|
ماهو المعنى الذي يشير إليه خاتم سليمان؟؟؟؟
السلام عليكم ورحمة الله وبركاته
اخواني شعراء منتدى عبس ,,,,, أسعد الله اوقاتكم بالخير ,,,, هنا سأورد بيتين فقط وأريد من الذين يرغبون بالمشاركه في الموضوع ان يأتوا في المعنى الذي اقصده في البيتين , وذلك عن طريق الرد على البيتين في بيتين بنفس قوة المبنى وجزالة اللفظ وعدم الحشو والتصريح في المعنى داخل الرد . كما انوّه على انني سوف أوضح المعنى في بيتين اخرين بعد أن أرى ان المشاركات من الشعراء مكتفيه ولم يعد هناك أحد يرغب بالمشاركه , ولانجبر أحد على المشاركه هو موضوع لكسر الروتين المعتاد بالمحاوره . والفكره هي من استحداثي أنا ولم يسبق لأي منتدى في الشبكة العنكبوتيه ان سبق على هذه الفكره التي توجِد التفاعل من جميع الاعضاء بشكل حماسي وتنافس شريف . الله الله سلام الله سلام ٍ يعتق العبد ويذلّ الشيخ=لو إن العبد خادم كل شيخ ٍ ياخذ الشّيخه أنا ضدّ العبيد اللي لهم في رجلهم تاريخ=عشان العبد هافي جدّ لو مجدتْ تاريخه دمتم كما تحبون |
هلا ومرحبا ياشاعرنا خاتم لاتفهم غلط بالموضوع
هلا يامرحبا ترحيبةٍ فيها طرف توبيخ ............ على المضمون وإلا الشخص مانرضى بتوبيخه ياخاتم لاتحسب أنك وصلت سهيل والمريخ .............. ترى التاريخ به علماً يعرفونه مطانيخه |
إقتباس:
ومشاركه طيّبه و رد جزل من شاعر جزل أما الشك بعيد عنّا وانا يكفيني الشطر اللي يقول : على المضمون والا الشخص مانرضى بتوبيخه . انا فاهمك طال عمرك وعارف الرمي ووينه وجهته لكن اتمنى التصريح بالمعنى بدل الرد المغلّف وانا اعتقد انك صبت الهدف .. لكن يجب ان توضح أكثر ,, والكلام للمشاركات الجايه أيضا ً سعدنا بتواجدك لاهنت |
بارك الله فيك وانت شاعر ماعليك زود وننتظر راي أكثر حتى نصل نكسب وجهات النظر السليمه لاتستعجل
ولاهنت |
تسلم يابعيد الشوح تسلم
وننتظر الأراء ووجهات النظر السليمه من الاعضاء وبالتوفيق للجميع لاشنت |
لاهنت ياخاتم سليمان على الموضوع الطيب
هذي محاوله وارجو اني قربت من الهدف .
هلا يامرحبا ترحيبة ٍ ماتاصل المريخ=تجيك ابوسط الارض وتترك الكوكب ومريخه عسى للعبد كيّه ماتنسي كيّتٍ بالسيخ=طلع في شاشه التلفاز وكل ٍ شاف تو سيخه |
طلع في شاشه التلفاز
ماهو تطلع مدري وشلون يسوون له تعديل |
احييك ياخ خاتم سليمان وانا وجهت نظري بالنثر وليس بالشعر فانت تقصد عبيد ؟؟؟؟ههههههههههه
|
سلام الله سلام ٍ يعتق العبد ويذلّ الشيخ=لو إن العبد خادم كل شيخ ٍ ياخذ الشّيخه أنا ضدّ العبيد اللي لهم في رجلهم تاريخ=عشان العبد هافي جدّ لو مجدتْ تاريخه مداخله لتشجيع مع الشكر لك اخي خاتم سليمان على هذا النهج والطرح المميز
هلا يامرحبا والعبد عبد براطمه نفيخ = لونه يحكم العالم ابو برشوم نفيخه ومدام العقل برجوله يبي ينوخ مع النويخ = وحنا نعبد رب البيت في حكمه وترسيخه |
والفكره هي من استحداثي أنا ولم يسبق لأي منتدى في الشبكة العنكبوتيه ان
سبق على هذه الفكره التي توجِد التفاعل من جميع الاعضاء بشكل حماسي وتنافس شريف . |
إقتباس:
ولاتهون ياصنديد الوغا رد حزل من شاعر جزل والهدف قريب ان شاء الله |
إقتباس:
وانا احييك يامساعد عواض ولاهنت على وجهة النظر ولايهون عبيد ههههه |
إقتباس:
اررحب يامسند العويمري اررحب ولاهنت ع المداخله الرائعه والتشجيع الطيّب تحياتي |
إقتباس:
سلمان نعم الفكره هي من استحداثي أنا ولازلت اكرر الكلام هذا ,,,, انا ماادري وش الهدف من اقتطاع هذا الجزء من النص ؟؟؟؟؟؟؟؟؟؟؟؟؟؟؟؟؟؟ مع العلم انني اتحدى أي شخص ياتي في منتدى اخر بنفس الفكره قبل هذا التاريخ,,, ولأي شخص يحاول العبث في الموضوع بأي طريقة كانت سوف يجد مايكره ,,,, دمتم كما تحبون |
مشكور خاتم غلى ها لاستحداث وفعلا تحرك الاعضاء وتدفعهم للمشاركه وهذا مجرد رد على ماطرحته انت حسب مافهمته أرجو ان لايفم ردي بطريقه اخرى سلام الله سلام ٍ يعتق العبد ويذلّ الشيخ --- لو إن العبد خادم كل شيخ ٍ ياخذ الشّيخه أنا ضدّ العبيد اللي لهم في رجلهم تاريـخ --- عشان العبد هافي جدّ لو مجـدتْ تاريخـه --- أستــــــــــــــــــــــــــــلمـ --- رحمك الله يامن نـــــوخ شيوخ العرب تنويخ**وبناء مجد وتنحى ماقوت هالقوم تنويخه وصدق قول العرب لابد من ذيلك يجيك فريخ**يطاول هامت التاريخ وهو في مهد تفريخه |
إقتباس:
اررحب يالعميل السري اررحب ولاهنت ع الرد الجزل من شاعر كفو تحياتي |
السلام عليكم
لا ياخوي هالفكره سبقك فيها سلمان ابن عمار وكانت قبل سنه على ما أعتقد وكانت مسابقه حط بيتين أبن عمار والشعار يجارونه والي يصيب الهدف ياخذ لقب شاعر المعنى وفاز بالمسابقه هذي الـــــــــمــــــــــعـــــــــــزب عالعموم فكره طيبه ولاباس تجدد |
إقتباس:
وعليكم السلام لاهنت يالأشقر على التوضيح الواضح والكلام الطيّب والرد المقنع ,,, لكن انا سلمان لا أعرفه ولم اجد له تعليقات في منتدى المحاوره طول فترة تواجدي بالمنتدى وفؤجئت في اقتباسه للكلام فقط دون توضيح ولا شي فقط مقتبس كلامي وساااااااااااكت؟؟؟؟؟؟؟؟؟ المفروض قال انا قد سبقتك على الفكره وهذا الرابط واللي فاز المعزب بالمسابقه عشان مايضع نفسه محل اشتباه او موضع تهمه اونوايا متعدده وويحفظ حقوقه,,, وانا لم اعلم عن هذه المسابقه ولو كنت اعلم لذكرت ذلك في بداية موضوعي ولم أقحم نفسي بتحديات وانا على بيّنه بأن هناك من سبقني بالفكره ,,, وانا على تواصل مع منتديات الشعر التي لها حجمها في الانترنت مثل ( عتيبه _ ميدان الشعر _ المشراف _ نوادر المشراف _ تعاليل _ النداوي _ المرقاب) حيث لم اجد هذه الفكره قد طُرحت من قبل وهذا مادعاني على ان أجزم يقينا ً انه لو كان هناك شي في الشعر لوجد في هذه المنتديات نظرا ً لكثرة الأعضاء فيها وتعدد المواضيع وانا لا أفضّل هذه المنتديات على منتديات قبيلتي منتديات عبس ,,, تقبل تحياتي خاتم سليمان |
اخي خاتم سليمان وضحت الفكرة لكن لدي سؤال خارج الموضوع الله يجزاك خير
السؤال كيف تقتبسون المشاركات والاقتباس غير متاح ؟؟؟ |
إقتباس:
اررحب ياابن قنّور اررحب انا الأقتباس عندي متاح واعتقد انك تعلم لازم تظغط على ايقونه اقتباس تجدها في نفس الرد الذي تود ان تقتبسه في اسفل جهة اليسار من الرد وانا مقتبس مشاركتك اللي فوق خلنا نشوووووووف هو متاح والا لا اذا لم يكن متاح ممكن مشكله بسيطه في الموقع وتحل بسرعه واذا كان متاح ممكن المشكله عندك ؟؟؟؟ وتراني مامن خبره في هاالامور تقبل تحياتي |
الاقتباس غير متاح حاليا
شلون انت تقتبس واحنا قاعدين نتفرج خلني اجرب |
انهينا التجربه الاولى بالفشل الله المستعان والله ماني عارف شلون اقتبس حسبي الله والنعم الوكيل
مشكور يخاتم سليمان ونوجه النداء الى الجماعه يفيدونا |
إقتباس:
هلابك ابن قنور لاتقتبس حتى تصل مشاركاتك حد معين على ما أعتقد 200 مشاركة تقريباً شد حيله حتى تصل للقتبااااس ههههههه تعّب يدك هههههه |
كـــــــــــاتب الله يقويك
جالس يشوف مشاركاته هع يعني لازم مشاركات الله يعين ومشكور يالحبيب |
بغض النظر عن الفكرة ومن صاحبها
لكن لابد من مراعاة الشعور والابتعاد عن الانانيه ولافكار واجد ولكن بدون اساءة لاحد تقبلو مروري |
استلم ياخاتم ولو إنها مدري وشلون هي جاية
هلا يامرحبا والأرض كورة وأنت بالمريخ=بعيدٍ عن مجال الجو والكوكب ومريخه سمعنا كلمة مدرب فريق سدوس علي كميخ=بعد ماثار فرد الاخ حمزة وسط بطيخة |
إقتباس:
مرررحباااا مررررحبااا بجحدر مرررحبااااااا يالله حيه ,,,, ابرك الساعات وصح الله لساااانك على الرد الوافي والواضح ولايحتاج تقول ماادري كيف جاايه واضح علمك ومغزاك يالغالي لاهنت ع المرور الطيّب |
إقتباس:
مرررحبا ياصيّااااااف مرررحبااااااا وكلامك واضح وعين العقل والناس ماهي نايمه على أذانيها يعرفون الحق وعندهم خبر البعض من ناحية الأنانيه ومحاولات العبث الفاشله دووما ً في تشويه المواضيع المميزه والأبيات المليئه بالجزاله وقوة المعنى وسماكة المبنى لانهم يفتقدون هذا الشي من الموهبه فهم أشباه شعراء فقط لا غير ,, مع احترامي لجميع الأشخاص بذواتهم وشخصياتهم التي تمثـّلهم بما يتفوهون به في هذا المنتدى الشااامخ ,,,,, ولاهنت ع المرور العذب تحياااااااتي خاتم سليمان |
أخواني الأعضاء والشعراء في منتدى المحاوره
أسعد الله اوقاتكم بالخير والمسرراات سوف يتم إرسال رسائل خاصه الى الشعراء الذين شاركوا بالموضوع وذلك بالرد على البيتين السابقين ويوضّح في الرساله كل مايخص البيتين من المعنى والسبب وايضا ً يوضّح ماتم فهمه من الرد الذي وصلني من صاحب المشاركه ,,, والسبب في إتخاذ هذا الأجراء : - لأسباب طارئه على الموضوع,, وعدم وصول المشاركات الحد المطلوب,, بغض النظر عن اسباب عدم المشاركه سواء ّ كانت عدم الوصول الى المعنى المراد او إضراب مفتعل عن المشاركه بالموضوع وليس من العدل ان يعرف الشاعر الذي لم يشارك بالرد كما يعرف الشاعر الذي اجتهد وشارك بالرد ,,, تقبلوواا تحياتي خاتم سليمان |
الله لايهينك ياخاتم سليمان
الحقيقة إن كان لي نية في طرح مثل هذا الموضوع لكن دائماً سباق ياخاتم إلفكرة كانت مطروحة من الأخ سلمان وكانت على مراحل مرحلة طرح البيتين واستقبال الردود على شكل رسائل خاصة بعدها توضيح المعنى وطرح الردود للتصويت عليها بناءً على المعنى الموضح من الشاعر الرد الحاصل على أكثر تصويت يقوم بطرح بيتين بدع جديد وهكذا أنا أرى أن هذه الآلية أفضل من الرد على الموضوع لأن الرد على الموضوع تكون المشاركات كلها مكشوفة وقد تسهم في إيضاح المعنى وهذا مالانريد بعض الاخوه يرى وجود لجنة لترشيح الرد الأفضل وأنا أرى ذلك مع وجود تصويت باقي الشعراء المهم هو وجود التفاعل من الشعراء بالنسبة لإرسال المعنى للشعراء المشاركين أقدر موقفك ولكن الموضوع طرح للفائدة العامة لذلك توضيح المعنى للكل أعم وأشمل فائدة هذا رأيي وأنت صاحب الموضوع وحر بما ترى أشكرك أخي خاتم سليمان والحقيقة أنك من الشعراء الذين أعجبني طرحهم الراقي ومرحبابك تم تثبيت الموضوع |
| الساعة الآن +4: 09:39 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
