**يا ويل حيٍّ تولّع فيه يا ويله**
 

ان قلت سولف يسولف لي بتسبيلة

..............وان قلت بالله يقسم لي بسلهامة

يا ويل حيٍّ تو لّع فيه يا ويله

..............كم من شهر مرّ لا صامه ولا قامه

حيٍّ يشوفه وشاف الرمش يومي له

...........ادخل على الله كيف تشيله عظامه

من ناعس الطرف ذبّاح العرب غِيلة

..............كم واحدٍ صافح الموت اوّل ايّامه

خلّى بياضه بياضي عبد عزّي له

.............بسْ ما عليّه حلاة الخدّ بالشامة

طفلٍ وتوّه صغير السنّ ياحليله

...........يا ميْت! يا ميْت! من يلقاه قدّامه

توّّّّه يسالم على الترويض باقي له

..........في عالم الحبّ زرفاله ودرهامة

يمكن بعد ليلتين ويمكن الليلة

.........بسّ آتأكّد واشوفه شقّ هندامه

يا وش يهمّه وانا ما نيب من نجيله

..........من عام الاوّل وهو ريمٍ وانا رامة

حياة من لا عشق شرواه وش هي له

............لا وا خسارة ياْ ليلٍ مرّ ما نامه

عليه كفّي يحَفر القبر ويهيله

..........واخالط الناس بسّ عْقال وعمامه

لو بين مزّة وتعميرة وتعسيلة

...........يا وين انا والورَق والنرْد والدامة

سيد العذارى يوصّي لي واوصّي له

.........وقبلي خواله عليه توصّي اعمامه

وان ذبت انا فيه قبلي ذاب منديله

.........ولو ذاب حتّى عليه الثوب من لامه

ومن يفتتن به ترى مااحدٍ يراعي له

.........فتنة هل السبت من قامه ومن هامه

مفتون في طفل توّه ما لِبَس شيلة

..........اجل وشَ يْصير بي لو كمّل اعوامه

تركي الميزاني

مشكور اخوى حجاج العريض

على النقل الجميل

مشكور حجاج العريض


على النقل

مشكور والله يعطيك العافيه

الله يعطيك العافية ..
ومشكور على النقل الرائع ..
والأبيات الجميلة ..
احترامي ..
ذكـريــات ....

شكراً لك على المرور 89998bani-3abs

عبدالعزيز مرور ك يشرفني 89998bani-3abs

هلا بك بنت العبسي مرورك هو الروعه بحد ذاته


بالنسبه للملاحظه الله علم انا سمعته بصوت الشاعر وقراءته بديوانه

شكراً لك اختي على المرور الجميل . تحياتي

صح السان الشاعر وسلمت يد الناقل..
يعطيك العافيه اخوي حجاج ..
وانا اايد راي اختي بنت العبسي ...القصيده لناصر الفراعنه

هلابك زهو الايام

وانا احترم ارائكن ولا أجزم بأن القصيده

للميزاني

مرورك اسعدني 89998bani-3abs