حبيت تنسيق هذه المحاورة :

المهم1

انت ياعبد العزيز جنيه صافي ميتغير = لو نطقه في حصاه ولو نطقه في حديده
منت طيرن من غصون الشجره الخضرا مطير = انت غصن من الغصون وجدك الاول فقيده

عبد الباري

وأنت ياسرحان ذيـب ومشكلتـك انـك مذيـر=تنهزم لو راعي المعزا على متنه جريده
كان قصدك ياوسيع المعرفـه روحـة خضيـر=اشهد ان اخلاقه ان غاب او حضر معنا حميـده

المهم1

لا تفصل لطويل من العرب ثوبن اقصير = كيف تنقص من مقامي وانت خابرني وليده
سوقها سوق الركاب الجاهمات ولا تحير = وكان منت مخففن من هم عنتر لاتزيده

عبدالباري

عاد ماعند المعزب غير مـا ذاق المسيـر=ان خذاها في ضلوعه وان خذاها في وريده
ليتني لاحق عليكم يوم انـا تـوي صغيـر=والله اني ماتنازل غيـر لـرؤس العنيـده

المهم1

دام قلبك مايحب الا الجحش ولا الحمير = ليش ادراي راس خشمك وانت خشمك خشم صيده
كل ماحن الحوير حن قلب ام الحوير = والحوير ياكله سرحان ومه ماتفيده

عبدالباري

انـت تبغانـا نحبـك بالتشاءم والتطيـر=المحبه يشهد الله عن بعض خلقـه بعيـده
المهم انك مسير مانـت فالواقـع مخيـر=شف متى تصال مع الحجاج بأمر الله زبيده

المهم1

المسالم والضعيف والجلاوي والفقير = يحرمون من الفقار ولالهم غير العصيده
كان ماتكسر عدوك لاتجير ولا تجير = والنفوس الله خلقها ياشقيه ياسعيده

عبدالباري

لو تغير ضلع سلمى الطبع الأقشر مايتغيـر=كلها مابها ولا وحده على الساحه جديـده
انت شيك ٍ بسم صراف الهلل جاهز مجير=يصرفه فقر الضحى ويمول المفلس رصيده

المهم1

ماضربت الا طريق الشوك وتحسبه مقير= والقمر من فوق نوره ضاح والصدفه فريده
كنت اسميك الامير وبكره اقول الومير= ون زعلت اصفك بالطوفه واقول الباب سيده

ماثقل دمي عليك ولا على غيرك== ونته بقلبي غلاك ايزود ويسرك
اقبلتلك مامعي ياغير تقديرك == مغليك عامين في خيرك وفي شرك
وجتني خطاياك ماجتني معاذيرك ==ماكني الا عدو وجاين ايضرك
مدري ضلمني بعقلك سو تفسيرك == او فيك ضني خدعني قبل لا مرك
وهلحين سيري الحال وعاكسن سيرك == من قابلك بالجفى للود وش ترك
خلك من بعيد ويعلمك تفكيرك == اني متى مابغيت اكرك اكرك
ماجيتك اطلبك تردفني على بعيرك== مغنيني الله يابحر الدر عن درك

كان قصـدك ياوسيـع المعرفـه روحـة خضيـر=اشهد ان اخلاقه ان غاب او حضر معنا حميده

اقتباس من مشاركة المهم 1 (المشاركة 737352) الشاعر الكبير والعذب عبد الباري اشكرك على التنسيق واشكرك على تواضعك وقبول اللعب معي وهذا من طيب معدنك بس انصحك لا تعطيني وجه زياده ابلشك كل ماشفك انطلقت عليك ههههههههههههه وهذا كم بيت وهي عباره عن اعتذار لشخصك الكريم عن ثقل دمي معك البارح ماثقل دمي عليك ولا على غيرك== ونته بقلبي غلاك ايزود ويسرك اقبلتلك مامعي ياغير تقديرك == مغليك عامين في خيرك وفي شرك وجتني خطاياك ماجتني معاذيرك ==ماكني الا عدو وجاين ايضرك مدري ضلمني بعقلك سو تفسيرك == او فيك ضني خدعني قبل لا مرك وهلحين سيري الحال وعاكسن سيرك == من قابلك بالجفى للود وش ترك خلك من بعيد ويعلمك تفكيرك == اني متى مابغيت اكرك اكرك ماجيتك اطلبك تردفني على بعيرك== مغنيني الله يابحر الدر عن درك

إذا به أقصور ..فالتقصير ،تقصيرك= هذا كلامك ،وشوف العين مايغرك
ان ارتفع بالسماء وألا نزل طيرك= كلمتك هذي .بها ناصلك ونبرك
أما المعاذير .ماجينا على بيرك= من شأن تزعل علينا والسبب حرك
على غلاك وفاك ،مكثّر ٍ خيرك= لو كان مدري وش اللي للغلا جرك
ان كان قصدك تكبّر فيه تبريرك= خلاص طلّعت خلق الله على سرك
مافيه داعي يجيب أهداف تمريرك= أعصابك أعصابك الشيطان لايفرك
ويطول هجرك ولاتخلف مشاويرك= وتصير مثل الجمل لمن رغى برك