يامل قلبن يسج وفيه دولاجه = من هاجسآ بالضماير قام يدرجها
في معزلن عن جميع الخلق وازعاجه= ماسمع من الناس لو تكثر لجالجها
ماغير أهوجس تقول مضيع حاجه= وأخذ وسند على روحي وأهرجها
وأدوج لوكان مارجلي بدواجه= أدله النفس لين الله يفرجها
يالله ياللي بيدك الضيق وافراجه= ياخالق الخلق ياقاضي حوايجها
تفرج العينآ اليانامت بسوهاجه= دكة عليها الطواري لين تزعجها
وبالصدر ضيقه ونوم العين هملاجه= وعيني من العام والسهر امتولجها
نوبآ سهرها شديد ونوب نهاجه= ونوبآ تكن الدموع ونوب تزعجها
عليك ياللي بقلبي كن وهاجه= وهاج نارآ هواء الغربي يسارجها
يابو ثمان تشاد اللؤلؤ العاجه= كن البرد يوم تضحك في مفالجها
قلبن يناجيك بسلوم الهواء ناجه= يشكي لك الحال داخلها وخارجها
أما التفت له وتم الوصل بمواجه= وألا بلا عشرتن هذاي نتايجها
وش ينفعك من حنين القلب واخلاجه= واجروحي اسبابها أنت ولاتعالجها

اقتباس من مشاركة *الخيال* (المشاركة 207781) أبو فايز الله يعطيك مليون عافية على نقل هذه القصيدة الرائعة وصح لسان شاعرها الكبير/عبدالله بن عون العتيبي تحياتي لك يالغالي

اقتباس من مشاركة عبدالعزيزعايض (المشاركة 207786) قصيدة غنيه عن التعريف صح لسان شاعرها وتسلم على النقل الرائع

اقتباس من مشاركة ابو عبدالعزيز (المشاركة 208150) شكراً لك اخي الكريم

اقتباس من مشاركة عادل بن هون (المشاركة 213947) ياخال ابوفايز مشكوووووووووووووور القصيده للشاعر: نــــــــــــــــــــــهــــــــــــــــــــــــــ ــار بن عون العتيبي