|
[[ أغلى الحبايب ]]
السلام عليكم ورحمة الله وبركاته
أخواني وأخواتي رواد هذا المنتدى العريق أسعد الله أوقاتكم بكل خير ... لكم مني هذه القصيده المرثيه بوالدتي رحمها الله تعالي واللتي أتمنى أن تحوز علي رضائكم وتنال اعجابكم ... كما أتمنى أن لاتبخلوا بالدعاء لها جزاكم الله خير الجزاء وأسأل الله لي ولكم طولة العمر ... علي امي يسيل الدمع من محجر الأعيان ولا ضنتي لو طـول الوقـت يسلاهـا عليها يسيٌل مثل سيلـن مـع الوديـان ونهيت العيون ودمعتي كن مـا اقواهـا وانا لابكيـت افراقهـا مانـي ابغلطـان ولاأشره علي عيني إليا سيلـت ماهـا انا أشره علي ناسن غشيمه كما العميان يقولون تنساهـا وانـا كيـف أبنساهـا ليامن ذكرت افعالهـا بماضـي لأزمـان تشيب العيون ودمعـة العيـن تقفاهـا انا ماشعرت الحزن لو كان مهمـا كـان لكـن الحـزن خيـم بعـد مادفنـاهـا صحيح الوداع الي من الله علينـا حـان وداعن حقيقي مابقـى غيـر ذكراهـا وعلي الحرام أني علي شوفها شفقـان وعلـي الحـرام ان الفقيـده فقدناهـا ولاني معارض دبرة الواحـد الرحمـان ولكـن ياليـت الله لنـا زود خـلاهـا انا بعدها ماهمني فـلان والـلا فـلان حياتي علي اتهون ولا يهـون فرقاهـا اشوف الفرح له عند بعض البشر عنوان وانا فرحتي من بعدهـا ويـن أبلقاهـا اهنيك ياللـي بعيدنـا عايـد العربـان وأوصيك بمك تتعب النفـس للرضاهـا ترا امك ليامن قمت في حقها باحسـان تذوق الفرح وأصل السعـادة ومعناهـا انا أول مع امي عايشن عيشة السلطان ليا ضاق صدرى يـوم يفـرح بلقياهـا معاها حياتي كنهـا اللـول والمرجـان وحياتي طعمهـا صـار ضايـع بلياهـا حبيبه وهي أغلى الحبايب مـن الخـلان وعسى الله يصبر قلب من كان يهواهـا دخيلك يارب الكـون يامنـزل القـرآن بجـاه النبـي يـارب بالخيـر تجزاهـا وانا طالبـك يـارب ياخالـق الانسـان عسى جنة الفـردوس يـارب مثواهـا أخوكم أبو مشارى |
صح اللسانك اخوي
على هذه القصيدة الرائعه اخوك سعد |
صح لسانك
اخو ي حمدي معلث قصيده رائعه تحمل من المعاني الكثير والكثير والكثير لله درك لله درك لله درك تحياتي لـــــــــــــــــــــــــــــــــــــــــــــــــ ــــك |
صح السانك اخوي حمد عبرت عن مشاعر ك الخاصه باعز انسان عندك (والدتك)
واسال الله بعزته وجلاله ان يرحم والدتك ويكنها فسيح جناته ورحم الله جميع موتى المسلمين |
صح لسانك قصيده معبره
واسأل الله أن يرحم والدتك ويسكنها فسيح جناته وجميع موتى المسلمين |
صح لسانك ولا هنت
|
صح لسانك قصيده يا بو مشااري
واسأل الله أن يرحم والدتك ويسكنها فسيح جناته تقبل مروري |
الله يرحم الوالده ياحمدي وصح لسانك ولا هنت
|
صح لسانك على هذه الشامخه من نوعها
واسال الله بعزته وجلاله ان يرحم والدتك ويكنها فسيح جناته وتقبل منــــــــــــــي فأأأيق الاحـــــــــــــــترام |
صح لسانك وتقبل مروري وشكراااااااااااااااا
|
اخي الفاضل سعد الرشيدي
صح بدنك واشكرك على المروور تقبل تحياتي اخوك ابو مشــــاري |
| الساعة الآن +4: 05:12 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
