يا قاتلي من غير ذنبن جنيته= الله يبيحك لو توطيت بدماي
والله لمشي لك على ما بغيته= ياللي من أجل رضاك ترخص مناياي
لو انت تطلبني فوءدي عطيته= بلا ثمن يامورد الخد برضاي
شرفك عند ذنبن ينوشه حميته= وذنبك بقتلي والرضا منك مداي
القلب من بين الضماير خذيته= واصبح مقره خالين من حناياي
قلبي نهبته عنوتن ماشريته= وصفقت باليمنا على كف يسراي
ان جيت ارده بالحشا ما قويته= يبي حماك وفر من داخل حماي
واللي عذلني عن غرامك عصيته= على طريقك تسرع الرجل بخطاي
ومعروفك اللي نالني ما نسيته= وانت الوحيد وغاية النفس ومناي
وانت الذي خافي ضميري كويته= وانت الذي تعلم بسري ومنهاي
وانت الذي زرعن بقلبي سقيته= ونور بشكات الزهر عقب الاذواي
وكتبن على قلبي كتبته قريته= اسمك وترجمته على القلب باسماي
وعدك ولو انه بليلن نصيته= نورك بخندس مظلم الليل قمراي
اليا ذكرته شاح قلبي وجيته= لو هو يسيل الدم من سبت ماطاي
ارضاك في غالي حياتي فديته= ارخص غالي الروح برضاي وهواي
اتبع رضاك وكل حي جفيته= وامشي بشفك لو عتب كل حكاي
الياطر الي عنقك اللي لويته= اغيب بحلام السعاده بدنياي
على رحيق شفاك قلبي غذيته= وقطفت وردن من شفاياك بشفاي
وردن على خدك برمشك حميته= باهداب عكشن ظللن عقب الا غضاي
لولاك مرقاب العنا مارقيته= وجاوبت مفجوع الحمايم بنجواي
رجم على رأس الطويله بنيته= اجيه واعلى طيتن منه مركاي
اهيض اللي بالضماير كميته= وطلال لو ناديت ما يسمع نداي
لو ان أبو بندر قريبن نخيته= انكان يفزع لي على كود بلواي
هو الذي من بدربعه رجيته= وعز الله انه عارفن غيب شكواي

اقتباس من مشاركة سعد الرشيدي رحمه الله قصيده رائعه وسلمت يداك اخي على نقلها لنا اخوك سعد

اقتباس من مشاركة جـــــروح بارده تسلم اخوي صادق الوعد وتسلم على ذوقك وحسن اختيارك

اقتباس من مشاركة بدر الحشية اخوي صادق الوعد تشكر على حسن الاختيار وعلى نقلك الرائع وسلمت يمينك

اقتباس من مشاركة أبو نوح أخي صادق الوعد أشكرك جزيل الشكر على هذا النقل الرائع تحيتي وتقديري أبو نوح

اقتباس من مشاركة مرضي الداموك تسلم اخوي صادق الوعد على ذوقك وحسن اختيارك رحم الله الشاعر محمد السديري تقديري لك

اقتباس من مشاركة الهنوف تسلم اخوي على اختيااارك الرائع للقصائد والله يعطيك العافيه..... تمنياتي لك بالتوفيق اختك الهنوف