|
فلاح ابن بصمان عز لقصيره ....
\
الســــلام عليـــــــكم ورحمــة الله وبركاته اعزائي واسعد الله اوقاتكم .. كتبت هذه القصيدة برجل كريم يستحقها هو واسرته الكريمه وهو السيد / صالح فلاح البصمان بمناسبة مسابقة الكويت الثانيه للصقور فهو يستحق هذا المدح وهذا الشكر فهو من دعم وبقوة مهرجان قبيلة الرشايدة الأول وهو من دعم الفروسيه بمحافظة الفروانيه وهو من دعم الصقور بالكويت وهو من يقف وقفات الرجال بكل ميدان وهذا لايستغرب عليه لأنه من عائله كريمه شاع صيتها بالكرم والشهامه فوالده رحمة الله عليه فلاح بن بصمان (دسم الصحن ) عرف عنه بكرام الضيف ولغب هذا اللغب رحمه الله وهو رجل معروف عند حكام الكويت والسعوديه وعند كثير من القبائل بكرمه وشكالته وشهامته ولقد انجب فلاح ابن بصمان ابناء عرفو بالكرم بعد ابيهم فارس ,, غلاب ,,, مطلق ,,, مطارد ,, صالح ,,, عبدالرزاق رحم الله مطلق لقد كان كريما وبشوش الوجه يعرفه الصغير قبل الكبير وكان يتمتع بخلاق عاليه ومتميزه تصعب على كثير من الرجال والمعروف عنه مستحل ان تمر بيته او حلاله ولم يعشيك فهو معروف بغمزة عينه لخادمه وهي اشارة بينهم بذبح الذبيحه اذا مرو به الطرقيه او الضيوف رحمه الله هو وغلاب اخيه وابوه فلاح اما صالح فهو من اكمل المسيره هو واخوانه وفقهم الله وبارك الله فيهم وهذا يسعدني ان اشاهد ربعي بهذه الصفاة وانا افخر بكل طيب ولقد نظمت هذه الأبيات الذي يستحقها ابو مبارك صالح البصمان فهي قليله بحقه والأن اتركم مع القصيده سر ياقلم واكتب واجر القوافي شاعرك وافي وانت صاحب ووافي دامك خويي ماعليه خلافي اكتب على بيض الورق قاف مليان سوق المعاني للرجال الاصيله اللي لهم شانٍ بوسط القبيله اهل الكرم واهل القلوب النبيله اهل الكرم والطيب ذربين الأيمان سلم الكرم من جدهم وارثينه يوم البدو مايعرفون المدينه غوج الكرم دايم وهم مسرجينه انا اشهد ان احصانهم اسمه احصان تعرفهم الحكام ويا القبايل وتشهد لهم بالطيب كل الحمايل فعلٍ مجرب ثابتٍ بالفعايل ولا خير في قولٍ على غير برهان مرحوم ياعودٍ فعوله كبير ه فلاح ابن بصمان عز لقصيره له قدر عالي في قلوب العشيره دسم الصحن بالدين والفعل ديقان والنعم ابو فارس وكلٍ يقوله يوم الردي بالطيب يفتر ذلوله روس الرجال ان جى مجال اشهدوله قالو ونعم الصيت في كل ديوان وعزالله انه جاب عقبه رياجيل مطلق ومطلق يبخصونه حلاحيل (اليا غمز عينه ذبح طيب الحيل ) ياجعل قبره يشرب بغر الأمزان ولا بد مايبقى للأجواد باقي يرقون بالطوله طويل المراقي دايم على الحروه وعند المهاقي سلايلٍ تبقى على مر الأزمان صالح يشب النار في كل حزه جميع ناموسٍ يجيه ويرزه وجه السعد يدعم بعز ومعزه مايترك الموروث في كل ميدان حط الجوايز مايعد الخساير ماهو بمتردد ولاهو بحاير طيب بفعل الطيب والجود طاير يستاهل اني امدحه ابن بصمان ونس صقاقير الكويت وجمعهم بالمعنويه والتأيد دفعهم وامن الجوايز من غلاهم نفعهم الكل منهم ياهل الخير ربحان يستانس الصقار في هدت الطير لوهو على الملواح في حزة عصير يستانس ويطرب برفقة مناعير راعي الولع يتبع هوى النفس طربان الصيد مامن صيد لكن معايا بين القروم اهل الظفر والحمايا ضحك وناسا بطيبات النوايا تحديٍ مابين ربعٍ وصدقان هذا معه فرخٍ سبوقٍ وطلاع وهذا معه قرناس قطاع بتاع تعاندم وطيورهم كبت القاع تلن ورى خربٍ منجم بالأعيان هذي حلات العمر والعمر رايح تسج مع ربعٍ زهتها المدايح تستانس وخاطرك طربٍ وسايح مع خوة اللي شانهم باللقا شان واخر بيوتي يارجال الشكاله يستاهل الناموس من ساق ماله نثني عليه ونمدحه بالجزاله وافي يابن بصمان قرمٍ ومزبان واختم كلامي في صلاة وسلامي على رسولٍ قدوة ٍ للأنامي محمد الهادي عزيز المقامي خير البشر معروف من نسل عدنان وسلامتكم |
سر ياقلم واكتب واجر القوافي
شاعرك وافي وانت صاحب ووافي دامك خويي ماعليه خلافي اكتب على بيض الورق قاف مليان سوق المعاني للرجال الاصيله فعلٍ مجرب ثابتٍ بالفعايل ولا خير في قولٍ على غير برهان صح للسااانك ياراعي العوجا بيض الله وجهك يا راعي العوجا أنشهد أنك وافي والله ونعم فيك وفيهم كفو والله تحياااتي لك |
ماعليك زود يابن العم وفى حضك ونصيبك
تسلم على مرورك الكريم صح بدنك شرفت الصفحه |
وعليكم السلام ورحمة الله وبركاته
اخي الشاعر الرائع والجزل ابومحمد الدواي راعي العوجا بيض الله وجهك وصح لسانك وابومبارك البصمان كفؤ ويستاهل كل خير شاعرك وافي وانت صاحب ووافي كفؤ كفؤ والله يابومحمد ونت والله وافي مافيها كلام وبومبارك يستاهل كل خير والعلوم الطيبه تحريها ننتظر جديدك الجزل المفيد وفقكم الله |
اخي بالله الغالي على قلبي مبارك الشويلعي
مرورك يعلم الله انه ينور قلبي قبل الصفحه بارك الله فيك يابو عبدالله وتسلم على المرور اخوك فواز تقبل فائق الود والأحترام |
صح السانك ياراع العوجا على هذه الوافيه وانت وافي والي مدحتهم وافين
بيض الله وجهك وجه كل من يفعل الطيب والعلم الغانم مثل صالح البصمان وغيره كثر الله من امثال الرجال اهل المواقف المشرفه بلغهم تحياتي واحترامي وانت لك تحيه واحترام ياراع العوجا |
الله يعلي مراتبك ابو صالح ويارك الله فيك
وتسلم على مرورك الكريم تقبل فائق الود والاحترام |
واخر بيوتي يارجال الشكاله
يستاهل الناموس من ساق ماله نثني عليه ونمدحه بالجزاله وافي يابن بصمان قرمٍ ومزبان ونعم فيه ونعم في بني رشيد من المشرق الى المغرب |
صح لسانك يا راعي العوجا
ونعم صالح البصمان بيض الله وجهه على دعمه لاهل الطيور والخيل وهذا مو غريبه عليه وصح لسانك مليار مره ولايكفون يا فواز وتقبل سلامي |
ولا بد مايبقى للأجواد باقــــــي
يرقون بالطوله طويل المراقــي والله والف نعم بربعنا وأهلنا وعزنا بالكويت وأسرة البصمان أسره كريمه ومعروفه وشكرا ياراع / العوجا على تميزك الملموس وأجتهاداتك ونقل لنا كل ماهوا مفيد ويستاهل المدح البصمان وهذا من وفائك وطيبك فواز اشكرك كل الشكروالشكرلله عزوجل والى الأمام والله يحميك من كل مكروه |
إقتباس:
ماعليك زود وتسلم على مرورك الكريم بارك الله فيك لاهنت |
صح السانك ياراعي العوجا
وبيض الله وجهك ويستاااهل ابومبارك كل خير |
إقتباس:
|
صح لسانك اخوي فواز ولا هنت
|
إقتباس:
ولا عليك زود يالأمير انت واسرتك الكريمه بارك الله فيك وجعلك ذخر ويحميك ان شاء الله من كل مكروه دمت بحفظ الرحمن دائم مرورك يسعدني 4774bani-3abs |
إقتباس:
تقبل تحياتي |
صح لسانك شاعرنا
|
صح لسانك اخوي فواز ولا هنت |
صحت بدانكم جميع شكرا على مروركم الكريم
|
سر ياقلم واكتب واجر القوافي
شاعرك وافي وانت صاحب ووافي دامك خويي ماعليه خلافي اكتب على بيض الورق قاف مليان سوق المعاني للرجال الاصيله فعلٍ مجرب ثابتٍ بالفعايل ولا خير في قولٍ على غير برهان صح لسانك والله يعطيك العافيه |
صح بدنك شكرا على مرورك الكريم
|
| الساعة الآن +4: 11:14 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
