قبيلة بني رشيد - الرشيدي والعجمي محاوره ..............2...............بتاال

سلام عليكم

هذي محاورتي مع طويق الثانيه وكانت الختمه او قفلة المحاوره عند طويق

بتاال الرشيدي

بتاال وان جاب الجزيله جابها سمن ودسم=سلام وابغا شاعرن عجمي يدسم شاربـه
برد وسلام الأوله والثانيـه نـار وحمـم=سجيت رجلي بينكم من قام ابا اكوي غاربه

طويق العجمي

طويق لا منّه رمى شلفاه تركز فـ/اللحّـم=ماهيب عوجا والرشيدي خابـر ً مضاربـه
الأوله قصيت خشمك ، وأخذ فالأخرى وسّم=ولا توعّد ، والمسد من فوق عنقك كاربـه

بتاال الرشيدي

اطويق عجمي مايعرف الجاه وسلوم الكرم=ماهو مرحب والرشيدي ذي بسلمه ذاربه
كان انت قصيت الخشم انا توطيت الخشم=خدك به قطور الندى بالله قل من ظاربه؟

طويق العجمي

نفرح بشوف الصيرمي والأجودي والمحتـرّم=وأنت ونعم شاعر ، وتفهم فـ/الروا المتضاربه
(الله وأكبر) يا زمانً دار ، يـاروؤس القمـمّ=جرأ الضعوف ، وصلح علوم العباد الخاربـه

بتاال الرشيدي

خابرك وافي والطراقي لو تجيـك ابتبتسـم=من طيب جدك وانت عارف فالعرب والعاربه
الله يعز اهل القصور اللي حواليهـم خـدم=خلت سليل اللاش يفخر لو يزيـد العاربـه

طويق العجمي

من جا على عز ومعزه يقلط وفالـه شحّـم=ولا الردى ماهوب يطلق وجه رجل ً سار به
أفريقيـا دار المجاعـه والرشيـدي يبتـرّم=ليته يوفر مـن معاشـه كسـوة ً لأقاربـه

بتاال الرشيدي

الطنـب متراخـي ورقعـة السوالـف بالقلـم=منتـه بسبـاح البحـر انتـه رقـدت بقاربـه
كسلا بها ساس الشجاعه (عبس) ربعي (وتحكم)=واهل اليمن معهـم زيـودن تسجـد لعقاربـه

طويق العجمي

ياللي تدوّر زاد ، زادك جاك من شوك السّلم=وما فيه غير العافيّه ، والحر صيته طار بـه
(ذي قار) تشهد وانشدو التاريخ من رد العجمّ=ياللي تمّدح جدك فـ(ذي قار) وش تجاربه ؟