|
مصافحة اولى
السلام عليكم
مساكم / صبحكم الله بالخير يالاجاويد كيفكم عساكم باحسن حال في الحقيقة يشرفني ويسعدني اني اكون بينكم ضيف اعجبني كثيرا نقدكم البناء الهادف البعيد عن المجامله باسلوب مهذب ليصقل تلك المواهب حتى يكون لها بريقا يتلألأ انا هنا عندي قصيدة اثنا عليها البعض ثناء حسن من ناحية الوزن والمعنى وهناك من قال يوجد بها خلل في الوزن فاحترت الحقيقة بينهم اليكم القصيدة لتحكمو في امرها بارك الله فيكم قالو لي كل عام وانته بخير = ثم قلت في نفسي الخير وينه واللي احبه غدا اليوم غير = جافان ِ واضحيت في نار بينه كنت اخبره دايم الوصل مير = مابه لي حظوظ بيني وبينه لو كان ينشاف خافي الضمير = عزون ِ والعيد تبكين ِ عينه الجرح بالجوف جرح(ن) خطير = والظاهر الموت قربت يدينه الموت للكل لابد يسير = يارب ما تكون ختمتنا شينه وكل بياخذ زهاب(ن) كثير = يا خير يا شر والا ثنينه والشر دين(ن) حسابه عسير = ويا ويل من مات ما قضّى دينه ويا حظ من مات مرضي القدير = يا جعله يكون راض(ن) علينه الشعر ما منه خير وعبير = لا صار ما يحك ِ بنصوح زينه النصح والحكمه زهر(ن) نظير = بالشعر يجمله وتخلد سنينه وسلامتكم ثم قطعت القصيدة تقطيع عروضي واليكم بعض الابيات المقطعة قا / لو / لكل / عا / مون / ته / بخير ثم / قل / تفي / نف / سيل / خي / روي / نه و ل / لي / احب / به / غدل / يو / مغير جا / فا / نوض / حي / تفي / نا / ربي / نه كن / تخ / بره / دا / يمل / وص / لمير ما / به / ليح / ظو / ظبي / ني / وبي / نه لو / كا / نين / شا / فخا / فض / ضمير عز / زو / نول / عي / دتب / كي / نعي / نه وبقية الابيات نفس التقطيع بالضبط اتمنى ان اكون وفقت بالتقطيع العروضي مودتي واسف ع الاطالة |
مرحبا بك اخي فتى الحيره
وتقبل النقد بداية خطوه ايجابيه ومثمره لاتعليق لي على القصيده لان هناك نقاد كبار مثل اخي محمد الراشد واخي الزلزال وشاعر بني عبس وغيرهم من النقاد والشعراء الكبار وفقك الله |
صح لسانك
بأنتضار النقاد وأرائهم : : موفق يارب |
إقتباس:
شاكر لك مرورك العطر لاهنت وفق الله الجميع |
إقتباس:
لا زلنا بانتظار النقاد والشعراء واتمنى ان لا يطول الانتظار اكثر امين والله يوفق الجميع |
صح السانك
اللي الامام |
حياك الله فتى الحيره
وانتظرن مرورنا قريبا |
إقتباس:
صح بدنك شاكر لك مرورك |
إقتباس:
بانتظاركم على شوق |
فتى الحيره حياك ربي مدامك متشوق
ابي طلب واحد منك قبل كل شي ابيك تغني القصيده على لحن معين من الى ورد لي خبر هل واجهت صعوبه ام لا |
صح اللسااااااااااااااااانك فتى الحيرررره
والله يعاااااااااااااااااااااااااااااااااافيك ودمتم بالف خيرررر |
الله يحييك ويبقيك
اي يالغالي انا ملحنها من قبل على لحن واحد واللحن ماشي من احسن ما يكون ولحنتها ثانية تلبية لطلبك وبرضو ماشي معي اللحن ولا واجهت صعوبة واللي تامر به انا حاضر |
صح بدنك وقلبك اخوي بدر
عافاك ربي ولاهنت على مرورك الكريم |
فتى الحيره عطني وقت ورايح اتواصل معك عن طريق المجال الاخر
تحياتي |
طيب يالغالي خذ راحتك
احتراماتي |
وينك يا استاذ محمد ؟
|
وينك يامحمد ابطيت على الرجال
|
اخي فتى الحيره
انا لا اعلم على اي لحن غنيت قصيدتك احتمال انك غنيتها ولن هناك توقف مستمر في كل الابيات ومعنى ذلك ان القصيده يوجد خلل بالوزن اتمنى ان تراتجع نفسك ولا اخفيك ان هذه الحاله تمر بجميع الشعرا ويتجاوزنها بالاصرار والطموح اتوقع ان تاتي بقصيده جديده افضل من ذلك انا انتظرك واذ محتاج اي مساعده انا جاهز |
اخوي حزام لاهنت شاكر لك اهتمامك
اخوي واستاذي محمد اشكر اهتمامك ومتابعتك وتوجيهك صحيح يكون فيه وقفات في نطق القارئ وتصير عنده الابيات مكسورة لكن انا متاكد يالغالي انك لو تسمعها مني وانا القيها راح تتغير وجهة نظرك بخصوص الوزن طيب يالغالي الحين التقطيع العروضي اللي في اول الصفحة لبعض الابيات وش رايك فيه ؟ !! انا استشرت واحد في فترة انتظاري لك بالتقطيع العروضي قال تقطيعك سليم وابياتك سليمة وانا بانتظار وجهة نظرك في التقطيع العروضي لانها تهمني اكثر اسف ع الاطالة احتراماتي |
فتى الحيره يمكنك ارسال رساله الى بريدي الكتروني الموجود في ملفي
وسوف اضيفك عندي واتفاهم انا وياك تحياتي لك |
حياك الله يافتى الحيره
هذه اول رد لي بهذا القسم واتمنى ان افيدك بما تتطلع اليه الشعر شي والاغاني شي آخر فبالتالي لا علاقه للشعر باللحن الشعر يحدده البحر لا اللحن اردت ان اسألك سؤال ماهو هذا البحر؟ لاوجود له في بحور الشعر النبطي ولا اوزانه جميعها ثم اذا كان البحر ليس له وجود فبطبيعة الحال لن يكون له تقطيع عروضي وللمعلوميه الشعر النبطي له اسباب واوتاد اسبابه (السبب الخفيف فقط) وهوالحرف الاول متحرك والثاني ساكن مثل (فا) اوتاده (الوتد المجموع فقط) وهو الحرف الاول متحرك والثاني متحرك والثاالث ساكن مثل (كذا) ولاحظت بتقطيعك وجود(الوتد المفروق) الذي لايستخدم بالشعر النبطي انما يستخدم بالشعر العربي الفصيح مثل (مون؛ سيل ) الخ متحرك ساكن متحرك لاحظ الفرق بين الاوتاد وسيتضح لك كل شي ارجو ان الملاحظه اتضحت واتمنى لك محاوله قادمه اكثر نضجا ان شاالله تحيتي وتقديري |
اخوي محمد اخذت ايميلك من ملفك واضفتك عندي
لاشك هذا شرف لي مودتي |
الله يحييك ويبقيك اخوي عبدالله
شاكر لك اطراءك الكريم لكن من وجهة نظري انه مب شرط يكون لهذي القصيدة بحر معروف لكن المهم ان القصيدة تكون على وزن واحد ،، هناك بعض القصايد ما عرف لبحورها مسمى وينظمون عليها الشعراء اشكرك مرة ثانية على تعقيبك المفيد تحياتي |
| الساعة الآن +4: 09:56 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
