|
كهل بـ صباه !!
السلام عليكم ورحمة الله وبركاته ..
بعض القصائد .. لا يثق الشاعر من فهم الاخرين .. اتجاهاتها .. ولذلك .. يخاف من نشرها ! :
وقف بين الذهول .. وطعنة الخبجر .. يردد ( ليه ! ) = سماه من الغضب .. يخطف هواه .. وعمق نظراته يخذله .. عن تباشير الصبر .. دمع ٍ سكب راعيه = نزف فيه انكساره.. والبياض.. وبسمة اشفاته سألني .. وش بقى لك من طموح .. يحق لك تبديه! = ما دام ان الخناجر .. قصة اوصالة مع امواته! سؤال .. وفي دهاليزه جواب .. وشفره وتنويه = سؤال .. وينثر اوراق الشكوك .. وفيض شرهاته أجل .. دام السؤال .. انشودة العاجز على قاريه!! = أجل .. كيف الجواب .. يكون اضافة لأنتصاراته غريبة !! من نقش حرف السؤال .. ولا تمعن فيه = غريبة!! من رضى بَرد السؤال .. ومعه اجاباته! غريبة!! صارات الدنيا جروح .. وما تبي تمليه = غريبة!! والفكر .. كهل بصباه .. وفضّل انصاته ترى .. لو ضيقة القيض .. بسرابه واحتضار التيه = ترى .. ما يذود عن صبره .. سوى ريحه ونسماته! وانا .. بيتٍ سكنته .. واحتضنك .. وجسدّك واليه = ومنك .. آخر حروفي .. والرفيق .. وسر طعناته! مسافر .. في ربوعك .. ما نبض قلبي .. بلا توجيه!! = مسافر .. يحمل ادروب السفر .. و البُعد ..رحلاته اسافر .. في فضاك .. استلهم الواقع على وجهيه = و آلاقي .. ما ملك لقمان .. سابح مع مجراته واذا .. ضاق الخفوق .. بزحمة العالم .. على الترفيه = اسافر .. في فياضك .. عن صرع الجهل .. واصواته! واسافر .. في محيطك .. وادفن اسراري على شاطيه = وأنقيّ .. من درر عمقه .. حروف الشعر وابياته واسافر .. في جبالك .. لا انكسر قلبي .. على غاليه = و انا ظر عن كثب .. زرع الاحبة .. وانكساراته هنا .. سر السكوت .. اللي سكنيّ .. يوم اررد ليه = وانا .. فيني السؤال .. يصيح .. دثرني بأجاباته!! : يُقال .. ان الجبال تثير ما بالنفوس .. فقد يكون ما يتبع .. خارج إطار النص .. : :
اسافر .. في جبالك .. لا انكسر قلبي .. على غاليه = و اناظر عن كثب .. زرع الاحبة .. وانكساراته هنا .. زرع ٍ زرعه اللي زرعه .. ولا نوى يسقيه = ومات الزرع .. واحرق داخلي .. رحلة متاهاته واشوف هناك .. زرعٍ .. يدهش الناظر قبل يغريه = على كشف الغموض .. اللي ورى سوره وغاباته زرعه اللي عطاه من اهتمامه .. قدر ما يكفيه = وطالت .. من بعد طول انتظار .. اوسع مساحاته نضج فيه الثمر .. والله كتب .. عقب الفرح ما اجنيه = سطى سيف الفراق .. وغنت الورقى .. نهاياته بزغ .. نور الفراق .. وحانت اللحظة .. وانا اعزيه = توداعنا .. وكل ٍ ينزف الضيقة .. و زفراته رحل .. ياطى على درب ٍ كره .. وتكرهه رجليه = رحل مجبر .. وتبكيه الورود .. وحزن شجراته! رحل .. يحبس دموعه .. والضياع تصوره عينيه = رحل .. ينزف على درب العذاب .. اصدق عباراته وقف .. بآخر طريق .. ولدّ لي .. نظرة حزن تعنيه = وسالت فوق خده .. دمعة الفرقى .. وعبراته وقف .. يبكي على حب ٍ من اعماق الوفاء يرويه = نزف .. صرخة عتاب .. لحظة القاسي .. وعثراته رحل .. يحمل معه .. حجة غياب .. وعذره بيديه = وقفت .. ولا سمعت .. الا الطعون .. ونبرة اهاته هنا .. سر السكوت .. اللي سكنيّ .. يوم اررد ليه = وانا .. فيني السؤال .. يصيح .. دثرني بأجاباته!! وسلامتكم .. تقديري الخاص .. اخوكم .. ابو نايف .. |
اخوي ابو نايف صح لسانك وعتلا شانك قصيده رااائعه من شاااعر رااائع تحياتي لك وننتظر جديدك |
شامخ الشامخ صح لسانك مليون ولايكفون شاعر رائع بكل حضور ومتميز بشعره شهادتي بك مجروحه |
وسع صدرك مع كهل الصباء!
أخوي الدكتور شامخ الشامخ؟
يسعد صباحك. أهلا بعودتك لشبكة عبس حاملاً بين يديك جديدك المذهل...قصيدتك مذهلة جداً..سبحت بأعماقها فوجدت نوادر الشعر والمعنى...فكرت بالتعليق عليها...لكنني قررت الكتابة بنفس المنظور! دمت بووووووود |
أخي شامخ الشامخ .. قصيدة محكمة التركيب جزيلة المعاني مشبعة بالاحاسيس ...شكرا جزيلا على هذا النص الشامخ
|
شامخ الشامخ صح لسانك مليون ولايكفون شاعر رائع بكل حضور ومتميز بشعره شهادتي بك مجروحه ودمتم كما تحبون |
لا بد ان نجيد الصمتـ في حضور لغة الكبار
. . الشامخ نصكـ شامخ كهامتكـ العزيزة |
الله عليك يالشامخ صح الله لسانك
قصيده بها الجمال والروعه مايجبرني على الإطلاع مره اخرى. شامخ كللت هذه الرائع بغموضك الذي لا نراه إلا من فوق الخيال ويصعب علينا تفسيره. وبعد اذن مشرفنا تم التثبيت لهذه الرائعه. فلله درك من شامخ وسوف نتطلع لجديدك |
صح لساااانك ياشامخ ولا هنت وتقبل مروري
|
صح السانك
قصيدة تستحق المدح ماهي غريبة على أبو نايف |
رووووووووووووووووووووووووووووووووووووووووعه
|
|
صح لسانك
وقصيده رائعه وتقبل سلامي |
صح السانك اخوي ابو فهد
##مع تحيات العضو الجديد اهذريبك## |
اخووووي شامخ الشاااااامخ
الله يعيطك العافيه وصح لسااااااااااانك تقبل مروري مع اعجاااابي |
| الساعة الآن +4: 11:25 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
