يالله ياللي تسجد الناس لرضـــــاه = يا وامرٍ خلقه على حج بيتـــــه

تفرج لمن سدّه على الناس ما ابــداه = راضي على مقسومك اللي عطيتــه

من شي يسل الحال والجسم يبـــراه = والناس ما يشفون ان ما شفيتــــه

قلــت آه واجرحاه من علتــي آه = وان حملوني حمـل غيٍ قويتـــه

قالوا سفا بالحال ويش اللــي اغـواه = قلت آه ويش المنكر اللي وطيتــه

قالوا جهلــت وبان علمك لمنهــاه = قلت آه علمي يا ملا ما كنيتــــه

قالوا طلبنـا لك مـن الله معافـــاه = قلت آه وحدّْته وعفــوه رجيتــه

قالوا هله واحباب عينه نصحنــــاه = قلت آه هذا واردٍ مـا بغيتــــه

قالوا ندور لك مـن البيـض حليــاه = قلت آه لو غيره بكفـي رميتــه

قالوا نشاش العــود مالك بلامـــاه = قلت آه عود الموز بيـدي لويتــه

قالوا تزوج كود تدلـــه وتنســـاه = قلت آه لو اخذت اربعٍ ما نسيتـــه

قالوا من اقصى الناس وين انت واياه = قلت آه ما آنسى يوم جاني وجيتــه

قالوا نشوفـه عنـد هذا وهـــذاه = قلت آه عمره ما عقب حجر بيتـه

قالوا عليــلٍ ناقـــلٍ داه برداه = قلت آه باقرابي وروحي فديتــه

قالوا نشيــر ولا نفـع ما حكينــاه = قلت آه هراج النمايم عصيتـــه

قالوا كثــر شيبك وقلبك بعميــاه = قلت آه لو قلبي غريرٍ نهيتــــه

مطاوعٍ قلبــي بعجفــاه وقــداه = والى عطى منهاج دربٍ عطيتــه

ياناس خلوا كل وادي ومجـــــراه = قلتوا كثيـر وقولكــم ما لقيتــه

ياناس خلـوا كـل وادي ومجـراه
قلتـوا كثيـر وقولكـم مـا لقيتـه
0
0
رحم الله شاعرها
0
0
ولاهنت على النقل


23232bani-3abs

اقتباس من مشاركة حجاج العريض (المشاركة 594155) يعطيك العافيه فلاح الفلاح لاتحرمنا جديدك

اقتباس من مشاركة ناصر شحيتان المحيش (المشاركة 594242) يعطيك العافيه فلاح الفلاح لاتحرمنا جديدك __________________

اقتباس من مشاركة ممدوح العريض (المشاركة 594655) ياناس خلـوا كـل وادي ومجـراه قلتـوا كثيـر وقولكـم مـا لقيتـه 0 0 رحم الله شاعرها 0 0 ولاهنت على النقل 23232bani-3abs

اقتباس من مشاركة سلطان الغرام _ (المشاركة 595031) الله يعطيك العافيه تحياتي لك

اقتباس من مشاركة خالد البغيلي (المشاركة 624863) رحم الله شاعرها ولاهنت على النقل