|
الرشيدي والمطيري
فايز الميموني
مريت الي ديرة مرابـط للجيـوش وللخيـول والخيل عزاً للرجال وبـس .. رفـرف ياعلـم هذي مضارب عبس يانعـم القبيلـه والقبـول تدرون وش معنا مضارب عبس .. رفرف ياعلم الرشيدي مريت ديرة كاسبين المجد ..ماضين الفعـول أهل الحما في كل موقف ضبس..رفرف ياعلم عبس بمضارب عبس.. مازالت لو الدنيا تزول مابدلت باللبـس الأول لبس..رفـرف ياعلـم فايز الميموني من شرق مدري غرب دقّاق التنك ولا الطبـول ولا تصير السالفه بالعكس .. رفـرف ياعلـم انتم وصلكم من {بني ذبيان} خمسمية رسـول محداً كفاك من الميات الخمس!! .. رفرف ياعلم الرشيدي ياصاحبي (فايز جزا الميموني) أنته وش تقول؟؟!! أكيد بالموضـوع خلـط ولبس..رفـرف ياعلـم وانتم وصلكم من بني عبس ألف والعقد محلـول وإن كان وصلت لإقتحام الحبس..رفـرف ياعلـم فايز الميموني ترى الجليب اللي طويتوها ورى ريع الحجـول بانت حقيقتها بعين الشمس .. رفـرف ياعلـم علّم {زهير} اللي يبا يضحك على اصحاب العقول باقي عليه من الليالي درس .. رفـرف ياعلـم الرشيدي ذكرتني بالطي والقلبـان والوقـت المحـول تشرب من ادنا يوم ريقك يبس..رفرف ياعلم ودك تطش زهير يافايز مـن شـداد الذلـول وزهير مثل الشمس يابو كبس ..رفرف ياعلم فايز الميموني منته حول حتى نقول ان العيون الحول حول فالقايله يابو عيوناً عمس ..رفرف ياعلـم محدا على حاله بقى دام السنه باربع فصول اترك علومك كلبوها وانس .. رفرف ياعلم الرشيدي ماني حول شايفك زين وقايسك عرضٍ وطول وآصوم وآصلي ولا آكل نجس..رفرف ياعلم كلمة مجرب..مير هذي عادة الوقت الميـول لا باس ياراع الغنم والجمس..رفرف ياعلـم فايز الميموني ياليت وزنك طن حتى مايجي مشيك عجـول لو ما كليت النجس ولا خس .. رفرف ياعلم امّا احسم الميقاف والعبها على حسب الاصول ولا نبا نعطيك واحد بقس.. رفـرف ياعلـم الرشيدي في مملكة فايز جزا مافيه_ممنوع الدخول مفتوحةٍ للجن قبل الإنس..رفرف ياعلـم تجميعة التيوان تفشل بالطلوع وبالنـزول وآقول للتيواني اقطع واخس..رفرف ياعلم فايز الميموني فوق الرحاب الطاهره ماداست عيال المغـول اللي من الله تستحق الخفس رفـرف ياعلـم اللي معه عقل مغسول وداخله قلب مغسـول تلقون في حلقه صابونة لوكس.. رفرف ياعلم الرشيدي يامدعي فكٌ السحر في ثوبك السحر معمول خط القلم شوه بياض الطرس..رفرف ياعلم بغداد لو كله عرب مايقبل أنصاف الحلـول لكن خليط من العرب والفرس..رفرف ياعلم فايز الميموني وشلون تنهض دولة السودان والمزروع فـول اغبى الشعوب العالميه .. طمس ..رفرف ياعلم اثـر النيـاق الهامـلات معرضاتـاً للفحـول على المبارك واتّبارك فنس .. رفـرف ياعلـم الرشيدي عز الله إني ماحسبت إنك من الواقع زعول واثرك من الاحداث مالك نفس..رفرف ياعلم أمس انكشف راسك مع البيدا وبلتك السيول هذا هو اللي حاصلٍ معك أمس..رفرف ياعلم |
الله الله محاوره بالقمه ولا اروع
ولكن هالرشيدي على ما اعتقد اني شايفه في منتدى الهيلا ولا واحد غيره هذا ؟؟ وهل له اسم بيننا بالمنتدى هنا ام لا ومن يكون هو ؟ يعطيكـ الف عافيهـ يابو ناصر على نقل المحاوره المميزه ..// |
ياسلاااام محاوره قويه وجزله صح لسان شعراءها وبيض الله وجهك يابو ناصر على نقلها تجميعة التيوان تفشل بالطلوع وبالنـزول وآقول للتيواني اقطع واخس..رفرف ياعلم تقبل مروري اخووك : الاكحـــل 4774bani-3abs |
الرشيدي
يامدعي فكٌ السحر في ثوبك السحر معمول خط القلم شوه بياض الطرس..رفرف ياعلم بغداد لو كله عرب مايقبل أنصاف الحلـول لكن خليط من العرب والفرس..رفرف ياعلم ايييييييييه اما كذا ولا فلا شكرا تحياتي بتاال |
لاهنت على نقل المحاوره الجزيله وصح لسان الشاعرين
تجميعة التيوان تفشل بالطلوع وبالنـزول وآقول للتيواني اقطع واخس..رفرف ياعلم |
ابوناصر بيض الله وجهك على نقلها لنا . ياليت عرفنا اسم هذا الفارس العبسي بيض الله وجهه
ياصاحبي (فايز جزا الميموني) أنته وش تقول؟؟!! أكيد بالموضـوع خلـط ولبس..رفـرف ياعلـم وانتم وصلكم من بني عبس ألف والعقد محلـول وإن كان وصلت لإقتحام الحبس..رفـرف ياعلـم |
صح السنتهم ويعطيك العافيه على نقل هذا المحاوره الرايعه .لكن ليتك تعلمنه منهو أسم الشاعر (الرشيدي) بالكامل وشكرآ واحترامي وتقديري
|
بيض الله وجهك يابو ناصر
|
بيض الله وجهك يابو ناصر على نقلك
وسجلو اعجابى بهذا الشاعر الرشيدى واتمنى تنزيل محاورتها مع الشعراء وفى اى منتديات يلعب لكى يتسنا لى متابعته لنه شاعر فحل وسجلنى احد صفوفه ومعجبينه اتمنى افادتى ولكم احترامى وتقديرى |
من الرشيدى مطلوب للاهميه
|
هذي المحاورة اللي لها ثمرة
شكرا يابو ناصر والظاهر ان الرشيدي انت لانك شاعر كبير وهذا الاسلوب قريب من سلوب ابو ناصر فهاد القعبوبي ولايهون الميموني شاعر كبير |
ليتنا نجد مثل هذه المحاورة في هذا المنتدى
محاورة معنى بمعنى الكلمة اتمنى أن أجد من يحلل هذه المحاورة من شعراء المنتدى أما بالنسبة لهذا الشاعر فلا أعتقد أخي عبدالباري أن يكون فهاد لتباعد الأسلوب بين الشاعرين |
بيض الله وجهك يابو ناصر |
إقتباس:
|
محاورة رائعة وجزلة وذات معنا
وصحت السنت الشاعرين |
فوق الرحاب الطاهره ماداست عيال المغـول
اللي من الله تستحق الخفس رفـرف ياعلـم فوق الرحاب الطاهره ماداست عيال المغـول اللي من الله تستحق الخفس رفـرف ياعلـم الله واكبر يالميموني على هالبيت صح لسان الميموني والرشيدي وقاف محبوك حبك 100% |
والله ماتشوفون العلم وانتم كل اساميكم مستعاره
|
شدعوه يابوناصر اسمك ماهو مستعار ههههههه
|
ياسلام محاورة كبار صح الله السنت الشعار وياليت يابو ناصر تقول لنا بأي منتدى يلعب الرشيدي لانه بصراحة شاعر يستحق المتابعة ومن اقوى الشعار الموجودين على الساحة
|
| الساعة الآن +4: 10:14 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
