سلمان مابه حاكمٍ مثل سلمان = بالعزم والهيبه وفعل النواميس
يزعل لها الراضي ويرضى زعيلان = ماعندنا في مدح الأبطال تهجيس
والله ليبطن القوافي والأوزان = ماوصلن سلمان ما بالأحاسيس
لانه جمع بين التواضع والأيمان = وغلاه من فوق الغلا فالمقاييس
أمير نجد اللي للأمجاد عنوان = دارٍٍ تعلت للنجوم المراويس
دايم تباشر بالمكارم والأحسان = في كنف من يمناه غيث المفاليس
مدات جوده بين حضر وبدوان = عوايده , مطلق سراح المحابيس
ضلعٍ تذرابه قبائل وسلفان = صدره وطن وضلوع صدره متاريس
دايم لقصره فالضحى والمسيان = يردون من شتى الدير والأجانيس
قصراً يظلل عن صواديف الأزمان = في ظل راعيّه فدوه الهلابيس
شيخٍ نسايم سيرته عطر الأذهان = وشواهده عنها يجوز امرؤ القيس
مواقفٍ من سالف الوقت إلى الآن = هيهات يحصيها القلم فالقراطيس
نسل الأمام اللي جمع شمل الأوطان = على الشريعة وأسس الحكم تأسيس
من الحديثه لشروره لنجران = ينشر لامن ويذود ويحارب ابليس
ينطح بسيفه دون غالية الأثمان = على المهار الصفر والندّر العيس
حتى رفع من مسجد الحق الآذان = وتنكست راية هل الجهل تنكيس
عبدالعزيز اللي هجدها بشامان = من الكويت وزاح عنها الكوابيس
يالله عساه فجنة الخلد سكان = وتهب له من روض خلده نسانيس !

اقتباس من مشاركة يعقوب العبسي (المشاركة 1311903) يسعدنى ويشرفنى ان اكون اول من رد على هذا الموضوع صح لسان يابشير