قبيلة بني رشيد - قصيدة الشاعر مساعد ربيع الرشيدي في قبيلة بني عـــــبـس

قبيلة بني رشيد (http://ban3abs.com/aa/index.php)

- قصائد في قبيلة بني رشيد (http://ban3abs.com/aa/forumdisplay.php?f=48)

قصيدة الشاعر مساعد ربيع الرشيدي في قبيلة بني عـــــبـس

أدخل على الله وأسلم الأمر تسليـم=وأستغفره وأستذكـره وأستميحـه
وضح النوايا والمسـاري مجاهيـم=والحلم غالـي والليالـي شحيحـه
سـادت مفاهيـم وبـادت مفاهيـم=ويح الزمن يابنت الأجـواد ويحـه
خلي علـوم ممسسيـن المرازيـم=واخذي علوم مصمصمين القريحـه
حنا سلايل عبـس يامذيـر الريـم=حنـا مقابيـس الوغـى يامليحـه
حنا سلايـل قاسـم الخيـل ودليـم=وزعاتنـا يـوم المكايـد رجيحـه
بدو حفايا مـا انصفتنـا المقاسيـم=وبصدورنا عـزٍ تطـارخ فحيحـه
نرعى رفيف البرق في ساقة الغيـم=ومن يستبيح حدودنـا مـا نبيحـه
وليا ترع في هرجته دفش وبهيـم=خطو الهبود الـي تكابـر فطيحـه
عن ساقط الهرجه نطـق الملاطيـم=ومن طاح فيها مارحمنـا مطيحـه
نكبر عن الطفسه ونجزع من الضيم=ونموت ما ناطا شليـل الفضيحـه
نزوم زومـات الرجـال المحاشيـم=ونهـد هـدات النمـور الجريحـه
ربـع علـى در المنايـا مفاطيـم=من هازنا زاغت عجوزه تصيحـه
أليـا تغشلينـا عسيـر الشغاميـم=لومك على الي ما يبرهـن مديحـه
وان لولشـن محشمـات الملاثيـم=والموت حثرب بالحناجـر ضبيحـه
جينا من اقصانـا سحـاب مراديـم=كل يذكـي حروتـه عـن نطيحـه
يازيـن دح قفوشنـا لـه ترانيـم=والعج واقـف والفعايـل صريحـه
كان المنايا سوقهـا مابعـد سيـم=والخوف برك بالقلـوب الكسيحـه
حنـا زباينهـا علـي المـلازيـم=علـم يقريـه النصيـح لنصيحـه
واللي بنـا بيتـه نبيـه ابراهيـم=إنا طريـق المستميـت لضريحـه
بني رشيد إن عتـم الجـو تعتيـم=ماللـردى فينـا ملامـح وليـحـه
اجسر من الرعاد واكرم من الديـم=سمر الجباه اهـل الوجيـه الفليـح
خوينـا نقريـه عـزه وتحشـيـم=دخيلنا دونه عن المـوت صيحـه
يابنـت ماحنـا فقـارى معـاديـم=لوماسكنـا بالقصـور الفسيـحـه
تجار لو ما حاشـت يدينـا ملاليـم=ومن الغنـاه نفوسنـا مستريحـه
مانستضيـق اليـا لفونـا معازيـم=للضيف لو نذبـح حدينـا ذبيحـه
دايـم يدينـا للعطـايـا موالـيـم=لاخانـت الفزعـه وجيـه كليحـه
طال القريض ومقبـل الودومقيـم=والبـال عييـا طارقـه لايريحـه
أقولها وأبصم على القـول تبصيـم=والعلم بين زايفـه مـن صحيحـه
ماهو قصور بالحـرار الصماصيـم=كل بدرب العـز قـد هـب ريحـه
مدحـي لربعـي مايـذم الأكاريـم=ولايستشـك الا خبيـث الشريحـه
والحق واضـح للرجـال المفاهيـم=والحقد يخرث بالنفـوس القبيحـه
والشر من جيت معزي وهـو نيـم=واليوم وحده والشريعـه سميحـه

تحياااااتي ابو عــيد الرشيدي

رد: قصيدة الشاعر مساعد ربيع الرشيدي في قبيلة بني عـــــبـس

شكرأ اخي ولكن افضل اعادة تنضيم القصيده ممكن وتغيير الون

رد: قصيدة الشاعر مساعد ربيع الرشيدي في قبيلة بني عـــــبـس

اشكرك اخ ابو عيد علي هذه القصيده

ونامل بالمزيد انشاء اللهn200678 n200678
:o

رد: قصيدة الشاعر مساعد ربيع الرشيدي في قبيلة بني عـــــبـس

الله يعطيك الف عافيه
علي هذه قصيده
وبيض الله وجهك
:o :o :o

رد: قصيدة الشاعر مساعد ربيع الرشيدي في قبيلة بني عـــــبـس

والله ماقصرت يابو عيد
قصيده جميله تتشرف فيها
قبيلة بني عبس
n200678 n200678
baaa2.gif

رد: قصيدة الشاعر مساعد ربيع الرشيدي في قبيلة بني عـــــبـس

ههههههههههههههههههههههههالله يرجك ابو عيد يبي يكحلها اعماهايعطيك الف عافيهننتظر جديدك

رد: قصيدة الشاعر مساعد ربيع الرشيدي في قبيلة بني عـــــبـس

حياك الله اخوي بو عيد واشكرك على نقل هذه القصيده العبسيه
لشاعر الكبير مساعد ربيع الرشيدي

رد: قصيدة الشاعر مساعد ربيع الرشيدي في قبيلة بني عـــــبـس

لاهنت على نقل القصيده العبسيه

للزعيم : مســـــــاعــــد الرِشـــيدي

رد: قصيدة الشاعر مساعد ربيع الرشيدي في قبيلة بني عـــــبـس

يعطيييك العافيه علىى العبسيه لملك القصيد :- مساعد الرشيدي

رد: قصيدة الشاعر مساعد ربيع الرشيدي في قبيلة بني عـــــبـس

الاخ ابو عيد العويمري مشكور على نقل هذه القصيده.الشاعر مساعد ربيع
صح السانك والسان ابو فيصل

ملاحضه مكان القصيده منتدى الشعر الشعبي..قسم القصائد الخاصه في القبيله
تم نقلها الى مكانها الحقيقي

تحياتي

رد: قصيدة الشاعر مساعد ربيع الرشيدي في قبيلة بني عـــــبـس

مساعد بن ربيع الخياري الرشيدي اسم له مكانته في اوساط الشعر الشعبي وفي قلوب قبيلة بني رشيد

شكرا لك على النقل المميز

رد: قصيدة الشاعر مساعد ربيع الرشيدي في قبيلة بني عـــــبـس

صح لسان أبو فيصل

مشكووووووور يا ابو عيد