتي . |
قصيدهـ جزله من شآأإعر جزل
صح لسآأإنه وتسلم يالغلاآأإ ع النقل |
الله الله اشكرك علي نقلها
وصح لسان صقر عبس |
بيض الله وجهك ياركن على النقل
|
صح الساان الشااعر زايد
على هذه القصيده الجزله واحسنت النقل يااركن عبس دمتم بحفظ الباااري |
لله درك
قصيده قمه الجمال والروعه صح اللسان شاعرها وناقلها |
سبحان الله
اسم يدل على ان الشاعر مبدع .. مع اني اعتقد ان الاسم هذا ما هو على الارض لكن منا لـ عادل الذيابي .. لـ يرى كيف توارط .. الخواطر .. هنا .. اعزمه يا ولد عبس هنا مادامك ناقل له اكيد تعرفه .. بـ نقرا له اكثر وغريبة عادل الذيابي .. اذكر الناس تحبه !!! تقديري .. |
صح لسان شاعرها
ولا هان ناقلها |
| الساعة الآن +4: 01:39 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
